|
Читайте также: |
Ехх, цы диссаджы афон
Райхъал малусæг — мур.
Рог ыл тауы йæ аууон
Афтид ингæны дур.
Схойы рухсы тын — уылæн
Мæры, хъазы бынæй.
Мады иунæг хъæбулæй
Уым æртхутæгдæр нæй.
Уахъæз узы, æмпъузы
Халмæ кæрдæджы хал:
Ацы фарны æнусы
Хорзæн сау фыд — æмбал.
Уæд цы охыл фæзындтæ,
Садд, æнæбын ингæн, —
Ног та цæргæс æхсыны
Прометейы игæр?..
Кæд мæлæты хæс иууыл
Сау сыджыты раз нæу,
Æмæ судзаджы зиуы
Хæст æрымысыд дæу?..
Уахъæз узы, æмпъузы
Халмæ кæрдæджы хал:
Ацы фарны æнусы
Хорзæн сау фыд — æмбал.
Иры тохвæллад риуыл
Зилы хъарæг рæувад, —
Уый кæд дымгæ нынниуы,
Кæнæ саударæг мад?
Кæд мæлæт æмæ цардæн
У сæ быцæу — хæлæг.
Зæххæн хъахъхъæнæг, уартау,
У æнус-æнус лæг?
Уахъæз узы, æмпъузы
Халмæ кæрдæджы хал:
Ацы фарны æнусы
Хорзæн сау фыд — æмбал.
Зæрдæ, сусхъæдау, уигъы
Сусæг сагъæсты мæт:
Ам æнæвæугæ ивгъуыд
Ис мæнæн дæр ныгæд...
Февраль, 1975.
Дата добавления: 2015-09-05; просмотров: 57 | Нарушение авторских прав
| <== предыдущая страница | | | следующая страница ==> |
| ФЫЙЙАУ ЧЫЗГ | | | ФÆСРИВАД |