|
Читайте также: |
Куыд тæригъæддаг у кæсагласы хъæр!..
Цы агуры арвастæу уагæр?
У дуне æгæрон, фæлæ дзы уæддæр
Цыдæр хорз нæ ары хæснагыл.
Фæтæхы бæрзонд æмæ базырты урс
Нырттивы цъæх-цъæхид тыгъдады.
Быниау та арфы — йæ бæллицты рухс,
Сызгъæринвæлыст кæсаг бады.
Кæсагæн йæ арв у зыгъуыммæ — бынмæ,
Уым бирæ хъуынадуртыл — дзуллаг:
Сæ дыууæйы астæу цæхх ысдæрынмæ
Былгæрæттæм ахъуызы уылæн.
ЦАРДЫ НЫСАНТÆ
Зæххыл ис æппæтæн дæр исты нысан:
Æрдзæй лæвæрд кургæ хæрзиуæг,
Кæй фæрцы йæ удыл нæ фæдары сау,
Нæ кæны фæцæрынмæ зивæг.
Тæрхъусæн йæ гæппыл нæ фæхæцы цæст,
Йæ хинæй фыдбылыз у рувас.
Цæф арсы дзæмбытæм ды бахау æрмæст,
Æмæ дæ ныгæндзысты хурварс.
Чи маргæй, чи зондæй уæлахиз кæны.
Ныхмæвæрд — фыры сытау — дуне.
Æхсæрдзæнау рæстæг нæ уæнтыл кæлы,
Фæлæ нæм нæ хъуысы йæ уынæр.
Уый дун-дуне раттæгæн бахордта ард:
Мæлæт æмæ царды ’хсæн мадау
Æрæппары сæрбæттæн. Хонæм мах цард
Гъе уыцы цыбыр дуг нæ рады.
Йæ фæуд мæм нæ кæсы фырдиссæгтæ, тас...
Фæнды мæ: цыргъыссад фæрæтау
Куы лæууид — æнæхин мæ фыдгулты раз
Гæрзифтонгæй алкæд мæ рæдау.
Дата добавления: 2015-09-05; просмотров: 55 | Нарушение авторских прав
| <== предыдущая страница | | | следующая страница ==> |
| ЛÆППУЙЫ ХЪАЗÆН НЫХАС | | | ЛÆГ ÆМÆ ХÆРÆГ |