|
Читайте также: |
Мит уары хæхбæсты. Тыхдымгæйы пъатæй
Тæвд рудзгуытыл мигъдалынг сысты.
Сырх пецы цæхæрыл фæрныглæджы уатæй
Физонæджы цъыс-цъыс хъуысы.
Уым кæрты сырддонцъиу гæзæмæ сау дары,
Йæ тыхстæй ыскæуынмæ хъавы.
Йæ цоцойаг мады тынц пакъуыйы хъармыл
Æндæвд къæхтæ тавы.
Уымæлдзæстæй зары:
— Дзырдтон дын, нæ бæстæй
Фæтæхæм, нæ йын хъæуы кувын...
Кæй хъæуæм?.. Лæгæн у, уæлдай æргъомбастау,
Нæ уды æнувыд!..
Фæхъулæттæ зæхх, уæд — зæрватыччы афон!
Мах мурмæ уæд нал дары ничи.
Зымæг та сæ хосдонæн гом у йæ ричъи...
Цæмæн, уый ды базыдтай абон...
Цы хорз дæм фæкасти æнцойады зарæг?..
Цæсты раз цы уа, уый æгад у...
Тæккæ райсомæй та мæ пакъуыты хъармыл
Æндæр цъиу ыскæндзæн бадæн...
***
Сау дымгæ æмæ бур хъæд. Фæззæг.
Цъиуты загъдæй та сафтид кæрт.
Ницы-мацытыл бахардз рæстæг,
Æмæ афардæг сæрд.
Зæхх æмпъузы лыстæг сынкæй къæвда.
Кæд нæ ары, мæнау, фæрæз?
Нал у ног ныр мæ балц, мæ фæндаг,
Адард удæй мæ къæс.
Иу хъуыддаг ма бæлвырд-бæстон у,
Иу рæстдзинад ма ис æцæг:
Нæу мæлæтыл кæуаг хæстон лæг,
У йæ рисыл хъæцаг фыссæг.
Къух ныддæвдæг и фæндыры хъисыл...
Цъиуты загъдæй та сафтид кæрт.
Ехх, цы зард мæ фæндыди сисын,
Фæлæ... Афардæг сæрд!..
Дата добавления: 2015-09-05; просмотров: 59 | Нарушение авторских прав
| <== предыдущая страница | | | следующая страница ==> |
| ХОХАДЖЫ ЗАРÆГ | | | БАЛТЫ ДЕНДЖЫЗ ЗЫМÆГОН |