Песнь 3

Ирмос: Едине ведый человеческаго существа немощь, и милостивно в не воображся, препояши мя с высоты силою, еже вопити Тебе Святый: одушевленный храме неизреченныя славы Твоея, Человеколюбче.

Бог Сый мне Блаже, падшаго ущедрил еси, и снити ко мне благоволив, вознесл мя еси распятием, еже вопити Тебе?святый: Храме одушевленный неизреченныя Твоея славы Человеколюбче??

Живот ипостасный Христе сый, в истлевша мя, яко Милосердый Бог оболкся, в персть смертную сошед Владыко, смертную державу разрушил еси, и мертв тридневен воскрес, в нетление мя облекл еси.

Богородичен: Бога заченши во чреве Дево, Духом Пресвятым, пребыла еси неопалима, понеже Тя купина законоположнику Моисею, палимую нежегомо, яве предвозвести, огнь нестерпимый приемшую.

Предтече Спасов Иоанне моли Бога о нас

В лады́чне у́бо отъ Дѣ́вы соверша́ется рожде́ніе, но раба́ любе́зна отъ ста́рицы и непло́дныя ма́тере: въ лѣ́поту предти́четъ у́бо чу́до чудеси́.

Предтече Спасов Иоанне моли Бога о нас

С та́рица и непло́ды Дѣ́ву Ма́терь лобза́етъ, позна́вши нело́жно Сея́ Рождество́, я́ко разрѣши́ся соу́зъ непло́дства боже́ственнымъ хотѣ́ніемъ.

Пресвятая Богородице спаси нас

Богоро́диченъ: Н еискусобра́чно Бо́га воплоще́нна ро́ждши, страсте́й прило́ги обурева́емаго мя́ утверди́: нѣ́сть бо, Пречи́стая, ра́звѣ Тебе́ помо́щницы.

Предтече Спасов Иоанне моли Бога о нас

Е лисаве́тъ, пре́жде непло́ды су́щи, Христе́, Це́рковь Твою́ прообража́ше, я́же отъ язы́къ, и, ро́ждши пресла́вно, па́ки показу́етъ многоча́дну непло́ды я́вльшуюся иногда́.

Предтече Спасов Иоанне моли Бога о нас

П ути́ у́бо испра́вль Госпо́дни, стезю́ проугото́вавъ, покая́нія же плоды́ показа́лъ еси́ человѣ́комъ и жи́зненному научи́лъ еси́ пути́, проро́че и проповѣ́дниче Христо́въ.

Предтече Спасов Иоанне моли Бога о нас

Е лисаве́тъ, дне́сь игра́ющи, но́ситъ тя́, Предте́че, на объя́тіяхъ состарѣ́вшихся и вопіе́тъ, хва́лящися: нѣ́сть свя́тъ, я́коже Ты́, Го́споди Бо́же на́шъ.

Пресвятая Богородице спаси нас

П ра́отцевъ разрѣши́ла еси́ печа́ль, ра́дость на́мъ ро́ждшая, Животода́вца и Изба́вителя, Его́же, Пречи́стая Богоро́дице, прилѣ́жно моли́ спасти́ся ста́ду Твоему́.

Вси святии земли Русской молите Бога о нас

Проповедует преславно и паче трубы вопиет великая Лавра Печерская, тобою начало приимшая, отче преподобие, Антоние славне, всех российских монахов первоначальниче.

Вси святии земли Русской молите Бога о нас

Воспоим светло монашескаго общаго жития в Русстей земли устроителя, блаженнаго Феодосия, с ним и Нестора, достопамятных деянии списателя, и Алипия, живописания в России начальника.

Вси святии земли Русской молите Бога о нас

Рай мысленный еси, Печерская святая горо, умножившая духовная древеса, блаженныя отцы, ихже исчести по единому не могуще, о всех вкупе хвалу принесем Единому Владыце.

Вси святии земли Русской молите Бога о нас

Антоние, Иоанне и Евстафие, твердии исповедницы православныя веры, издревле в земли Российско-Литовстей насажденнии, молитвами вашими от зловредных иноверных мудровании соотчичей ваших и всех нас ограждайте.

Вси святии земли Русской молите Бога о нас

Ходатаи будите за отечество ваше земное, Афанасие преподобномучениче, и ты, отроче Гаврииле, научите убо и нас Православие дерзновенно исповедати и страха вражия не боятися.

Вси святии земли Русской молите Бога о нас

Да почтится Иов преподобный, Лавры Почаевския украшение, вкупе со всеми угодники и чудотворцы Волынскими, делы своими и чудесы облиставшии преславно земли нашея концы.

Слава…

Песньми священными восхвалим Афанасия, Цареградскаго святителя, свое благословение земли Российстей принесшаго и честныя своя мощи, яко залог единения со Вселенскою Церковию, нам оставльшаго.

и ныне.

Богородичен: Се время заступления Пресвятыя Богородицы прииде, умножившимся соблазном, се время наших к Ней воздыханий, о братие, рцем убо от всего сердца нашего: Владычице, Владычице, помози людем Твоим.

Катавасия…

Ектения.

Конда́къ, гла́съ 3. Подо́бенъ: Д ѣ́ва дне́сь.

П ре́жде непло́ды дне́сь Христо́ва Предте́чу ражда́етъ, и то́й е́сть исполне́ніе вся́каго проро́чества: Его́же бо проро́цы проповѣ́даша, на Сего́ во Іорда́нѣ ру́ку положи́въ, яви́ся Бо́жія Сло́ва проро́къ, проповѣ́дникъ, вку́пѣ и Предте́ча.

Икосъ:

В осхва́лимъ ны́нѣ Госпо́дня Предте́чу, его́же свяще́ннику Елисаве́тъ роди́ изъ ложе́снъ непло́дныхъ, но не безъ сѣ́мене: Христо́съ бо еди́нъ вмѣсти́лище про́йде непроходи́мо безъ сѣ́мене. Іоа́нна непло́ды роди́, безъ му́жа же сего́ не роди́; Іису́са же, осѣне́ніемъ Отца́ и Ду́ха Бо́жія, Дѣ́ва роди́ Чи́стая. Но Безсѣ́менному яви́ся отъ непло́дныя проро́къ и проповѣ́дникъ, вку́пѣ и Предте́ча.

Кондак святых, глас 3.
Подобен: Дева днесь:

Днесь лик святых, в земли нашей Богу угодивших, предстоит в Церкви и невидимо за ны молится Богу. Ангели с ним славословят, и вси святии Церкве Христовы ему спразднуют, о нас бо молят вси купно Превечнаго Бога.

Икос:

Едемскаго рая древеса доброплодная и красная явишася святии, цветы благовонныя учений и плоды дел творящии, от нихже души наша питаются и глад наш духовный утоляется, приидите убо, притецем под сень их и ублажим их, яко страны нашея отраду и украшение и яко жития образ нам и начертание, тии бо венцы прияша нетленныя от Превечнаго Бога.

Сѣда́ленъ, гла́съ 8. Подо́бенъ: П овелѣ́нное.

З аха́ріинъ гла́съ свѣ́тло разрѣши́ Словесе́ гла́съ ро́ждься, Предте́ча, и зако́на непло́діе всѣ́мъ показа́, зовы́й: пока́йтеся, су́щіи на земли́, се́ бо пріи́де и яви́ся Іису́съ, вся́ хотя́ изба́вити отъ пе́рвыя кля́твы, просвѣща́я Креще́ніемъ. Вои́стинну чу́до пресла́вно!

Я коже со́лнце свѣ́тло, изъ чре́ва Елисаве́ти возсія́ на́мъ Заха́ріинъ сы́нъ, и о́тчее разрѣши́ безгла́сіе, и всѣ́мъ лю́демъ въ дерзнове́ніи мно́зѣ, — испра́вите, — вопія́, — пу́ть Госпо́день, и́бо То́й свободи́тъ и спасе́тъ къ Нему́ притека́ющія. Его́же проповѣ́далъ еси́, Іоа́нне, моли́ спасти́ся душа́мъ на́шимъ.

Слава,

Нощней тьме огустевающей, умножается звездный блеск, и к тому очи заблуждших радостно возводятся. Тако и умножившейся на земли греховней тьме, возведем горе очи наши, братие, и, сияние духовных звезд, землю нашу озаряющих, узревше, к Небесному отечеству потщимся, егоже да не лишит Господь нас, грешных, молитвами святых Своих.

и ныне,

Притецем, вернии, к Божественней и цельбоносней ризе Спасителя нашего Бога, благоизволившаго сию плотию носити и на Кресте Святую Свою Кровь излияти, еюже искупи нас от работы вражия. Темже благодарственно вопием Ему: спаси Первосвятителя нашего и архиереи, Отечество наше и вся люди честною Твоею ризою защити и спаси души наша, яко Человеколюбец.

Дата добавления: 2015-09-06