Сәулет пен бейнелеу өнері

Франция алғашқы қауымдық, галлдік, галл-римдік, ал ерте ортағасырлар мұраларынан меровинг және каролинг өнері ескерткіштеріне бай. Роман дәуіріндегі монументті соборлар салынып, олар ою-өрнектермен және фрескалармен безендірілді. Готика дәуірінде ұлан-асыр мүсін кешендері, витраждар мен жомарт сәндендірілген әсем де зәулім биік соборлар ірге көтерді. Миниатюра өнері алтарь кескіндемесі дамыды. 15-16 ғ-да Қайта өркендеу өнері (Делорм құрылыстары; Луара бойындағы қамалдар, Шамбор қамалы; Ж. Фуке кескіндемесі;), ал 17 ғ-да импозанттық қала ансамбльдері (Париж, Бордо, Нанси), қала сыртындағы корольдар мен шонжарлардың резиденциялары (Версаль, Во-Ле-Виконт), классицизм үлгісіндегі салтанатты ғимарттар тұрғызылды. Бейнелеу өнерінде шынайы бағыт классицизммен қатар орын алды. Сонымен қатар барокко тәсіліне ден қойған ресми сарайлық өнер үстемдік алды. 18 ғ-дың 1-жартысында абсолютизмнің дағдарысқа ұшырауына байланысты әсіре әлемішке толы рококо стилі пайда болды. Кейін жаңа классицизм қалыптасты. Наполеон империясы сәулет өнерінде ампир стилі үстемдік алып, бейнелеу өнерінде ол ресми догмаға айналды. 20-30 жылдары сыншыл реализмнің, шынайы ұлттық пейзаждың гүлдененуі болды. 19 ғ-да эклектизм етек алды, сонымен қатар жаңашыл тенденциялар – темір-бетонды конструкция бой көтерді. Қазіргі құрылыс ісінде темір-бетон, шыны, металл, пластмассадан жасалған конструкциялар батыл қолдануда. Бірқатар қалаларды реконстррукциялау жұмыстары жүргізіліп жатыр. 20 ғ-дың басында Францияда көптеген жаңа ағымдар: фовизм, кубизм, дадизм, сюрализм және абстракті өнердің басқа түрлері пайда болды. Франция сән және қосалқы өнер бұйымдарымен де даңқы шыққан. Атақты өнер адамдары: Пюже, Лоррен, Вуэ, Бофран, Буше, Фальконе, Давид, Эйфель, Ренуар, Матисс, Пикассо, Дюшан және басқалары.

Музыка

Қазіргі Франция аумағын мекендеген ежелгі халықтардың музыкасы туралы дерек сақталмаған. Дүниәуи әуені арқау еткен жергілікті литургиялық формалар 4 ғ-да шіркеу музыкасына ене бастады. Әншілікке, музыка аспаптарында ойнауға үйрететін монастырьлар 8-9 ғ-да мамандалған музыка мәдениетінің қалыптасуына ықпал етті, сонымен қатар композиторлық шығармашылық дамыды. Орта ғасырларда шіркеулік, әншілік мектебі- метиздер пайда болды. Серілік музыкалық-поэтикалық өнер мен бұларға ұқсас труверлер шығармашылығы қалыптасты. Музыкада «Арс нова» бағыты көп дауысты ән – шонсонның гүлденуіне жағдай жасалды. 17 ғ-да абсолюттік монархия кезінде сарайлық музыкалық-театрлық өнері – опера, балет қалыптасып, оның көріністері монархияны дәріптеуге қызмет етті. Тұңғыш операны жазған – Э. Жаке де Гер, композитор Р. Кабер мен ақын И. Перрен. 1671 жылы музыка академиясы ашылды. 18 ғ-дың басында демократияшыл жаңа опера жанры – француздық комедиялық операсы қалыптасты. Ұлы Француз төңкерісі музыка өнерінің саласына түбірлі өзгерістер әкелді. Бұқаралық саяси әндер пайда болды. 19 ғ-да лирикалық опера дамыды. Кейін ғасырлар бойы заман өзгерісіне сай музыка тақырыбы да өзгеріп отырды, мәселен, қала тұрмысы ырғағы, күнделікті тіршілік әуені. Атақты музыка қайраткерлері: Гильм де Машо, К. Жанекен, Готье, Виотти, Мегюль, Спонтини, Роде, Ж. Бизе, А. Руссель, Роллан, Арагон, маршал және басқалары. Францияда музыкалық мектептер жоғары дәрежеде ұйымдастырылған.

Дата добавления: 2015-10-21