СÆРДЫГОН ИЗÆР. Сывæллæттæн

Сывæллæттæн

Мæнæ диссаджы дуне:

Бон фæлыгъд æмæ, кæс,

Уæлæ мæй дæр æртулы, —

Бур, нæ фиуы æнгæс.

Дымгæ сыфтæры русыл

Ратул-батул кæны,

Æмæ доны хæрисæй

Урс цæссыгтæ кæлы.

Галтæ, фыстæ нæ кæрты

Чъиу æууилынц фæрнæй,

Уыг æрзилы сæ сæрты, —

Ау, фæзынæг сæм нæй?!

Къух дæр ауыгътой хурыл,

Айсæфт, нал сæ хъæуы,

Мыст йæ хуыккомæй дзуры:

— Мæн æхсæртæ хъæуы!

Дон ныууынæргъы комы,

Кæсаг сисы тъæбæрттытæ,

Уымæн зилгæ хуыдымы

Сты мæйтæ æмæ хуртæ дæр.

Дард æфцæгæй та, зинау,

Бæх ныууасы хъæрæй:

— Мæнæ ам ис уæ хицау,

Тагъд зындзæни хъæмæ!

ХУЫЦАУМÆ

Худæджы æмдзæвгæ

Æз мæгуыргур нæ дæн,

Æмæ дæм кæд истæмæ кувынмæ хъавын,

Уæд-иу мæ мæ адыл ныууадз

Мæ хибар къæсæрыл:

Ды — дæхицæн,

Æз — мæхицæн...

Нæ дыууæйæ чи лæгдæр у,

Гъеуый та иуафонты Стыр Хуыцау

Базонæд,

Дæ уæле чи лæууы, уый.

Чи у, кæцы у,

Гъеуый та

Зæххон лæг нæ зоны, —

Дзæбæх уал мын ут,

Нæ фембæлд — уæларвы къæсæрыл,

Кæм мæ фенат, уым та

Ныхæстæ кæндзыстæм.

Дата добавления: 2015-09-05