Мэта работы. Азнаёміцца з прызначэннем, будовай, прынцыпам дзеяння і спосабамі кіра­вання

Азнаёміцца з прызначэннем, будовай, прынцыпам дзеяння і спосабамі кіра­вання асінхроннымі выканаўчымі рухавікамі; зняць рэгуліровачныя характа­рыстыкі асінхроннага выканаўчага рухавіка.

1 Прыборы і абсталяванене

1.1 Лабараторная ўстаноўка.

1.2 Прыбор камбінаваны

1.3 Прыбор камбінаваны

2 Кароткія тэарэтычныя звесткі

Малаінерцыйныя выканаўчыя рухавікі выкарыстоўваюцца ў сістэмах аўтама­тычнага кіравання. Прытым, пры заданным тармазным моманце частата вярчэн­ня рухавіка павінна строга адпавядаць напружанню, што падводзіца і змяняцца ў шырокім дыяпазоне. Выканаўчыя рухавікі павінны адпавядаць пэўным патра­баванням, асноўнымі з якіх з’яўляюцца:

а) Адсутнасць самаходу. Гэта значыць, што пры адключэнні кіруючага сігналу ротар рухавіка павінен хутка спыніцца.

б) Хуткадзеянне (малаінерцыйнасць). Гэта значыць, што час разгону рухавіка да ўсталяваушайся частаты павінен быць як мага меней.

Асінхронныя выканаўчыя рухавікі маюць дзьве абмоткі: абмотку ўзбуджэння АУ і абмотку кіравання АК. Абмотка ўзбуджэння пастаянна падключана да крыніцы сілкавання. На абмотку кіравання электрычны сігнал падаецца толькі пры неабходнасці выклікаць вярчэнне рухавіка. Паміж вектарамі напружанняў у АУ і АК абавязкова павінен быць зрух фаз. Гэта можа быць дасягнута ўключэннем у ланцуг адной з абмотак фазазрушва­ючага элемента (напрыклад, ёмістасці), або сілкаваннем абмотак рухавіка ад розных фаз трахфазнай крыніцы сілкавання. Аптымальны зрух фаз паміж векітарамі напружанняў АУ і АК складае 90°.

Існуе тры асноўныя спосабы рэгулявання частаты вярчэння асінхронных выканаўчых рухавікоў: амплітудны, фазавы і амплітудна-фазавы. Пры амплі­тудным рэгуляванні частаты вярчэння змяняецца велічыня напружання ў АК. Пры фазавым рэгуляванні змяняецца фаза паміж напружаннямі ў абмотках кіравання і ўзбуджэння. Амплітудна-фазавае рэгуляванне ўяўляе сабой аднача­совае спалучзнне амплітуднага і фазавага рзгулявання.

Асінхронныя выканаўчыя рухавікі могуць мець як звычайную будову, так і спецыфічную, якая характэрна толькі для іх. Статар малаінерцыйных асін­хронных выканаўчых рухавікоў будуецца падобным чынам як і статар звычай­ных рухавікоў. Адрозненне паміж імі ў тым, што на статары мала­інерцыйных рухавікоў месцяцца дзьве абмоткі – абмотка кіравання і абмотка ўзбуджзння. Асяродак ротара (унутраны статар) выконваеілца нерухомым, Ротар выконва­ецца ў выглядзе пустацелага алюмініевага стакана, які круціц­ца паміж асярод­камі статара і ротара.

Пры падачы напружання на АУ і АК у іх пацякуць токі, якія ўтвораць сама­вярчальнае нагнітнае поле, Апошняе наводзіць у ротары электрарухаю­чую сілу ЭРС. ЭРС выклікае ў ротары віхравыя токі, якія пры ўзаемадзеянні з самавяр­чальным магнітным полем утвараюць вярчальны момант.

Асноўным недахопам такіх рухавікоў з’яўляецца вялікі паветраны зазор у магнітным ланцугу (зазор паміж асяродкамі статара і ротара). У выніку ў такіх рухавіках маецца нізкіі ККДз і вялікі ток халастога хода, які можа складаць да 85-90% ад намінальнага.

У лабараторнай рабоце выкарыстоўваецца асінхронны выканаўчы рухавік тыпу ДГ. Яго асаблівасць заключаецца ў тым, што ў яго на статары маецца дадатковая – генератарная абмотка (абмотка тахагенератара) АГ. ЭРС у ёй прапарцыйна частаце вярчэння ротара.

Даследуемы рухавік ДГ-0,5 мае наступныя асноўныя тэхнічныя дадзеныя:

– напружанне сілкавання АУ, В 36±2, 400±8 Гц;

– напружанне сілкавання АК, В 30±2, 400±8 Гц;

– намінальная магутнасць на вале, Вт 0,5;

– частата вярчэння на х.х., аб/хв. 1300;

– каэфіцыент карыснага дзеяння, % 13;

– ток у АУ пры намінальнай магутнасці рухавіка, мА 210;

– ток у АК пры намінальнай магутнасці рухавіка, мА 120;

– ток у АУ генератара пры намінальнай магутнасці рухавіка, мА 130;

– напружанне скранання, В да 0,5;

– нулявое напружанне тахагенератара, мВ да 200.

Абмоткі даследуемага асінхроннага выканаўчага рухавіка падключаны да розных фаз трохфазнай крыніцы сілкавання. Такім чынам, зрух фаз паміж напружаннямі ў АУ і АК роўны 120°. У схеме лабараторнай устаноўкі выка­рыстоўваецца амплітудны спосаб рэгулявання частаты вярчэння рухавіка. Амплітуду напружання ў абмотцы кіравання можна змяняць з дапамогані патэнцыёметра R.

Малюнак 5.1 – Схема лабараторнай устаноўкі

Дата добавления: 2015-08-18