УАСÆГ ÆМÆ КАРК

Уасæг æмæ каркæн

Уыд сæ цæрæн иу:

Зонгæ дæр æй ма кæ,

Маст, æххормаг циу.

Хъа-хъа æмæ хъи-хъри,

Тæбæгъы — мæнæу.

Уасæг-иу йæ рихи

Аздыхта фæлмæн.

Фæлæ, рацæй-рабон,

Иу ницæйаг цау

Расайдта фынафон

Хъаугъатæ, быцæу:

— Æз куы нæ уон, уастæн,

Базон æй, мæ хур,

Хуыссæнæй нæ растдзæн

Райсом раджы хур, —

Афтæ загъта уасæг,

Мадæл карк ныффæрск:

— Чи загъта, дæ уастмæ

Раста хур æцæг?!

— Гъа уæдæ, мæ бæдул, —

Дзур, сыд къоппа, дзур, —

Райсомæй дæ хъæбул

Нал фендзæни хур!

Ничи сæ уыд разы,

Райсомæй, кæс-ма,

Уасæг нал ныууасыд,

Хур уæддæр ыскаст.

Нал æндавы хъарм дæр

Уасæджы, мæгуыр,

Уый æрттæдæлармæй

Каурæбын лæууы.

Мадæл каркæй тагъд-тагъд

Азилы фæрсмæ...

— Ехх, цы мæ нæ уагъта,

Басудза мæ сæр, —

Загъта карк...— Уадз афтæ

Уа æнхъæл æцæг,

Æз, мæ хур, цы сафын, —

Уый куы у мæ лæг!

Дата добавления: 2015-09-05