Сывæллæттæн
Æргъуын-биргъуын бирæгъау...
Уæлæ рæгътыл иу рæгъау.
Рацæуы сычъи-дзугтæ,
Нард ысты, бæгуы...
У йæ тынгыл хосгæрдæн,
Уыд сæ фысым сойгæрдæг.
Хуры тынтæ судзинтау,
Дойны сæ кæнынц.
Комрæбын æхсæрдзæн дæр
Аууоны æрфæлмæнтæ.
Сисы къæйбын джигуртæ,
Айсысы йæ маст.
Кæсаг та цъыллынджытæ
Сисы уæд йæ фынчыты,
Уымæн доны зилдухы
Ницæмæй у тас.
Мæргъты зиу: тъылланг-мыллунг,
У хæхбæсты фарны дуг,
Цæвæджы ныййазæлдмæ
Базмæлыди ком.
Цъырцъыраг фыддъылысæй
Бавдæлы йæ цъыс-цъысмæ,
Бандæвта йæ урс зымæг,
Нал калы йæ бон.
Хуымтæ — бурбын, зад мæнæу
Узы дымгæ, авдæнау;
У сæркъул, фырдиссæгтæ,
Уайсадæг чындзау.
Мыст дзы хъавы давынмæ.
У йæ хъуыды: уа мын, нæ?
Сисы уый йæ цъистытæ,
Хуыккоммæ тындзы.
Уырдæм ды куы бахауай,
Уæд æрцардтæ аргъауы,
Хъул дæм нал и койы дæр, —
Ралæг дæ æваст.
Мила дын йæ кæрдзынæй
Авæрдзæн æвдæрзынмæ,
Гино дын йæ къонайы
Бакæндзæни уат...
Дата добавления: 2015-09-05; просмотров: 91 | Нарушение авторских прав
| <== предыдущая страница | | | следующая страница ==> |
| ДÆУÆН | | | БИРÆГЪ ÆМÆ КУЫДЗ |