Читайте также:
|
Нақты қылмыстық істі сотта талқылаудың нәтижесінде сот бір ғана үкім шығара алады. Сотталушы бір қылмыстардың жасалуына кінәлі деп танылғанда және басқаларының жасалуы бойынша ақталғанда, сол сияқты бір қылмыстың жасалуына бірнеше сотталушы айыпталған жағдайда да бұл ереженің күші сақталады.
Айыптау үкімі – кінәсіздік презумпциясына сәйкес – болжамға негізделмеуге тиіс және ол қылмыстың жасалуына сотталушының кінәлілігі сот талқылауы барысында дәлелденуі шартымен шығарылады. Сондықтан сот талқылауында қаралған және қылмыстық іс жүргізу заңының талаптары сақталып алынған шынайы дәлелдемелер жиынтығы айыптау үкімін шығаруға негіздеме болады және ол мынадай даусыз қорытынды шығару үшін жеткілікті болуға тиіс:
- қылмыс оқиғасы орын алған;
- онда осы қылмыстың құрамы (қылмыстық заңның тиісті бабында, бөлігінде, тармағында көзделген) бар;
- бұл іс-әрекетті сотқа берілген сотталушы жасады;
- қылмыстың жасалуына дәл соның өзі кінәлі.
Айыптау үкімінде адамды қылмыстың (қылмыстардың) жасалуына кінәлі деп тану және оған қылмыстық жазалау шараларын қолдану туралы сот шешімі қамтылуға тиіс.
Сотталушы өтеуге тиіс қылмыстық жаза тағайындаумен шығарылған ақтау үкімі қылмыстың жасалуына кінәлі адамға қатысты шығарылады, бұл орайда жасаған қылмысы үшін оның жазалануға жататындығы және жазаны тағайындау мен өтеу үшін кедергілердің жоқ болу шарты қойылады.
Адамның қылмыстардың жасалуына кінәлі екендігі дәлелденген, бірақ осы қылмыстар үшін адамды қылмыстық жауаптылыққа тартудың ескіру мерзімінің өтіп кеткені немесе жасалған іс-әрекет үшін жаза қолдануды болдырмайтын рақымшылық жасау актісінің бар екендігі анықталған жағдайларда сот айыптау үкімін жазаны тағайындамай шығарады.
Егер үкім шығару кезінде сотталушы қайтыс болса, сот тараптардың өтінімі бойынша айыптау үкімін жазаны тағайындамай шығарады немесе істі қысқартады.
ҚР ҚК-нің 72-бабының 1-бөлігінің және 74-бабының 2-бөлігінің негізінде жүкті әйелдерге және он төрт жасқа дейінгі балалары бар әйелдерге қатысты, сондай-ақ шағын ауырлықтағы және орташа ауырлықтағы қылмыс жасаған, бірақ оның кетуінен төтенше жағдайлардың салдарынан оның өзіне немесе отбасы мүшелеріне аса ауыр салдары болуы мүмкін адамдарға қатысты сот айыптау үкімін қылмыстық жазаны өтеуді кейінге қалдыра отырып шығарады.
Дата добавления: 2015-07-16; просмотров: 139 | Нарушение авторских прав
| <== предыдущая страница | | | следующая страница ==> |
| Тармақ бойынша | | | А-тармақтары бойынша |