Пыд вöр коласын видзок, берег дор, сэтöн тыдалö пыж ныр. Вöрö пыртö туёк. КУДЫМ-ОШ да ВАЯСИ чеччисö пыжись, кайисö видз вылö, бокö тачисö ноппезнысö, медбы шоччисьны дыр уйöм бöрын. Сэсся нылö ковсяс мунны подöн вогульскöй карöдз. Пуксисö, а видз вылас öтмöдöрсянь петiсö ваись нывкаэз, кытшöвтiсö мунiссесö. Кытш шöрас бергалö сэтшöм басöк нывка, кытшöмö мунiссес некöр эз пантавлö. Сы вылö видзöттöн пам да Ваяси и мыдз йылiсь вунöтiсö. Эта нывкаыс — Кульпиянка, Вакульлöн ныв. Нывкаэзлöн паськöм-кöмкöт: Кульпиянлöн шуч тыдалан чочком платье, чаркиэз, зелёнöй чикиссез. Мöддэслöн юрсиныс кыйтöм — вог лэдзчисьöм, асьныс пасьтöмöсь, кöмтöмöсь, нювт рöмаöсь.
Ваись нывкаэзлöн ошшасяна йöктан.
Керсьöны куим кытшö, малалöны мороссэз, каджжез, киэз да коккез, чатрасьöны. Кульпиянка йöктö-уялö кытшшес коласöт, пыралö кытшшес пытшкö, петалö да вовлö морттэс дынö, медбы ошшасьны аслас мичöн.
Кудым-Ош чайтö, что сы одзын — вогульскöй князьлöн нылыс, и сiя öддьöн радмö, кошшö нопсис козин, медбы бурмöтны сьöлöмсö невестаыслiсь.
Ваяси чеччöвтö кок йылö, пыркöтö вывсис ёгсö-буссö, и нывкаэс сiйö ки пöлöттяс кыскöны кытшö. Кульпиянка лэбтö му вывсис Кудым-Ошöс, орсöтчö сыкöт да лöсьöтчö пыртны памсö ю пытшкö, Вакуль царствоö. Сэтöн казялö и вежöртö неладносö Ваяси да кужö мездыны Кудым-Ошöс бедаись. Сiя пöрччалö косксис йисö и мед ни ю дорас ештö поперегавны йинас Кульпиянкалiсь ва пытшкö туйсö.
Кульпиянкалöн пöртмасян выныс öшö, сiя ыджыт лёкувьяс пондö чепсасьны йöрйöм тури моз, а сы сьöрсянь — и нывкаэс. Кульпиянка пырö юö и нуöтö сьöрас нывкаэсö.
Кудым-Ош каитчö, что невна эз бöбась куллес гажö, ошкö и донтö ёртсö. А Ваяси йиасьö, босьтö ноппез, и кыкнанныс пырöны сьöд вöрö.
Нiйö кольлавны видз вылас петöны КÖЧЧЕЗ. Ны дынö öтмöдöрсянь котöртöны КÖЗОККЕЗ, и пондöтчö нылöн öтласа гажöтчöм. Ныкöт öтлаын гажöтчöны и кайез — кылö дзульзьöм да пиксöм.
Дата добавления: 2015-11-16; просмотров: 41 | Нарушение авторских прав
| <== предыдущая страница | | | следующая страница ==> |
| Бытшöма вöралöм бöрся ритуал. | | | КОРАСЬÖМ |