AElig;рдзы диссæгтæй

Пародитæ

СИДÆМОНТЫ Æ-ЙЫ ФЫСТÆГ ХОДЫ КАМАЛМÆ

Поэты ном... Дæуæн æй радта хицау,

Мæнæн — Хуыцау...

Сидæмонты Æ.

... Мæ кæддæры хæлар,

Кæмæ вæййы Хуыцауы лæвар, уый

Нæ феппæлы йæхицæй...

... Фæлæ вæййы ыстыр бæллæх, лæгæн æй

Куы нæ ратты нææ — хицау, нæ — Хуыцау!

Ходы Камал

Мæ хорз хæлар, мæ рæдыд мын ныббар, —

Дæ фыстыл дын бæргæ фæкæнын дистæ,

Фæлæ мæнæн нæй хицæуттæй æмбал,

Дæумæ нæ хъары, о гормон, мæ риссаг!..

Поэты номмæ чи æрхæсдзæн фау?! —

Зæгъ-ма-иу, зæгъ: мæнæн, дам, æй фырцинæй

Æрмæджы радтой: хицау уа, Хуыцау,

Мæн та-иу бауадз, — аппæлон мæхицæй...

Дæ номæй мæн кæм нæ зондзысты, ау?! —

Фæлæ тæрсын, кæс-ма, поэты ном та

Гъеуыцы ницы-мацыйаг Хуыцау

Нæ дыууæйæн дæр кæд, мыййаг, нæ радта?!

ХЫЛ КЪОГЪОИМÆ

Дыууæ стæм уаты: къогъо æмæ æз,

Æз æмæ къогъо — нæй æндæр ызмæлæг...

Уæрæх уаты дыууæ йеддæмæ не сгпæм...

Дæхи мыл — гъæй-да! — рауадз «мессершмиттау»,

Нæ зоныс ды мæ сау тугæй æфсис.

Хъодзаты Æхсар

Цынæ фыдбылыз рацахсы мæ уды, —

Ныр та мыл къогъо сагъуыди, мæгуыр!..

Уый туг хъæуы. Кæмæ цæуон фæдисы?

Хæлæрттæм? — нæ, цы мын ысты, бæгуы?!

Дыууæ стæм мах — нæ зонд уа, йе нæ асæй —

Нæ Иры зæххыл... Ма кæ, мæ хур, — паддзæхтæ...

Ды — хицау дæ, куы хыл кæнон дæуимæ, —

Цæвдзысты мæн нæхиуæттæ армаццагæй.

Æз раттин туг: «Нæ къогъо дæр нæхи куы у», —

Фæлæ, — «бездар», цынæ кæны, цынæ! —

Сырх туг æй хъæуы уый, мæнæн та сау туг у,

Æмæ йæ тасæй нал кæнын фынæй.

Æниу дæ, цæй, цы æфхæрон, мæ хорз къогъо,

Дæхи мыл рауадз, раскъæр «мессершмиттау», —

Хуыцæупæм дæр куы фæхъуысынц мæ «О-о-тæ»,

Уæд мын ды чи дæ?! —

Мæхицæй дын ныссидтæн...

Дата добавления: 2015-09-05