|
Читайте также: |
Ам хъазæн фæз нæу. Кæд дæ хъаруйыл дæ —
Дæ рахызт у — джитæнтæ ма кæ.
Уæлахиз нæ хæссынц хъуыдытæ, фæндтæ,
Ысдзур-иу дæ ныфсы æвзагыл.
Æмбар-иу, дæ иунæг хæцæнгарз кæй у
Ыстайы тых: хин ми, фæцарæхст.
Нæ дын ысты уыдон, — мæ фæлмæн уæхскæй
Сæргуыбырæй хиздзынæ арæх.
БАЛЛАДÆ МЫСТЫТЫЛ
Кæддæр мæ хæдзар уыд мæгуыр,
Æмæ-иу мыстытæ парахат
Бæхдугътæ уагътой къуымты... Ныр
Куы ралæгдæн, кæй зоныс, ахæм,
Уæд нал хъуысы сæ кой-сæ хъæр.
Ныккалын сын, бæргæ, сæ разы
Æхсæртæ, ’хсынæнтæ, сæкæр, —
Мæ лæггадыл нæ кæнынц разы.
Уæдæ нæу ацы хъуыды мæнг:
Кæддæр-иу — хион уа, æрвад уа, —
Мæгуырæй дардмæ лыгъди лæг,
Ныр та хъæздыгæй лидзынц дардмæ.
Цæмæн уа афтæ?..
ШАХТЕР
Æз рухсæй талынгмæ куы цæуын,
Раст удæгасæй — мæрдтæм,
Уæд мæн хæрз амæндтæ нæ хъæуы,
Нæдæр фæкувын зæдтæн.
Æз хорз зонын: мæнæй хуыздæр
Адзалы къух нæ хаты ничи:
Цæрдудæй дыл, уæлдай мыздæн,
Сыджыт æрæхгæндзæни ричъи.
Уæлонтæ ма мæ цард, мæ ном
Сæ куывды, чи зоны ’мæ мысой.
Мæлæт лæгыл нæ дары ком, —
Хъæр мæрдтæм никæцæй нæ хъуысы.
Фæлæ цæуын... Æмæ фæскуыст
Æнкъарын, сабийау, фыццагхатт, —
Куыд æхцон у мæ уæнггы рыст,
Куыд æрттиваг у хуры уадздзаг!
Дата добавления: 2015-09-05; просмотров: 47 | Нарушение авторских прав
| <== предыдущая страница | | | следующая страница ==> |
| ИНГÆНЫ УÆЛХЪУС | | | ХЪАЗÆН НЫХАС |