|
Читайте также: |
Хæныкъаты Ростиславæн
Дæ номæй ничи уыдзæн буц
Цæстмæ дыл, чи зоны, фæкæуой:
— Фæхъуыци иу ирон лæппу,
Дзæбæх уыци, мæгуыр, цы кæнæм!
Æмæ цæмæй нæ зыдтой дæу:
Хæрзуаг, хæрзæгъдауæй, рæдауæй,
Фæлæ дын чи кæны æгъдау:
Æппæт æрцæугæ у йæ рады!
Ды нал дæ æмæ нал и цард
Дæ рох къæсы. Дæ иунæг мадæн
Кæны рæдзæ-мæдзæ йæ арт,
Нæй й’ алвæрсты æрæнцой уадæн.
Уæдæ кæмæн кодтай нывонд
Дæ сыгъдæг уд? Нæ хъуыди никæй,
Цыма лæгау лæгæн нывгонд
Æрмæстдæр у — хæца фæринкæй.
Ныббар мæрдтыбæсты, хæлар,
Мæнæн дæр, чи зоны, нæ уыди
Къæрцхъус мæ рæстдзинады кар
Æмæ дыл феввæрсон мæ хъуыды.
Æз зонын иу: æхсæв уа, бон,
Фæндагыл уон, æви мæ къæсы,
Кæрдзын æмæ цæххæй дæ ном
Æз ардзынæн, кæд сыл æрвæссай?!
Дата добавления: 2015-09-05; просмотров: 57 | Нарушение авторских прав
| <== предыдущая страница | | | следующая страница ==> |
| СФÆЛДЫСТАДЫ УЫСМ | | | СОНЕТ КАДЫ ТЫХХÆЙ |