|
Читайте также: |
Ныссабыр ком. Æгуыппæг. Уары мит, —
Хæмпус пакъуытæй арвы къуырф ныккалди.
Сырддонцъиу уасы — карз тымыгъы сидт, —
Уый хосдоны нæ фæлмæцы йæ цардæй.
Тъæпæн хæдзæрттæ — урс-урсид, къуытты,
Сæ рухс тыххæйты салд рудзгуытæй хъары.
Ныллæг ыскъæты бур уæныг нæты,
Цæвынæввонг æм сæгъ йæ сытæ дары.
Ныммыр-мыр кæны дугъон бæх æваст:
Цæуын æй фæнды, — хицау зынæг нал и!
Æмæ йæ тæлфгæ цæстыты æнгас
Къуындæг цæрæны судзгæ цæхæр калы.
Уæд хицау та æррынчын и, мæгуыр...
Йæ папитæ æнæзылд ысты — зоны,
Фæлæ кæм хауы амондæй ысгуы
Хæрз иунæгмæ? Æмæ йæ тых йæ бонæй
Ныззары уæд: цы мæ домыс, хъысмæт,
Цы хæрзтæм ма-иу бабæллынц мæ кары? —
Цæмæй тæрсон, уый у æрмæст мæлæт, —
Хуыцауæй йæ дыууæ хатты нæ дарын.
Цæрæнбонты æфсæст уыдтæн фæндтæй, —
Мæ удимæ нæ фæцардтæ æнгомæй...
Æниу мæ кæд æгуыдзæг æнхъæл дæ, —
Тæккæ райсом æз рабаддзынæн ногæй!
Æгæрон арвыл стъалыты рæгъау
Йæ уазал рухсæй тавдзæни мæ къона...
Нæ мын хæссы мæ удмæ ничи фау,
Уæд æз сæттын хуыцæуттæн дæр нæ комын!
***
Касаты Батрадзæн
Хæхтæ райгуырынц, хæхты...
Фæлæ
Уыдон дæр, —
Уый уыд мæ царды фыццаг диссаг, —
Зонынц мæлын:
Æндонвидар айнæг
Нызгъæлы лыстæг чырсау,
Æмæ хохы дæлвæдджи
Тыгуыртæ кæны
Лыстæг хуырæй:
Бон уыдисны куы рæзы,
Æхсæв та — уылынг.
Хъавы фæстæмæ ысхизынмæ —
Цъупмæ.
Хох ныллæгæй-ныллæгдæр кæны,
Æмæ иу афон
Айсæфы сыджыты.
Хуыр — йæ саби,
Бæсты бæрзæнд сырæзы,
Уæнг уæнгыл æрхæцы
Тæрккъæвда уа, тымыгъты фæрцы,
Æмæ ысвæййы хох,
Фæлæ йæ фыдæлы номæн
Йæ ронбастмæ не ’ххæссы
Никæд!
Кæд ирон лæджы хъысмæт у уый!..
Дата добавления: 2015-09-05; просмотров: 45 | Нарушение авторских прав
| <== предыдущая страница | | | следующая страница ==> |
| НОГ АЗ ХÆХТЫ | | | ХÆРЗБОНЫ УЫСМ |