|
Читайте также: |
Дымгæ бæрзы урс дзыккутæ фасы.
Арвы цæстыл, бур ыстъæлфау, — мæй.
Æз дæуимæ хины уарзтæй хъазын, —
Уымæй макуы рахъаст кæ мæнæй.
Уарзыны ’рдæм нал тасы мæ хъару,
Зæрдæ сабыр, афтид у фæндтæй...
Æз дæуыл мæ рагбонтæ фæлварын, —
Агурын мæ рагбонты хъæнтæ.
Ды — уæздан, хæрзконд æмæ сæрыстыр,
Цонджы хъулыл н’аххæссид дæ рон.
Æмæ сты дæ зынг былтæ, дæ рустæ
Над кæйдæр цæстæнгасæй — хъулон.
Донхæрисы къалиутау, дæ хъæлæс
У сыгъдæг, рæсугъд æмæ æнкъард.
Иу дæ сих кæддæр мæнæй нæ фæлмæст,
Фæлæ мæм уыд, арвгæронау, дард.
Уарзта уый мæ хохаджы хуыз, ме знæт.
Худæг-иу ыл бафтыдта мæ загъд.
Уыд фæндон йæ зæрдæйæн нæ фембæлд.
Фæлæ кодта уый æдзухдæр тагъд.
Æмæ иу бон, сонт зæдау, мæ рæзты
Бурдзалыг лæппуимæ фæраст...
Æз — рæстаг, ныттагъди туг мæ цæсты,
Баныгæдтон зæрдæйы мæ уарзт!..
Уый фæци, фæлæ цы уыд мæ рæдыд? —
Рох нæ кæны абон дæр мæнæй.
Уыцы лæппу афтæ хорз цæмæй уыд,
Уый мын ныр æнæбазонгæ нæй!
Дата добавления: 2015-09-05; просмотров: 56 | Нарушение авторских прав
| <== предыдущая страница | | | следующая страница ==> |
| ЗÆРОНД БÆХ | | | СЫРДДОНЦЪИУЫ ХЪАРÆГ |