Жұмысшылар санының есебі. Жұмысшылардың жылдық еңбек ақы корын есептеу. Өндірістік қызеткерлердің еркін кестесі.

Заводтағы жұмысшылар қатарына негізгі және қосымша, инженер- техникалық, қызметші және кіші қызмет көрсетуші жұмысшылар кіреді. Негізгі жұмысшылар қатарына өнімді дайындау бойынша тікелей технологиялық операцияларды орындаушы жұмысшылар жатады. Қосымша жұмысшылар қатарына өндіріске қызмет көрсетуші: жөндеуші, қондырушы, техникалық бақылау бөлімінің бақылаушылары, транспорттық және қосалқы жұмысшылар, құрылғы мен құралды жөндеу жұмыстарымен айналысатындар, электромонтерлар, қара жұмысшылар және қоймашылар (егер олардың жұмыстары материалдарды жылжыту және төсеу бойынша физикалық жұмыспен байланысты болса), өндіріс ғимараттарын тазалаушылар жатады. Инженер-техникалық жұмысшылар (ИТЖ) санатына өндірістік үрдістерді техникалық басқарумен байланысты міндетін атқарушы немесе инженердің, техниктің біліктілігін қажет ететін лауазымды алатын: басқарушы мен оның орынбасары, инженерлер, техниктер, технологтар, құрастырушылар, шебер мен оның көмекшілері жатады. Кіші қызмет көрсетуші жұмысшылар қатарына қызметтік және тұрмыстық ғимараттарды тазалаушылар жатады. Заводтың жұмысшылар санын анықтауды жұмысшылар санатына, өндіріс типіне, жобалау сатысына және басқа да факторларға байланысты әртүрлі тәсілдермен жүргізуге болады. Сонымен, заводтың негізгі жұмысшылар санын есептеу екі тәсілмен жүргізіледі:

а) жұмыс көлемінің орындалуының еңбек сыйымдылығы бойынша;

б) қабылданған құрылғылар саны бойынша.

Қосымша жұмысшылар санын есептеу: Қосымша жұмысшыларға түзеуші, жөндеуші жұмысшылар, электриктер, бақылаушылар, тасымалдаушы жұмысшылар және тазалаушылар жатады. Қосымша жұмысшылар саны:

а) Еңбек сыйымдылығымен;

б) Нормативпен - 30 % анықталады.

Біздің қызметкерлердің барлығы жоғары білімді және жылда оларды өз білімдерін арттыру үшін оқытамыз.

Бізде төлем ақыны айдың басында алады. Яғни айдың 10-нан бастап айдың 15-на дейін қызметкерлер өз төлем ақыларын алады. Кәсіпорында мерзімді еңбекақы төлеу жүйесі еңгізілген. Қызметкерлер мынадай түрлерге бөлінеді: ақы төленбейтін отбасылық қызметкерлер — туысқанның иелігіндегі жеке отбасылық кәсіпорында ақысыз жұмыс істейтін адам; жалданбалы қызметкерлер яки жалданып жұмыс істеушілер. Бұл қызметті орындау үшін қажетті негізгі қорлар, кейбір немесе барлық аспаптар, үй-жайлар олардың меншігіне жатпайды.

Еңбек ақы негізгі және қосымша болып бөлінеді.

Негізгі еңбек ақы дегеніміз - нақты кезеңнің тарифтік айлығына сәйкес келетін, еңбек ақының бөлігі. Кесімді ақы алушы үшін бұл бағалау бойынша нақты дайындалған өнімге берілетін еңбек ақы, мерзімділер үшін - тарифтік айлық немесе жалақы мөлшері бойынша нақты уақытқа берілетін еңбек ақы.

Қосымша еңбек ақы дегеніміз еңбектің негізгі мөлшерімен қарастырылған, оның міндеттерінің шеңберінде кеңейтілетін және шығатын көрсеткіштерге қол жеткізуге бағыттайтын еңбек ақының бөлігі.

Кәсіпорын қызметінің өткен практикасында ынталандыратын қосымша ақы мен үстеме ақыны бекітетін тәжірибе жинақталған.Қосымша еңбек ақының неғұрлым кең тараған түрі орташадан ауытқитын, өте зиянды және өте ауыр, зиянды және ауыр еңбек шарттары үшін төлемдер болып табылады. Бұл конвейірлі, толасыз, автоматтандырылған тізбектердегі қарқынды еңбек; түнгі уақыттағы жұмыс, механикаландырылған заводтағы бригадалардың

өнімділігі жоғары жұмысы және түнгі уақыттағы жұмыс.

Қазіргі уақытта ынталандыратын қосымша ақы мен үстеме ақынының түрлері мен мөлшерін шаруашылық субъектілердің өз бетінше анықтауына құқық берілген.Тәжірибеде олар жолдамаларға, бөлімдердегі қызметтік жұмыстарға бекітілуі мүмкін.

Дата добавления: 2015-08-13