Изæрмилтæ. У уæлдæф рог,
Цыма цæджджинагмæ бæгæны
Фæрсудзы чидæр. Уыцы ронг
Мæнæн хъылмайы ад фæкæны.
Мæйдар æрытауы йæ хыз.
Йæ быны та — мæлæтæй рохы,
Кæйдæр тызмæг арвы бын æз
Æвзонгæй базæронд дæн, оххай!
Фæсденджыз — райгуырæн бæстæ,
Æз та — уæлмит, уæлих. Фыдбонты
Ныггуыбыр дæн кæйдæр куысты,
Куыдзау мын аивтой мæ ном дæр.
Фæкус сæуизæрмæ, ыстæй
Дæ минас — сау дзул æмæ донæй.
Цæрын ма райгуырæн бæстæ
Мæ фынты феныны æфсонæй.
Ныр афонмæ уым хур кæсы,
Лæгъзбын уыгæрдæн хосдзау дасы, —
Йæ армыдзыхъхъы йын хæссы
Рæсугъд чызг уазал дон йæ размæ.
Хуыцаумæ нал кæнын æз хъаст,
Хъысмæт куырмау мæ сæрты ахызт:
Куы ’рхаудтæн ардæм, ууыл раст
Фæци мæ цардвæндаджы азфыст.
Бæргæ, зындоны дæр цæрин,
Нæ мын уаид цæнгæтау рафтæн,
Куы зонин: мысы ма мæн иу,
Æз куыд мысын мæ Иры, афтæ!
Дата добавления: 2015-09-05; просмотров: 46 | Нарушение авторских прав
| <== предыдущая страница | | | следующая страница ==> |
| ХУР, ХÆХТÆ ÆМÆ ДЕНДЖЫЗ | | | БАЛЛАДÆ НАРТЫ УАЦАМОНГÆЙЫЛ |