Aelig;рдз

Куы сфæлмæцын,

Куы нал вæййын мæхицæй,

Куы фæзæгъын:

— Бæргæ ма дæн æвзонг,

Фæлæ мын алцы ’взæрст у —

Мастæй, цинæй, —

Зæххы цъарыл мæм ницы кæсы ног.

Нæ цард та у

Мæнгагъуысты къæсæрау:

Æзраздæронæй бахизыныл

Тох

Цæуы тъымы-тъыматы,

У сæ рох:

Уый арв у гом сæ сæрмæ!..

Цæттæ вæййын

Зындоны къæсмæ уæд...

Цыдæр тых ма мæ

Сау зæхмæ нылвасы:

Мæйдары арв нырттывта,

Æмæ хъæд,

Пырх дзыккуйау,

Йæ уидæгтæм æртасыд,

Бæрзонд хохы цъæх цъитийы бын —

Фурд:

Хуыдымы фынчы

Бурбын кæсагхъазы;

Дзæбидырæн цыргъ къæмбыртæ —

Æмуд, —

Зæйраскъуыд сæ

Æлгъыстау дары тасы!..

Æгас цу уæд,

Мæ рагбонты тæмæн! —

Дæ хъарм хъæбысы агурын

Мæ фæдтæ,

Дæ цуры та æлгъыстаг у

Мæнæн

Цыфæнды саг-хъæбатыры мæлæт дæр!.

ЗЫМÆГОН ÆМДЗÆВГÆТÆ

Ирон богал Уалыты Эдикæн

Тæхы, нæры

Нæ сау кæмтты

Дзæгъæлдзу дымгæ,

Йæ урс фæттæ

Нызгъалы уый,

Цы уына, ууыл...

Æз мысын дæу,

Мæ хъарм Гыцци,

Мæ уды айнæг.

Кæм дæ, цы дæ,

Цы зæд уыди

Дæ уды айсæг...

Æрцу, Гыцци,

Мæ сæфт амонд,

Нæ рох къæсæрмæ,

Æви дын нæй

Сау сыджытæй

Фæстæмæ здæхæн?!

Зæххыл кæм ис

Хæрзамæндтæ,

Кæм ис æнцойад...

Кæнынц, бæгуы,

Фыдызнæгтæ

Цыдæртæ, койтæ!

Ныр афонмæ

Нæ рагъхъæдыл

Æрхæцыд сау сæг, —

Æз — ахæсты —

Кæйдæр къæсыл

Æрвитын уалдзæг.

Æрцу, Гыцци,

Мæ сæфт амонд,

Нæ рох къæсæрмæ,

Æви дын нæй

Сау сыджытæй

Фæстæмæ здæхæн?!..

Дата добавления: 2015-09-05