Тармақ бойынша. Мына жағдайларда сарапшы қылмыстық іс бойынша іс жүргізуге қатыса

Мына жағдайларда сарапшы қылмыстық іс бойынша іс жүргізуге қатыса алмайды:

- егер ол осы іс бойынша жәбірленуші, азаматтық талапкер, азаматтық жауапкер болып табылса, куә ретінде шақырылса немесе шақырылуы мүмкін болса;

- егер ол іс бойынша іс жүргізуге сарапшы, маман, аудармашы, куә, сот отырысының хатшысы, анықтаушы, прокурор, қорғаушы, айыпталушының заңды өкілі, жәбірленушінің өкілі, азаматтық талапкер немесе азаматтық жауапкер ретінде қатысса;

- егер ол жәбірленушіге, азаматтық талапкерге, азаматтық жауапкерге немесе олардың өкілдеріне туыс болса, айыпталушыға немесе оның заңды өкіліне туыс болса, прокурорға, қорғаушыға, тергеушіге немесе анықтаушыға туыс болса;

- егер сарапшының жеке өзі тікелей немесе жанама түрде осы іске мүдделі деп есептеуге негіз беретін өзге де мән-жайлар болса;

- егер ол анықтаушыға, тергеушіге, прокурорға, судьяға, сезіктіге, айыпталушыға, олардың қорғаушыларына, заңды өкілдеріне, жәбірленушіге, азаматтық талапкерге, азаматтық жауапкерге немесе олардың өкілдеріне қызметтік немесе өзге де бағынышты болса;

- егер ол нәтижесі қылмыстық іс бойынша іс қозғау немесе қылмыстық ізге түсуді бастау үшін негіз болған ревизия немесе басқа да тексеріс әрекеттерін жүргізсе;

- егер оның құзыретті еместігі байқалса;

- егер ол іске, осы Кодекстің 224-бабына сәйкес, сот медицинасы саласындағы дәрігер-маман ретінде адамның мәйітін қарауға қатысу жағдайларын қоспағанда, маман ретінде қатысса.

Адамның осы іске сарапшы ретінде осының алдында қатысуы сараптама оның қорытындысының дұрыстығына күмән туындауы салдарынан қайта жүргізілген жағдайларды қоспағанда, қылмыстық іс бойынша іс жүргізуге сарапшы ретінде оның қатысуын жоққа шығаратын жағдай болып табылмайды (ҚІЖК-нің 96-бабы 2-бөлігі).

Дата добавления: 2015-07-16