|
Читайте также: |
Ритуалсö пондöтöны КУДЫМ-ОШ да ВАЯСИ. Кудым-Ош чапкö запон, зэвжыка пуктö юр вылас колпаксö.
Нылöн паськöм-кöмкöт: небытик кучиккезiсь шабур кодь йöрнöссэз, вешьяннэз, котiэз-сапоггез. Ваясилöн паськöмыс лöз рöма, Кудым-Ошлöн — гöрдвевья, соссэс серöтöмöсь катшакок серöн. Ваясилöн векнитик йи, памлöн — паськыт, кыдз кушак, сы бердын öшалö дженыт пуртöса пурт. Кыкнанныслöн киэзаныс ньöввез.
Кудым-Ош копырасьö Ойпельлö, сэсся бергöтчö инькаэз ладорö, кöдна пукалöны керкуэз коласын лабич вылын. Инькаэс пондöтöны орсны пöляннэзöн. Ны дынö локтöны кык старик — сярканöн да кринкаöн, пондöны сярöтны-орсны. Кудым-Ош да Ваясилöн йöктан.
Пам сувтö öтланьö, Ваяси — мöдланьö. Кудым-Ош жагвыв, гусясьöмöн моз, шондi ньылат гöгöртö лудовкасö. Сы бöрсянь сiдз жö керö Ваяси. Кöр вежсясö местаэзнаныс, локтöны öтамöдлö паныт лудовка шöрö, ветлöтöв-керöны учöт кытшöн да ки увтöт вöджжöны зверь сьöрын. Сэсся мыччалöны, кыдз шогмис бур вöралöм. Мунöны бокö. Вöралiссезлöн, чери кыйиссезлöн да тшак-ягöд öктiссезлöн йöктан. Ньöвьёся вöралiссезлö паныт сувтöны чери кыйиссез мордаэзöн. Мöд ладорас паныт-паныт сувтöны нывкаэс.
Ассиныс бур вöралöмсö пондöтöны мыччавны вöралiссез — «панлалöны» зверь-пöткаöс, лыйсьöны. Сэсся «уджалöны» чери кыйиссез — тэчöны кыйсяннэз, ныö «вашöтöны» чери. Медбöрын ассиныс кужöмнысö мыччалöны нывкаэс, а вöлись — öтласа кытш, «тупи-тапи» йöктöм.
Зонка-нывкалöн паськöм-кöмкöт: зонкаэзлöн дженытик йöрнöссэз, вешьяннэз, юрныс куш; нывкаэслöн — кузь йöрнöссэз, юр кöртöттэз. Быдöнныс нинкöмаöсь.
ВАЯСИ пондылö кыскыны Кудым-Ошöс йöктiссес кытшö, но мöдыс оз мун.
Локтö ПÖВСИН, öт синыс лапöталöм.
Пöвсиныслöн паськöм-кöмкöт: лöз рöма кузь шабур, паськыт дора котiэз, юр вылас низь кучикись шамшура.
Пöвсин иньдöтö бы зонсö йöктiссес кытшö, но зоныс оз мун, гажтöмалö. Пöвсин сувтöтö орсöм-йöктöмсö.
БЫДÖННЫС мунöны, кольччöны кыкöн мама-зона. ПÖВСИН ветлö Ойпель сайö и вайöтö сьöрас ЧИКЫШÖС, жаг старухаöс.
Чикышлöн паськöм-кöмкöт: кокувтöдз сьöд шабур, йиасьöм. Гöрд котiэз, сьöд шапка-чышьян. Морос вылас, пельпоннэс весьтын, рисуйтöмöсь кайлöн гöгрöса синнэз, а мышкас — варышлöн гыжжез. Сьöрас прокод видзö увьякодь понулёвöй бедь, сивьяс — ноп.
Чикыш кутö бедьсö конувтас да пешлö киэзнас Кудым-Ошлiсь кымöссö, кикоксö, пельпоннэсö, видзöтö синнэзас. Нопсис сетö кытшöмкö турун памлö, но пам вештö сiйö кинас, сьöкыта ловзисьö да тюкйö чуньнас сьöлöм весьтас.
Пöвсин да Чикыш вöлись вежöртöны Кудым-Ошсö, лапкöтöны сылiсь пельпонсö. Пöвсин вайöтö НЫВКАÖС, сувтöтö Кудым-Ош одзö.
Нывкаыс том да мича, дзик горадзуль, но пам сiйö иньдöтö бöр.
Чикиш вайöтö мöдiк НЫВКАÖС, но и сiя памыслö абу сьöлöмви и нывка мунö бöр.
Сэк Чикыш висьталö Кудым-Ошлö, что ылын ойвылын олö вогуллэзлöн увтыр. Сiя увтырись князьлöн эм зэв мича да мывкыда ныв.
Только сiя и вермас вайны Кудым-Ошлö гажсö, а чудскöй увтырлö — ыджыт шуд. Кöр пö Кудым-Ош гöтрасяс сы вылын, нылöн чужас зон-богатырь — чудскöй увтырсö дорйись.
Кудым-Ош гажмö и ассис гажсö мыччалö кокнит да визыв йöктöмöн, тшöтш этакöт гажöтö мамсö да Чикышöс.
Дата добавления: 2015-11-16; просмотров: 46 | Нарушение авторских прав
| <== предыдущая страница | | | следующая страница ==> |
| НЁЛЬÖТ ДЕЙСТВИЕ | | | ТУЙЫН. КУЛЛЕЗ ЛЁКАСЬÖНЫ |