Сөйлеу тілінің грамматикалық қатарын дамытудағы логопед пен отбасы жұмысының сабақтастығы

Орындаған: А.Нургалиева

Жетекші: аға оқытушы Ж.М.Аканова

Зерттеу мақсаты: жалпы тіл кемістігі бар балалардың сөйлеу тіліндегі грамматикалық қатарын түзетудегі логопед пен отбасының өзара қарым-қатынас жасау жұмыс дәптерін құру

Зерттеудің обьектісі: жалпы тіл кемістігі бар балалармен логопедиялық түзету жұмыстарын жүргізудегі логопед пен отбасының арасындағы қарым-қатынас.

Зерттеудің пәні: жалпы тіл кемістігі бар балалардың сөйлеуіндегі грамматикалық қатарды дамытуда ата-ана мен логопед арасындағы жұмыс қабілеттері.

Зерттеу болжамы: жалпы тіл кемістігі бар балалардың сөйлеу тіліндегі грамматикалық қатарын түзетуге бағытталған жұмыста логопед пен ата-аналар арасындағы қарым-қатынас жасауда жұмыс дәптерін дұрыс құрса онда түзету процесі оңтайлы, нәтижелі болады. Бұнда, логопедиялық сабақтарда алынған білімдер мен дағдыларды бекітуде ата-аналардың қатысуы үлкен мән береді.

Зерттеу міндеттері:

1) зерттеу мәселесі бойынша арнайы әдебиеттерді теориялық талдау;

2) жалпы тіл кемістігі бар балаларға психологиялық-педагогикалық мінездеме беру;

3) арнайы әдістемені таңдап, оны өткізу;

4) ата-аналарға арналған арнайы мерекелік шаралар өткізу;

5) жекеше және топпен логопедиялық сабақтар өткізу;

6) дөңгелек үтел, конференциялар, ата-аналарға арналған стенндтер тағайындау;

7) жұмыс дәптерін құрастыру: «Сөйлеу тілінің грамматикалық қатарын дамытудағы логопед пен отбасы жұмысының сабақтастығы».

Зерттеу әдістері:

1) Иншакова О.Б. «Логопедке арналған альбом»;

2) психологиялық-педагогикалық зерттеу;

3) эксперименталды зерттеудің сандық және сапалық талдауының нәтижесі.

ЖТК бар балалардың сөйлеуін дамытуға арналған мерекелік шаралар грамматикалық қатардың дамуына жағымды динамиканы көрсетуге болысты. Сонымен қатар, психикалық функциялардың (зейін, ес) дамуына арналған үй жұмыс дәптеріндегі жаттығулар баланың сөйлеу барысында құрылатын ойлау қабілеттеріне әсерлерін тигізді.

Негізгі нәтижелер мен қорытынды

Осымен қорыта келе, логопед пен отбасының бірлескен жұмыстарының жүйесі дұрыс орындалса ЖТК бар балалардың сөйлеуіндегі грамматикалық қатарын түзетуге бағытталған жұмыстар да сәтті орындалатынына көз жеткіздік. Балабақшада баланың тілін дамытуға ата-аналармен бірлесіп арнайы жиналыстар, конференциялар, «Біз бақытты отбасымыз» атты клуб құрдық. Арнайы стендтерге сөйлеуінде бұзылыстары бар балалардың ата-аналарына арналған хабарламалар, түзету-дамыту материалдарын, бұзылыс түрлері жайлы жазылған мәліметтерді ілдік. Осы жүргізген барлық жұмыстарымыздың қорытындылары жоғарыда айтылып кеткен болжамдарымызды дәлелдеуге болысты.

ЖТК бар мектепке дейінгі жастағы балалардың сөйлеуінің бұзылыстарынын алдын алу мен түзетуге арналған үй тапсырмалары бар әдістемелік кешендіата-анамен бірлесіп орындауда үлкен жетістктерге жеткенін байқадық. Баланың лексикалық, грамматикалық қатарындағы бұзылыстары дамып, сөйлеуінде көп кемшіліктер жойылғанын көрдік.

Дата добавления: 2015-08-10