Церебралды сал балалардың ұсақ саусақ моторикасын дамытуда қазақтың ұлттық ойындарын қолдану

Орындаған: Б.С. Мырқанова

Жетекші: оқытушы Л.М.Жолаушинова

Зерттеу мақсаты: церебральды сал балаларда ұсақ саусақ моторикасында кездесетін қиындықтарды қажетінше жою мен өз уақытында анықтау, ұсақ саусақ моторикасына арналған қазақтың ұлттық ойындарынан сұрыпталып жасалған әдістемелік нұсқау жазу.

Зерттеу объектісі: церебралды сал балалар.

Зерттеу пәні: церебральды сал балалардың ұсақ саусақ моторикасы.

Зерттеу болжамы: егер, сауат ашу кезеңінде оқыту мен жазудағы қиыншылықтарды алдын – ала отырып, қазақтың ұлттық ойындарын тиімді қолданса сауат ашу кезеңіндегі қиыншылықтарды дер кезінде жеңуге болады.

Зерттеу міндеттері:

1) ғылыми теориялық және оқу әдістемелік әдебиеттердегі церебралды сал балалардың ұсақ саусақ моторикасын дамыту туралы мәселелерді зерттеу;

2) церебральды сал балаларда ұсақ саусақ моторикасының дамымауы жазуды қалыптастыруда мүмкін болатын қиыншылықтар мен психологиялық ерекшеліктерді қорытыныдылап айқындау;

3) коррекциялық дамыту жұмыс нәтижесінде балалардың даму динамикасын қадағалап, диагностика жүргізу.

Зерттеу әдістері:

1) теориялық зерттеу әдістері: зерттеу тақырыбы бойынша психология-лық-педагогикалық және ғылыми-әдістемелік әдебиетті саралау;

2) эксперименталды әдістер: педагогикалық қалыптастыру эксперименті;

3) психодиагностикалық әдістер: қазақ ойындарын қолдану және оның өзгерістерін бақылау, эксперттік бағалау;

4) сандық әдіс: көрсеткіштерді статистикалық өңдеу.

Зерттеу база: тірек-қимыл аппаратының зақымданушылығы бар балаларға арналған оңалту орталығы, мектепке дейінгі даярлық тобы. Эксперименттік топтың құрамында церебралды салы бар 8 бала

Негізгі нәтижелер мен қорытынды

Зерттеу жұмысымыздың нәтижесінде церебралды сал балалардың ұсақ саусақ маторикасын дамытуда қазақтың ұлттық ойындарын қолдана отырып, түзету-педагогикалық жұмыстың негізгі бағыттарын анықтадық:

1) қоршаған ортамен эмоционалдық, сөйлеу, зат-әрекеттік және ойын арқылы қарым-қатынастарын дамыту;

2) сенсорлық қызметтерді (көру, есту, кинестетикалық) ынталандыру;

3) кеңістік және уақыттық елестерді қалыптастырумен қатар оның бұзылуларын айқындап, оларды түзету;

4) интеллект қызметтерінің шарттарын дамыту (зейін, зерде, қиял, есте сақтау, ойлау т.б.);

5) математикалық әрекеттерді қалыптастыру;

6) көру-қимыл координациясын және қол, саусақтардың әрекеттік мүмкіндіктерін дамыту;

7) жазу әрекетін игеруге дайындау;

8) өз - өзін қамтамасыз ету дағдыларын игеруге тәрбиелеу

Тәжірибелік маңызы

1) Церебралды сал балаларға арналған қазақтың ұлттық ойындарын қазақ топты балалардың бағдарламасына енгізуге болатынын дәлелдедік.

2) Ұсақ саусақ моторикасына арналған қазақтың ұлттық ойындарынан сұрыпталып жасалған әдістемелік нұсқау жасадық.

3) Болжамымыз растығы дәлелденді.

Дата добавления: 2015-08-10