ЦИН ÆМÆ МАСТ

Дыууæ тыхы кæнынц лæджы æвронг,

Сæ иу у цин, у иннæ уавæр — маст.

У цин — нысан, дæ тугвæллойыл баст,

Зыны-зынтæй йæм баххæссы дæ цонг.

Уæд маст та у — æнæнхъæлæджы, карз:

Нæ йæ фендзынæ халонау дæ уæны.

Æнус-æнус нæ тохы рындзмæ хоны,

Нæ йын фæразы сау лæгæты арс.

Фæлæ куыд зын у, оххай-гъе, мæ бон,

Куы хус кæна хуыдымы раз дæ ком:

Нæ дæтты бар дæ дойны суадзын рæстæг;

Куы ’рхауай ахæм судзаджы рыстмæ, —

Нæ уыныс тары развæндаг рæстмæ, •

Нæ дæм хъары нæ цин, нæдæр дæ мæстаг.

ЗНАГМÆ

Æмæ та аззадтæн æз иунæг

Мæ рох къæсы. Цы у фæсмон,

Кæд-иу æлгъысты уысммæ зивæг

Нæ кодтон æз, æхсæв уа, бон?

Гъе-гъей, мæн чи зыдта ызнагæй,

Нæма дын зæгъын нæ, хæрзбон! —

Зындзынæн та, кæсæны авгау,

Сыгъдæгæй æз, мæгуыр дæ бон!

Нæ дæ уагътон цæрын дæхи бар,

Фæлæ, ызнаг, кæмфæнды уон,

Уæддæр нæ фæцæрдзынæ хибар

Мæ уды зарæгæй, мæ бон!

ÆХСÆВЫ ХЪУЫДЫТÆ

I

Куыд тагъд цæуы, уæвгæ, нæ цард...

Сæрибары зæлтау мæм хъуысы,

Цы бонтыл-иу нæ кодтон тагъд,

Гъе уыдон рох цинæгтæ мысын.

Уæлдай мын сæ нæ уыди уæд:

Хæрзамонд уа, æви мæ риссаг, —

Цы ’рцыд, нæ-иу ыл кодтон маст,

Цы ’рцæуа, уый нæ кодтон диссаг.

Уарз дун-дунейы — уый мæ фæтк,

Кæй ном у ацы зæххыл

Номдар,

Гъе ууыл ис зæххон æууæнк,

Сыгъдæг йæ удыконд, йæ зонд уа!

II

Уый — рох ивгъуыд, ныр та мæ бонтæ

Фæкæнынц дугъон бæхау тагъд,

Æмæ лæмæгъарæзт фæсонтыл

Лæууы бæрнон хистæры уаргъ;

Æз хъуамæ зонон æй, æмбарон, —

Цы ’рцыд, æрцæуинаг цы у?

Цы худæг у! — Цыма сæ хъалон

Æрдзæй дары хæххон лæппу!

О, нæ! Фыдазары куы мæлон, —

Ызмисбыдыры арын дон...

Гъæтт, чи нæ бавзара, мæ боныл,

Кæмæн цы у æцæг мæ бон!

Уазал цæстæнгас

Дата добавления: 2015-09-05