|
Читайте также: |
Фæлидзæм хæхбæстæм.
Мæ хæлары ныхæстæй.
Æз гъе ныр хъæздыг дæн:
Мæ зæрдæ мæ сонт митæ нал домы...
Мæ афæдзы мыздæй
Фæдарин æнæхъæн Къуыдаргомы!
Цы сæ хъæуы: хорыссад,
Картофтæ, уæливых — хъæбæр цыхтæй;
Тъæнджымæйы — боны хъарм,
Фæйнæ сыкъа æмæ фæлмæн дзырдтæ.
Цы-иу мæм каст растдæр,
Мæ карз тох цæуыл уыд? — Æдзæлгъæды...
Мæ хъарм пецы фарсмæ
Фыстаин нывæфтыд æмдзæвгæтæ.
Æппынфæстаг, ма уа
Мæ фæндагыл паддзах, йæ хъузæттæ,
Гъе уый дæр амал у:
Мæ бонтæ — хæрзамонды фаззæттæ...
Цæрдзынæн хæдудæй,
Фæлæ иу зæгъæг нал и,
Мæ сау боныл:
«Мæ уды рæсугъдæй
Фæдарин
Нæ мæгуыр Къуыдаргомы!..»
ÆХСÆВЫ ÆМДЗÆВГÆТÆ
Царды рухс къæсмæ байрæджы, —
Уый мæ рыст у, мæ зын...
Ехх, кæуыл кæнай хъарджытæ,
Уый нæ зыдтай, мæгуыр!
Сау къæвда æмæ тар æхсæв, —
Сты мæлæты æфсон,
Æз дæ уындæй нæ бафсæстæн,
Хорзæй рацæр, мæ бон!
Кæс, æрхуыссыди боны цæст,
Рохы цин æмæ уарзт,
Æмæ бацайдагъ а æхсæв
Гъæйттæй нозт æмæ хъазт.
Ды мæ уды фæндиæгтыл
Макуы, ма ауигъ къух,
О, нæ кæны æрвадиуæг
Хорз мæлæт дæр æдзух!..
Дата добавления: 2015-09-05; просмотров: 48 | Нарушение авторских прав
| <== предыдущая страница | | | следующая страница ==> |
| АЛЕШЫ ЦЫРТЫ РАЗ | | | НЫРЫККОН МÆГУЫРГУРЫ ЗАРÆГ |