Ирмос: Твоя победительная десница боголепно в крепости прославися: та бо безсмертне, яко всемогущая, противныя сотре, израильтяном путь глубины новосоделавшая.

Припев: Слава Господи святому Воскресению Твоему.

Тропарь: Иже рукама пречистыма от персти богодетельне исперва создав мя, руце распростерл еси на кресте, от земли взывая тленное мое тело, еже от Девы приял еси.

Умерщвление подъял еси мене ради, и душу смерти предал еси, Иже вдохновением божественным душу ми вложивый, и отрешив вечных уз, и совоскресив нетлением прославил еси.

Богородичен: Радуйся благодати источниче, радуйся лествице, и двере небесная, радуйся свещнице, и ручко златая, и горо несекомая, Яже Жизнодавца Христа мiрови рождшая.

Предтече Спасов Иоанне моли Бога о нас.

Я ко у́тро благолѣ́пно, Со́лнца предтекíй, непло́дныя прозябе́ніе проповѣ́даетъ я́вѣ Дѣ́вы Рождество́, все́й ны́нѣ вселе́ннѣй сія́етъ конце́мъ просвѣще́ніе благоче́стія и благода́ти.

Предтече Спасов Иоанне моли Бога о нас.

П роро́къ Вы́шняго и́стинно нарече́шися, преды́деши бо предъ лице́мъ Христа́, — вопіе́тъ тебѣ́, сы́ну, Іоа́нне прехва́льне, Ду́хомъ Заха́рія Пресвяты́мъ носи́мь, — пу́ть угото́вати Зижди́телю.

Предтече Спасов Иоанне моли Бога о нас.

Г лаго́лы Гавріи́ла Заха́рія слы́шавъ, вѣща́нія боже́ственнаго, яви́ся непокори́въ, и молча́ніемъ осужда́ется, рѣши́тся же внеза́пу отъ сего́: гла́съ бо роди́ся Сло́ва, Іоа́ннъ Предте́ча.

Пресвятая Богородице спаси нас

Г ра́дъ Бо́жій, Всецаря́ Богопрія́тное селе́ніе, сокро́вище честно́е, Богоро́дице Пренепоро́чная, сохрани́ достоя́ніе Твое́, при́сно восхваля́ющее Тя́ и чту́щее вѣ́рою Рождество́ Твое́.

Предтече Спасов Иоанне моли Бога о нас.

М олча́ніе ста́рчо зако́ннаго писа́нія о́бразъ но́ситъ та́инъ. Ибо, прише́дши благода́ти, Моисе́й умолча́: подоба́ше бо, прему́дрости сокро́вищу я́вльшуся, всѣ́мъ молча́ти.

Предтече Спасов Иоанне моли Бога о нас.

В ъ це́ркви кадя́щу свяще́ннику, а́нгелъ предста́ свы́ше, вопія́: стра́нна рождества́ благовѣ́стіе, пріидо́хъ, тебѣ́ нося́, ста́рче: пріи́меши бо отъ непло́дове рожде́нія пло́дъ, Крести́теля Христо́ва.

Предтече Спасов Иоанне моли Бога о нас.

Ч то́ удиви́лся еси́, ста́рче? Что́, не вѣ́руя, стои́ши, глаго́лющему тебѣ́ сія́? Ангелъ бо е́сть вѣща́яй, а́ще и о́бразъ но́ситъ человѣ́чь. Бу́ди нѣ́мъ у́бо на вре́мя, да́же до рождества́ Сло́ва гла́са.

Предтече Спасов Иоанне моли Бога о нас.

И же молча́ніе Заха́ріино, молча́нію положи́въ о́бразъ зако́ну напи́санному и тѣ́мъ показа́въ ми́ покая́нія проповѣ́дника зову́ща, гла́са вопію́щаго подава́етъ, непло́дствующей сы́на.

Предтече Спасов Иоанне моли Бога о нас.

О, пресла́вныхъ веще́й Христо́ва Предте́чи! Иже, пре́жде пеле́нъ позна́въ плени́цы на́ша Разрѣ́шшаго и наро́ды Освя́щша, дне́сь, отъ Елисаве́ти роди́вся, разрѣша́етъ отцу́ гла́съ.

Пресвятая Богородице спаси нас

Т я́, Бо́жіе вмѣсти́лище и мы́сленную лѣ́ствицу, е́юже сни́де Бо́гъ и, вообра́жься, на́ше у́бо существо́ на небеса́ возведе́, вси́ я́ко спасе́нію Хода́таицу восхваля́емъ.

Вси святии земли Русской молите Бога о нас.

Вси в песнех духовных воспоим согласно во благочестии просиявшия Божественныя отцы наша, яже изнесе Русския земли всяко место и страна и яже Церковь Русская воспита.

Вси святии земли Русской молите Бога о нас.

Радуйтеся, святителие седмочисленнии: Василие, Ефреме, Евгение, Елпидие, Агафодоре, Еферие и Капитоне, в Херсоне епископствовавшии и землю нашу кровьми своими освятившии.

Вси святии земли Русской молите Бога о нас.

Приидите, мучениколюбцы вернии, песньми почтим первомученики русския, Феодора и юнаго Иоанна, идолом не послужившия и крови своя за Христа давшия.

Вси святии земли Русской молите Бога о нас.

Величие наше и похвала ты еси, Ольго Богомудрая, тобою бо свободихомся от бесовскаго прельщения, не престай и ныне молити за люди, яже Богу привела еси.

Вси святии земли Русской молите Бога о нас.

Радуйся и веселися, рабе Христов, княже великий и мудрый Владимире, просветителю наш, тобою бо избавихомся от душепагубнаго идолослужения, темже, радуйся, вопием тебе.

Вси святии земли Русской молите Бога о нас.

Сияет, яко звезда на небеси, Божий иерарх Михаил, землю Русскую просветивый светом познания Божественныя веры и Владыце приведый люди новы, банею крещения обновленны.

Слава…

О блаженнии страстотерпцы Христовы, князие Борисе, Глебе, и Игоре, и Михаиле с болярином Феодором! Не забудите отечества вашего, глад и озлобление отгоните, от грехопадений междоусобий избавите ны.

И ныне…

С чинми ангел, Владычице, со пророки, и апостолы, и со всеми святыми за ны, грешныя, Богу помолися, Твоего Покрова праздник в Российстей земли прославльшия.

Катавасия: Отверзу уста моя:

Дата добавления: 2015-09-06