Йымдастырылған оқу іс – әрекетінің технологиялық картасы

Білім беру саласы:Шығармашылық.

Оқу іс – әрекеті: Құрастыру

Тақырыбы: «Орындық және кресло» Мақсаты: құрылыс материалдарынан орындық пен креслоны құрастыра білуге үйрету, оларды құрастыруда ойланып, айырмашылығына мән бере білу, үй жиһаздарына ұқыпты қарай білуге тәрбиелеу. Қажетті құрал-жабдықтар: құрылыс материалдары және үлгі көрнекіліктер. Әдіс-тәсілдері: түсіндіру, көрсету, әңгімелесу, сұрақ-жауаптар.

Сөздік жұмыс: үлкен-кіші орындық, кресло, көлденең, тік.

Іс әрекет кезеңдері	Тәрбиешінің іс-әрекеті	Балалардың іс әрекеті
Мотивациялық қозғаушылық	Педагог үй жиһаздарының суретін көрсетіп әңгімелейді. Үлгі сурет бойынша талдау жасайды, орындық пен креслоның айырмашылығына назар аударады. Оларды жасау үшін қандай құрылыс материалдарын пайдалануға болатынын айтып, таңдауды ұсынады.	Балалар оюлы кілемге назар аударады, құрылыс материалдарын түсіне, пішініне қарай таңдап алады.
Ұйымдастырушылық Ізденстер.	Ең алдымен үлкен орындықты жасап көрейік. Креслоны. Ол үшін қандай құрылыс материалдарын пайдаланамыз. Алдымен орындықтарды қоятын кілемді, төсенішті қойып алуды ұсынады, құрылыстарды оның үстіне орналастыруға бағыт беріледі. Оны кеңістікте қалай орналастыру керек. Педагог бір кірпішті көлденең жатқызып қойып, оның артқы жағына бір кірпішті тігінен тұрғызып оған жақындатып қояды. Үлкен орындық дайын болды. Енді кіші орындықты жасау бұрынғы алған тәжірибелерін бекіту мақсатында өздері құрастыруына болады. Ол үшін бір кірпіш, бір текше керек. Текшенің артқы жағына кірпішті тігінен орналастырсақ орындық болады деп көрсетеді. Дайын болған кіші және үлкен орындықтарға біреуіне қуыршақты, екіншісіне мысықты орыналастырады (оған ұсақ суреттер беріледі). Балалар дайын болған құрылыстарын ойын іс-әрекетімен жалғастырады.	Балалар үлкен кірпіштерді таңдап алады жасыл немесе бірыңғай көк түсті. Балалар іс-әрекетті өздігінен дербес орындайды. Балаларды кіші орындықты құрастыруға арналған бір текше, бір кірпішті түсіне, пішініне қарай таңдап алады, іс-әрекетті орындайды және ойнайды.
Рефлексиялық Түзетушілік.	Тәрбиеші балалардың барлық жұмыстарын қарап шығады. Үлкен және кіші орындықтарды құрастыруда құрылыс материалдарын кеңістікте қалай пайдаланғанын қарап, кейбіреулеріне дұрыс қоймаса қалай қою керек екенін ескертіп, өзіне түзеткізеді. Жақсы құрылыста мадақталып, қорытынды жасайды	«үлкен», «кіші» ұғымдарына сәйкес іс-әрекетті қайталап, өздерінің қандай орындықтар жасағандарын айтып береді.

Күтілетін нәтиже: Біледі: құрлыс материалдарының түсін, көлемін, пішінін, оларды қалай сәйкес орналастыруға болатынын, орындықтарды қалай құрастыру керек екенін; Игереді: «үлкен», «кіші», «көлденең», «тік» ұғымдарын және оны іс-әрекет барысында көрсете алуды; Меңгереді: құрылыс материалдарымен жұмыс жасауда оны көлеміне, пішініне сәйкес кеңістікте тігінен, көлденеңінен дұрыс орналастыра білуді.

Дата добавления: 2015-08-09