БÆРÆГБОНЫ ФЫНГ ÆМÆ ФЫССÆДЖЫ СУРÆТ

...Фыццаг-иу хъарм къæвда лыстæг сынчытæй уарыд.

Куы-иу ныррухс кодта, куы-иу нытталынг бон,

Куы та-иу хъæд ныррызт, æмæ-иу тары

Цæхæртæ акалдта æрвæрдыны хæдон.

Цæлгæнæг адæмæн сæудзыд кæрдæг — сæ бадæн

Цæлхъзард, хъæлæба, гаджидæутты къорд.

Чи кодта сылтæн расыджы ’фсон пъатæ,

Кæмæн-иу йе знаг басгуыхти æрдхорд.

— Нæ цард у, уалдзæгау, æвыд, рæсугъд, мæ хуртæ, —

Дзырдта уæлтæмæнæй бынатахуыр фыссæг.

Фыссæг та каст йæ ауæдзы цæлхдуртæм,

Дæллаг галау, зæрдæрыстæй, тыхстæй.

— Нæй а царды æвæлмон лæгæй карздæр,

Тыхы къуыбар у, зонддух, бархи сырд, —

Уæдæ мæныл цы дудгæ бон æрцыд —

Мæ райгуырдæй дæн ме ’намондыл разы;

Хæты уæлæуыл кардзагъдæй мæ сих,

Мæ уд та мæм, мæнгагъуыстау, фæкæсы...

Кæс-ма, гыццийы пирæнгомау, мигъ

Хъæриуы хохы саггæмтты фæлæсы.

БАРТА

Испайнаджы уайдзæф козбау кæстæрæн

Æз дæ хуызæн куы уыдаин, Барта, —

Хорз куы ардтаин, хурау, лæвар,

Уæд мæ уды фæндиæгтыл, артау,

Ихдон не скъæрид цард.

Ды, уæрыккау, уæздан, æнкъарддæ,

У къæдзæхыйас та дæ ас,

Фæлæ, оххай, тыччыйæ къаддæр

Свæййыс хицауы раз.

Сты, æмзæлдау, дæ фезмæлд, йæ фестад, —

Цыма токæй дæ уымæ баст...

У дæ куывддаг: мæ хицау, де стæн,

Æз куы зæгъон дæ ныхмæ раст.

Ма дом макуы, лæгау, дæ бартæ,

Дзул мыдимæ æмпул фæрнæй.

Æз дæ хуызæн куы уыдаин, Барта,

Уæд дæ хицау нæ тæрсид мæнæй.

Дата добавления: 2015-09-05