|
Читайте также: |
Ныссалди денджыз. Их уарт æй æхгæны
Æмæ хъæрзы бæзджын ихы бынæй.
Æргъæвст кæсагдзау зарæгау ныккæны
Йæ судзгæ рис хъæрæй.
Мæ сæрыл, урс рыгау, æнæсцух уары
Лыстæг æгъуыз мит... Ам,
Æвæццæгæн, нæртон сæрд дæр нæ хъары
Лæджы зæрдæмæ хъарм.
Нызмæлы денджыз, баст галау, йæ кæхцы
Æмæ нынкъуысы арвгæрæттæм их.
Уый кæд йæ урс хъадамантыл нæ хъæцы
Æви фæци мæ сих?
Мæ зæрдæ та йæ рагон хъару мысы, —
Кæйдæр риссаг нæу бабыхсын йæ бон.
Мæ дæс æнгуылдзы ихы бын фæтъыссын,
Фæлæ у их... æндон!..
Æмæ та ног цæрын... Мæ уды ’ууæнк
Цæуы, цæстырухсау, мæ разæй.
Мæ зæрдæ — рог, мæ сау катай — мæ фæтк,
Мæхицæй никуы уыдтæн разы.
Фæрныг дунейы райгуырдтæн лæгæй,
Лæджы хъару мæ фидар уæнгты смал и...
Бæсты хæрзтыл нæ кæнын зыд. Уæвгæ,
Мæ уаг ивынæн ныр амал дæр нал и...
Фæрдыджы рухсау, у мæ цин æргом,
Кæмæндæрты æлгъыстаг у мæ ном та.
Зæрдæвæндоныл никуы дардтон ком, —
Æмæ цæуынц æвæстагæй мæ бонтæ.
Уæддæр мыл, ма кæ, ма фæрай, мæ бон, —
Æз митыл дæр æрытауын мæ лыстæн
Æмæ цæрын... Мæнæн у цард æхцон, —
Мæ ном нæ уыдзæн адæмæн æлгъыстаг!
Дата добавления: 2015-09-05; просмотров: 59 | Нарушение авторских прав
| <== предыдущая страница | | | следующая страница ==> |
| СЫРДДОНЦЪИУЫ ХЪАРÆГ | | | ДЕНДЖЫЗЫ МАСТ |