|
Читайте также: |
Лæгæн нæ уыд сымахты æхсæн кад.
Уæ иунæг тох — пайда зонгæтыл, мулкыл.
Æрдзы фæткæй, æвæццæгæн, ысбадт
Уæ ном къуыдыр калм æмæ зулкъыл.
Уæ хъуыды у, куыройы нукау, раст:
У бонзонгæ, козбау æмæ нымдсабыр,
Лæджы фыртæн-иу макуы ракæ хъаст,
Хæссы, зæгъгæ, дæ хуыздæры уд сау рын.
Уæ царды бонтæ уе ’нгуылдзтыл нымад
Адзалы онг. Æппæтмæ дæр цæттæ стут:
Æхсары уысм уæ хуыкком у æфснайд,
Цъæх арвы бын тымбыл гуыбын æфсæст у.
Къуырма Хуыцау сымахæй хæры ард,
Уæ развæдыл — фæлмæн æмæ лæгъз цъæнут.
Фыднизау мын уæ уынд дæр у æнад,
Фæлæ уæддæр уæ фæндиаг фæцæрут.
Мæн та фæнды, — мæ куывд хæссын æргом, —
Уæ хъузонтæй мæ нал хъæуы æрвад дæр,
Уæлон царды уа, м ’адзалы кæрон,
Æхстбæрцмæ-иу лæуут мæ удæй дарддæр.
ДОМБАЙЫ ЦÆССЫГТÆ
Парчы æфсæнбыд лæсгæры бæрæгастæу
Мардæй сыл домбай хуыссы.
Йе ’мкъай йæ уæлхъус ныджджих и, уæрагсастау,
Мардмæ кæсы.
Рог ыл æруадзы, мæцъистау, йæ дзæмбытæ,
Рустыл — йæ цæссыгæй фæд.
Хом фыдмæ не ’вналы, сусæг æдзæм куыдæй
Дзуры йæ мæт:
«Дунейы тар мыл дæ уындæй æрбабон и,
Ардæм куы ’рбахызтæ, уæд...
Артау мæ тавта дæ уды рухс абонмæ, —
Айсæфт мæ маст!..
Цард-иу мæм мидвыны касти сæрибарау,
Цыма æфсæйнаг æмбонд
Цæсты раз атади... Удæнцой, хибарæй
Скодтаин цот...
Уæнтыл æрбаппæрстон цингæрц — мæ уæлæфтау,
Барцы хъуын сыстади рог!
Гъеныр мæ афтид цыппар къуымы балхъывтой
Аркъауы ног...»
Дата добавления: 2015-09-05; просмотров: 45 | Нарушение авторских прав
| <== предыдущая страница | | | следующая страница ==> |
| РАЗДÆХ | | | УАЛДЗÆГ |