Читайте также:
|
Æрц-тох!.. Къæрццæмдзæгъд.
Фесхъиуы хæрдмæ,
Йæ къухтæ сисы арвæмбæрц
Рæуцагъдмæ,
Ныззилы кафты зиллаччы
Цæрдæг,
Йæ рæсугъды раз
Къахфындзтæ æрсадзы.
Ныккæрзы чызг:
О, ме скæнæг Хуыцау!..
Йæ хорз, йæ уынд,
Йæ комытæф у маргау...
Нæ Ирæн та
Йæ цин дæр у быцæу:
Рынчын дæ — нæ,
Æрттивай хъуамæ авгау.
Ныддыз-дыз кæны,
Телхъæдау мæ гуыр,
Уæздан сæгуытау,
Хъазтастæумæ рахиз,
Цæй кафыныл дæ!..
Гъе, уæддæр, мæгуыр,
Дæ уарзоны
Хылы дзæмбытæй бахиз.
Уæд уый лæууы
Дæ хион чызджы раз,
Йæ худæг дзырдæй
Чызг кæны тыппыртæ.
Æз та бæллын:
Хуыцау, о, ма у карз
Йæ фидæнмæ, йæ фæдонмæ —
Мæ фыртмæ!
Нæ зиллаччы та
Кафгæ, нæ —
Тæхы
Сæрæн лæппу,
Хæссы йæ тæргай
Йемæ:
— Кæд уый хуыздæр у, —
Цæстæнгас зæгъы,
Мæ уарзон уд,
Цæй бафæлвар нæ
Гъеныр!..
***
О, уый æз дæн фæссихоры аууонау
Бæрзонд фæзуатæй рауадзы йæ тын
Цæмæй дæ уды удвидайраг комы
Æрытауа йæ сагъæстæ, йæ зын.
Æмæ, тæппуд гæдылæгау, дæ къæсы
Кæны йæхи йæ хъæстæгтæй сыгъдæг.
Лæгау-лæгæй та басгуыха дæ цæсты —
Дæ риссæгтæ дын ма хæсса рæгъмæ.
Сæумæйæ ног ныууадздзæни дæ артдзæст,
Йæ зæрдæ фенцой, уадзы дын йæ рыст.
Дæуæн дæ цæссыг сусæг-æргом уардзæн,
Хуыздæр уавæр дын нæу Хуыцауæй фыст.
Æмæ та цудгæ, расыгау, тæргайæ
Фæндаджы былæй иунæгæй цæуыс.
О, уый æз дæн, хæрзамондмæ бæлгæйæ,
Йæ амонды уысм чи нæ зыдта, уый.
Дата добавления: 2015-09-05; просмотров: 49 | Нарушение авторских прав
| <== предыдущая страница | | | следующая страница ==> |
| СВЕТЛАНÆЙÆН | | | ДÆУÆН |