|
Читайте также: |
Любитö Висьöлыс декуйтчыны — эта удж сылöн. То туй мортлiсь гусялас, то просто повзьöтас, а то и шогöт лэдзас.
Вот сьöктантурун вöрас быдмö. Только вöрас и быдмö сiя, сэсся некысь он адззы. Сякöй турунлöн цвет эм, а сылöн абу. Этö мийö сiдз думайтам, мыля некин эз адззыв, кыдз сiя цветитö, только Висьöлыс некинлö сiйö оз мыччав. Цветыс сылöн не простöй, а волшебнöй. Висьöлыслöн чача пö сiя, и ыджыт вын сыын эм. И синнэз мортлiсь сiйöн туйö пöртмавны, и колдун оз вермы тшыкöтны сiйö, кинлöн эта цветыс эм. Вот и берегитö вöрисьыс сiйö, кыдз ассис синсö.
Мöдас босьтны сiйö цветсö öтiк мужик. Мунас Иванлун панытö вöрö, бöрьяс сьöктантурун и сы увтö ольсалас ассис венечнöй чышкöтсö. Ольсалас да видзчисьö, кöр ойшöрыс лоас.
Час чулалас, кык чулалас, и вдруг сьöктантуруныс веськöтчас, и сы вылын лöз биок öзйыштас. Видзöтö мужикыт — цвет оссьöма. Орöтас цветсö, каттяс чышкöтас и давай гортас котöртны.
Петас деревня дынас, и кресь воныс пантасяс сэтöн и шуö:
— Вай жö, куритыштам да баитчыштам. Сэтшöм горе локтiс, что и онöс нöбöтiс и менö гортсим вашöтiс.
— Тэрмася ме часöт, — шуас мужикыс и одзлань котöртас. Деревня шöрас сойыс пантасьö и ласкова, дзик руч, ольсалö-баитö:
— Вай жö, дона вонö, отсала чышкöттö нöбöтны, киэт, натьтö, эд мыдзисö ни, шоччöт невночка.
— Эзö мыдзö, эзö, — горöтчас мужикыс и эшö öддьöнжык котöртас.
Но вот и аслас ворота одзö локтас. Керкуын югыт би сотчö, сiдзкö, иньыс оз узь, жöниксö видзчисьö.
Гир-ёр пырас мужикыс оградаö, каяс посöдзö, а керкусис иньыс паныт уськöтчас. Мужикытлöн былись киэс мыдзасö ни, и сiя кокнит сьöлöмöн сетас чышкöтсö иньыслö: сы киись некытчö оз öш.
Инька гортас уськöтчас, мужик жын-жын пöднасяс да сы бöрсянь. А керкуас дзирс пемыт, некытшöм би абу. Мый пö эта сэтшöмыс лоö? Кытсалö иньсö, а сiя оз шыась. Пондас маласьны да смекайтчыны и казялас, что кыдз вылын пукалö, самöй йылокас, дзик рака.
Вöлись сэтöн и вежöртас, кыдз сiйö вöрисьыс бöбöтiс да кыдз вылас лэбтiс.
Берегитö Висьöлыс ассис чачасö, и некин эшö абу на сiйö гортöдззас вайлöма. Буди сэтшöм морт вайлiс, кöда вöрисьыскöт тöдчö. Рака ракалiсь синсö эд оз кокав.
Дата добавления: 2015-11-16; просмотров: 40 | Нарушение авторских прав
| <== предыдущая страница | | | следующая страница ==> |
| Рызы-бызы» костюм. Синяшорись кам. Король покоритчис. Прокоп, чож нинкöм кыйись | | | Жысь Егорлöн нёльöт висьт |