|
Читайте также: |
Ой!
Фæззыгон зыд мигътæ, Бибайы фæз рæгътыл
Цæмæн кæнут къордтæ, —
Æртæхæй уæ хъарæг!
Джусойты Аким, дам, нæ Иры лæппутæн
Æфсæрмæй фæзæгъы:
Ныззарут мыл зарæг
Уæ зæрдæйы норттæй!
Фæдисоны æфсургъ ехсы цæф нæ бары,
Рæдувы йæ рохтæ,
Йæ бæллиц — йæ тухæн,
Аким, дам, фæзæгъы: мæ хъулон æмгæрттæ,
Мæ зæрдæ ныссабыр
Фыдгæнæджы къухæй
Сæрибары тохы.
Ой!
Наниты хъæдыл рæусыфтæр нæ хæцы,
Нынкъуысы фыдтары
Цæгаттаг дымгæмæ.
Аким, дам, фæзæгъы: мæ уарзон ныййарæг,
Германы сау хæсты,
Дæ уындмæ бæлгæйæ,
Мæ дуне нытталынг.
Бæлæуты зæнгыл та куы рацæуы ихæн,
Уым састау йæ фæттæ
Æрæвæры уад дæр.
Аким, дам, фæзæгъы:
Къуыдаргомы дзыллæ,
Мæ уды тæригъæд
Мæ сонт удæй дарддæр
Хуыцау дæр нæ федта.
Кæд уалдзæджы свæййы йæ тæккæ тæнæгыл
Зæгæлхъуыр тæдзынæг
Тæмæнхъуыры зынгæй.
Аким, дам, фæзæгъы: ныр ацы дард бæсты
Мæ мады зæнæгæн сæ судзгæ цæссыгæй
Æнæхай кæндзынæн!
Ой!
Дата добавления: 2015-09-05; просмотров: 61 | Нарушение авторских прав
| <== предыдущая страница | | | следующая страница ==> |
| ФЫДЫ КЪÆС | | | МÆН ЧИ НÆ ЗОНЫ, УЫЦЫ ХÆЛАРÆН |