|
Читайте также: |
Бязырты Аннæйæн
Йæ рудзынг — гом. Ыстыр горæты астæу
Ныззылд мæсыгау арвæмбæрц хæдзар.
Уый у йæ ног къæс. Уисойагау тасы
Йæ разы Терк — цæрæнбонты хæдбар.
Æддейы уары мит. У дун-дуне æгуыппæг.
Хæснагыл кæрты цъиуызмæлæг нæй...
Хæхбæсты уæд, дæ хъæбулæн йæ сынтæг
Æррæвдз кæн, æмæ бонæй дæр — фынæй.
Фыдрасыгæй-иу чидæр ойтæ-айтæм
Фæкъæртт и, — исчи ракæсæг фæуа...
Ныр ам та хуры хъæндилтау трамвайтæ
Бырынц сæ фазыл. Чердæм — æмæ гъа?!
Тъыфыл мит уары. Мигъдалынг йæ къæсыл
Тыхсы. Куысты — йæ цот. У афтид уат.
Йæ лæг æм къамы фæлгæттæй фæкæсы,
Ызмæлгæ кæна, уæларынглæууа...
Уый ацыди. Фыдбонæн у ныййарæг, —
Фæрныгæн, дам, йæ сау ингæн — уæгъдхъуыр.
Йæ хъæбултæ уыдзысты тагъд йæ карæн,
Сæ хурæй сын нæ бафсæсти, мæгуыр.
Сæ доны къусæй дæр сæ фыдæн рухсаг
Фæзæгъынц, стæй мæ цæрæнбон — сæнæй.
Цыма мæнæн, — фæкæсы сæм уый диссаг, —
Нæ мад, нæ фыд нæ уыди æмæ нæй.
О сфæлдисæг! Цард базыдтам дæ фæрцы,
Æрвитæм æй æнус-æнус рыстæй.
Нæ Иры ном цы хъæбултыл æрæнцад,
Гъе уыдон макуы, ма фесаф рæстæй.
Дата добавления: 2015-09-05; просмотров: 45 | Нарушение авторских прав
| <== предыдущая страница | | | следующая страница ==> |
| ХÆРАМ МÆМ ЧИ У, УЫЦЫ СЫЛГОЙМАГÆН | | | ЛÆППУЙЫ ХЪАЗÆН НЫХАС |