Йымдастырылған оқу іс-әрекетінің технологиялық картасы

Білім беру саласы: Әлеуметтік орта

Бөлімі: Қоршаған ортамен таныстыру.

Тақырыбы: Қонаққа қуыршақ Сәуле келді.

Мақсаты: 1. Сөздік қорларын «Ыдыстар» тақырыбындағы сөздермен толықтыру.

2. Әрбір ыдыстың қолдану жағдайына байланысты аталуын түсіндіру.

3. Қонаққа күту ретін түсіндіру арқылы қонақжайлық, сыпайлылық сияқты сапаларын тәрбиелеу.

Қажетті құрал-жабдықтар: қуыршақ Сәуле, қант салғыш, майлық салғыш кәмпит салғыш, қасықтар, кастрөл, таба.

Сөздік жұмыс: майлық, кәмпит салғыш.

Билингвальды компонент: қонақ- гость, ыдыс-аяқ – посуда, үстел- стол.

Іс-әрекет кезеңдері	Тәрбиешінің іс-әрекеті	Балалардың іс-әрекеті
Мотивациялық қозғаушылық	1.Балаларға қонаққа қуыршақ Сәуле келгенін хабарлап айтады. -Балалар, біз-қазақ халқы қонақжай халықпыз. Халқымыз қонақты қарсы алу, шығарып салуға ерекше мән берген. Қонақты үй иесі қарсы алып, есікті өзі ашып, үйге енгізіп, соңынан өзі шығарып салады. Қуыршақ Сәулеге өзіміздің қонақжайлығымызды көрсетіп сыйлайық.	Қуыршақ Сәулемен амандасады, қуаныштарын көрсетеді.
Ұйымдастырушылық- ізденістік	Әңгіме өткізу. -Қонақ күту үшін ыдыс-аяқ керек. Ыдыс-аяқ – күнделікті тамақты дайындап, ішіп жеу барысында пайдаланылатын тұрмыстық заттар жиынтығы. Ыдыс – аяқ қолдану жағдайына байланысты тамақ дайындайтын: кастрөлдер, табалар,қазан, ожау; тамақ қабылдайтын: тәрелкелер, табақ, қасық, шанышқы, кесе, стақан саптыаяқты және тамақ сақтауға арналған ыдыстар деп бөлінеді. Біз бүгін қуыршақ Сәулеге дастарқан жаямыз. Ол үшін алдымен мынадай жаңа сөздерімен танысамыз. 2. Билингальды компонент: қонақ- гость, ыдыс-аяқ- посуда, үстел- стол. -Мынау – шай шығаратын шәйнек. Мынау – кішкентай қасық. Ол не үшін керек? -Мынау – саптыаяқ. Онымен шай ішеміз. -Дастарқан басында өзіңді қалай ұстауың керек? -Кастрөл не үшін керек? Ал таба ше?     3. Сергіту сәті: «Датарқан» әні қойылады.   Ей, халайық, халайық, Бар өнерге салайық. Ас ұсынып, бас тартқан Жайылып тұр дастарқан.   Дастарқан –ау, дастарқан, Берекелі дастарқан, Мерекелі дастарқан, Ей-ей-ей!   4.Дастарқан жаю ретін көрсетеді, түсіндіреді. -Қуыршақ Сәуле сендерді «Қонақжай, сыпайы балалар екен», - деп жатыр. Ол сендерге риза болды.	Тәрбиешінің айтқанын қайталайды.     Қайталайды.   -Кішкентай қасықты шай ішкенде қолданамыз.   -Дастарқан басында көп сөйлеуге болмайды. Ыдыстарды тарсылдатпау қажет.   Музыка әуенімен сергіту жаттығуын орындайды.   Тәрбиеші бірге дастарқан жаяды.
Рефлексиялық түзетушілік	Сұрақ-жауап әдісі арқылы білімдерін қорытындылайды. -Шай ішу үшін дастарқанға қандай ыдыстарды қоямыз?	Шай ішуге арналған пияла, кішкентай қасық қоямыз. Қант салғыш, майлық салғыш, кәмпит салғыштары да ретімен қоямыз.

Дата добавления: 2015-08-09