|
Читайте также: |
Сывæллæттæн
Ызнон дæр ма уыд райдзаст бон.
Ныр акæс: къардиуы бæрзæндтыл,
Кæм-иу нырттывта арвы рон,
Уым сау мылазон мигъ ныббадт
Æмæ йæ урсхъулон æвзæгтæй
Ысдæры комы арынг уад...
Тыхурæд дугъонау, æваст
Йæ фæстæгтыл фæлæууы дымгæ,
Ныззилы цъилау, цыма раст
Улæфын нал уарзы йæ цæст:
Бæндæнау аздухы йæ дымæг
Æмæ дзы хохаг къæсæн — дзæхст...
Уым тыргъы бын хуыссы нæ Мила, —
Йæ фындз йæ дæллагхъуыр æмбæхст:
Мæнг уынæрмæ йæ къæдзил стилы,
Фæлæ йæм ничи ис зынæг,
Кæдмæ йæ фосыл зылд æххæст
Нæ фæуа урсбоцъоджын лæг...
II
Ныссабыр хъæу... Ныхъус идымгæ...
Йæ хуыссæнуатмæ атылд хур...
Зынг пецы тæвдæй гæды суынгæг,
Æрыхъал ис. Йæ хъус æрцахста
Физонæджы цъыс-цъыс: — у бур!!
Æмæ йæ хъарм къонайы растад...
Ныкъæдз ис хæлцаджы бын фынг:
Цывзы, физонæг ’мæ арахъæй...
Кæс!.. Нуæрды фæныкдоны зынг
Зæронд ус... Ма сæм кæн хæлæг,
Ды дæр куы уай сæ уарзты аккаг,
Уæд дæ фæхондзысты, хъæлæкк!..
Дата добавления: 2015-09-05; просмотров: 50 | Нарушение авторских прав
| <== предыдущая страница | | | следующая страница ==> |
| ХÆРЗИУÆГ | | | ДЗЫРДЫ ФАРН |