Ирмос: В пещи отроцы Израилевы, якоже в горниле добротою благочестия, чистее злата блещахуся, глаголюще: благословите вся дела Господня Господа, пойте и превозносите во вся веки.

Иже волею вся творяй, и претворяяй, обращаяй сень смертную в вечную жизнь, страстию Твоею Слове Божий, Тебе непрестанно вся дела Господня Господа поим, и превозносим во вся веки.

Ты разорил еси сокрушение Христе, и окаянство, во вратех и твердынях адовых, воскрес из гроба тридневен. Тебе непрестанно вся дела яко Господа поют, и превозносят во вся веки.

Богородичен: Яже без семене и преестественне от облистания Божественнаго Рождшую бисера многоценнаго Христа, воспоим глаголюще: благословите вся дела Господня Господа, пойте и превозносите Его во вся веки.

Предтече Спасов Иоанне моли Бога о нас

З аконополо́жникъ ра́бъ бя́ше Моисе́й, Іису́съ же — Бо́гъ Завѣ́та Но́ваго, ны́нѣ же обои́хъ Предте́ча пое́тъ, я́ко хода́тай: вся́ дѣла́, благослови́те Госпо́дня Го́спода.

Предтече Спасов Иоанне моли Бога о нас

О тъ пу́ста чре́ва го́рлица пріи́де, я́ко богосажде́нная дубра́ва, ны́нѣ принесе́ Це́ркви Предте́чу Христо́ва и воспѣва́етъ: вся́ дѣла́, благослови́те Госпо́дня Го́спода.

Предтече Спасов Иоанне моли Бога о нас

Б огоно́сніи лю́діе, язы́къ свя́тъ, го́рлицѣ Христо́вѣй уподо́битеся и медото́чно воспо́йте, въ цѣлому́дріи живу́ще: вся́ дѣла́, благослови́те Госпо́дня Го́спода.

Пресвятая Троице Боже Наш слава Тебе

Тро́иченъ: Т ричи́сленнымъ свѣ́томъ озаря́еми, Несозда́нное Еди́ное Божество́, немо́лчными усты́ правосла́вно вопію́ще, почти́мъ: вся́ дѣла́, благослови́те Госпо́дня Го́спода.

Предтече Спасов Иоанне моли Бога о нас

П озна́лъ еси́, Предте́че, Ему́же поклони́лся еси́ пре́жде рождества́ и пре́жде пеле́нъ твои́хъ, Христа́ Жизнода́вца, и взыгра́ньми показа́лъ еси́ Сего́, Го́спода Твоего́ наре́къ, взаи́мъ взе́мъ ма́терній язы́къ къ пѣ́нію Христа́, Бо́га на́шего.

Предтече Спасов Иоанне моли Бога о нас

К онцы́ дне́сь вселе́нстіи предпра́зднуютъ, ра́дуются а́нгели и ду́си пра́ведныхъ, живу́щіи веселя́тся, уме́ршіи же па́ки, Іоа́нну ро́ждшуся, пріе́мше и́мъ про́повѣдь всѣ́хъ Спа́са Го́спода.

Предтече Спасов Иоанне моли Бога о нас

П одо́бяся дне́сь Іоа́нну, Іорда́нъ мо́крыми быстрина́ми игра́ше пресла́вно, слы́ша ражда́ема равноа́нгельнаго житіе́мъ отъ ста́рицы непло́дны, исправля́ющего пути́ и стези́ Госпо́дни и мíръ крести́вшаго.

Предтече Спасов Иоанне моли Бога о нас

Н ачерта́ дне́сь Заха́рія на досцѣ́ и́мя богонарече́нное проро́ка и Предте́чи, молча́ же воззва́: Іоа́ннъ да нарече́тся рожде́йся мнѣ́ на ста́рость. Подо́бно е́сть отъ обѣща́нія ро́ждшемуся стра́нное зва́ніе.

Пресвятая Богородице спаси нас.

Богоро́диченъ: К рѣ́пко утѣше́ніе и непосты́дну наде́жду, стѣ́ну необори́му и боже́ственно предста́тельство лю́діе Твои́ и́мутъ Тя́, и́же Тя́ сла́вятъ, Дѣ́во, и, спаса́еми, зову́тъ прилѣ́жно: благослови́те, вся́ дѣла́ Госпо́дня, непреста́нно Го́спода

Вси святии земли Русской молите Бога о нас

Красуйся, граде Казань, имея молитвенники своя, преподобных святителей Гурия, Варсонофия и Германа, отгнавших от тебе тьму неверия, и Иоанна мученика, и Стефана, и Петра, отеческое нечестие оставивших и мученически в Небесное отечество прешедших.

Вси святии земли Русской молите Бога о нас

Священнаго Писания от юности научився, богоносе Стефане, ралом словес твоих оляденевшая зырянских людей сердца возделал еси и Божественное семя в них всеял еси. Ныне же вкупе со святыми продолжатели дела твоего Герасимом, Питиримом и Ионою паству вашу и всю Русскую землю молитвами вашими ограждайте.

Вси святии земли Русской молите Бога о нас

Веселися, Сибирская страно, в тебе бо Господь яви угодники Своя: праведнаго Симеона Верхотурскаго, и Иркутския святители Иннокентия и Софрония, и Иоанна Тобольскаго, новыя дивныя светильники и чудотворцы.

Вси святии земли Русской молите Бога о нас

Радуйся, Иверие и вся земле Грузинская, торжествуй, Армение, воспевающи равноапостольную Нину и Тамару, Григория Просветителя и иных многих, в странах Кавказских веру православную исповедавших и ныне о земнем отечестве Христу молящихся.

Вси святии земли Русской молите Бога о нас

Иерарше Богомудре Димитрие, житий святых списателю и подражателю оным ревностный, славы оных молитвами твоими соделай нас общники.

Вси святии земли Русской молите Бога о нас

Святителю отче Митрофане, первый Воронежу пастырю, мужество велие явивый, прещения царева и смерти не убоявыйся и в простоте душу свою спасый, моли Бога о нас.

Благословим Отца и Сына и Святого Духа Господа.

Яко пчела, мед сладкий от цветов скороувядающих собрал еси, отче Тихоне, от тленнаго мира духовное сокровище, имже всех нас услаждаеши.

И ныне.

Богородичен: Заступницу усердную восхвалим и честному Ея поклонимся образу, имже в новопросвещенней стране правоверие утверди и в годину лютую матерь русских градов спасе. Сей и града святаго Петра великое сокровище, и всея земли нашея преславное богатство.

Хвалим, благословим…

Дата добавления: 2015-09-06