|
Читайте также: |
Бæрзонд арвæй та нæ хур фæцæуы,
Æз уынджы къæйыл хуыссын тымбылтæй.
Мæ бонгуыст — суари, кæйдæрты фæрцы,
Мæ хъарм хуыссæн у миты тъыфылтæй.
Сæ бон ныккалой æхсины лæгтæ,
Куыд ахадгæ сты сæ цин, сæ фæндтæ:
Цъæхсæр хæдзæрттæй сæ зарæг хъуысы,
Æхсæвы тары, мыдадзау, сысы.
Фæлитой лæгыл цы нæ фидауы, —
Фæрдыджы рухсау, цæсты нæ хауы:
Сæ сау кæлæнтæй, сæ буц ныхæстæй
Уæййаг куы фæци нæ фæрныг бæстæ.
Бæрæг нæ нал ис: кæмæй дæ, чи дæ?
Дæ цард, зындонау, дæуæн у фиддæн!
Сæ уд, сæ дзæцц у куырыхон мафи,
Йæ къæхты хъæрмæ, хæрджытау, кафынц.
Кæм сæ æндавы ыстыр Хуыцау дæр, —
Нылхæндзысты йæ æрмæджы ’хцайыл.
Мæ цард фæкъул и, фæлæ мæ Ирыл,
Уæддæр мæ зæрдæ кæуæгау ниуы.
Фыд бон, фыд лæг, дам, нæ хæссы бирæ,
Кæд ацы хорзæх нæ хауы Ирмæ?!
Фæскъæвда хур бон куынæуал кæны,
Уæд ма куыд цæрæм, уæд ма куыд кæнæм?
Дата добавления: 2015-09-05; просмотров: 40 | Нарушение авторских прав
| <== предыдущая страница | | | следующая страница ==> |
| ХЪÆЗДЫГ ЛÆГ | | | ЗАРÆГ УАРЗОНДЗИНАДЫЛ |