Ирмос: Образ чистаго Рождества Твоего, огнепалимая купина показа неопальная: и ныне на нас напастей свирепеющую угасити молимся пещь, да Тя Богородице непрестанно величаем.

О како, людие беззаконнии и непокоривии, лукавая совещавше, гордаго и нечестиваго оправдиша: Праведнаго же на древе осудиша Господа славы, Егоже достойно величаем!

Спасе Агнче Непорочне, Иже мiра грехи вземый, Тебе славим воскресшаго тридневно, со Отцем и Божественным Твоим Духом, и Господа славы: Егоже богословяще, величаем.

Богородичен: Спаси люди Твоя, Господи, ихже стяжал еси честною Твоею кровию, церквам Твоим подая мир, Человеколюбче, Богородицы молитвами.

Предтече Спасов Иоанне моли Бога о нас

С е́ гла́съ Предте́чи непло́днымъ и пусты́мъ предста́ сердца́мъ вопію́щь: пу́ть Христо́въ ны́нѣ угото́вите, я́ко во сла́вѣ гряде́тъ, Ему́же повину́ющеся, велича́емъ.

Предтече Спасов Иоанне моли Бога о нас

Я коже дре́вле Ду́хомъ Пресвяты́мъ я́вѣ проповѣ́далъ еси́ Сы́на, Предте́ча, Агнца Бо́жія, мíра взе́млющаго грѣхи́, ста́ду твоему́ согрѣше́ній разрѣше́ніе испроси́.

Пресвятая Троице Боже Наш слава Тебе

Тро́иченъ: Е ди́ницу Тричи́сленную, Тро́ицу Единосу́щную, правосла́вно пою́ще, вѣ́рніи, просла́вимъ, богодѣ́тельнѣ на́съ озаря́ющую и свѣтлостьми́ незаходи́маго свѣ́та исполня́ющую ду́ши на́ша.

Пресвятая Богородице спаси нас

Богоро́диченъ: В сѣ́ми влады́чествующая творе́ніи, лю́демъ Твои́мъ да́руй побѣ́ду одолѣ́нія, непокори́ваго подложи́ подъ но́зѣ их: да Тя́ я́ко Богоро́дицу велича́емъ.

Предтече Спасов Иоанне моли Бога о нас

В ъ тебѣ́ вели́кое се́ и пресла́вное Бо́гъ сотвори́ зна́меніе, свяще́нниче: по ста́рости бо сы́на и по умерщвле́ніи удо́въ ражда́еши Предте́чу.

Предтече Спасов Иоанне моли Бога о нас

Д а слы́шатъ непло́ды и да воспою́тъ Бо́га, се́ бо Елисаве́тъ вопіе́тъ: по ста́рости сы́на и по умерщвле́ніи удо́въ ражда́ю Предте́чу.

В есели́ся, Заха́рія, и ра́дуйся ны́нѣ о Бо́зѣ: се́ бо Елисаве́тъ сосцы́ пита́етъ по ста́рости сы́на и по умерщвле́ніи удо́въ ражда́етъ Предте́чу.

Предтече Спасов Иоанне моли Бога о нас

С ла́ва Да́вшему непло́днѣй по ста́рости пло́дъ, ста́рцу и проро́ку сы́на, гото́вяща Ему́ лю́ди соверше́нны, боже́ственнаго Предте́чу.

Пресвятая Богородице спаси нас

Богоро́диченъ: В ъ Тя́ всели́вся, Иже въ нѣ́дрѣхъ сы́й Оте́ческихъ роди́ся безъ стра́сти и тли́ и приведе́

Вси святии земли Русской молите Бога о нас

О благий просветителю и тихий ангеле Церкве Тамбовския, святителю Питириме, веселися о пастве твоей и всея Руси, в ней бо новая и вечная радость процвете, преподобный Серафим, дивный трудник спасения нашего.

Вси святии земли Русской молите Бога о нас

О святителие Богомудрии Феодосие и Иоасафе, дивным нетлением от Господа прославленнии! Вами возвеличени есмы и мы, чада суще Церкве Православныя, в нейже и доныне Господь чуная являет и рабов Своих прославляет.

Вси святии земли Русской молите Бога о нас

О новый чудотворче, Иосифе, святителю и мучениче! Град Астрахань и вся Поволжская страна тобою хвалится и почитает тя, за правду от неверных мятежников люте пострадавша.

Вси святии земли Русской молите Бога о нас

О, паче слова и превыше похвал святых страстотерпцев подвига! Злобу убо лютых отступников и наглое иудейское неистовство претерпеша, веру Христову противу учений мира сего, яко щит, держаще и нам образ терпения и злостраданий достойно являюще.

Вси святии земли Русской молите Бога о нас

О, твердости и мужества полка мученик Христовых, от хинов лютых за Христа убиенных! Тии бо Церковь Православную украсиша и в стране своей крови своя, яко семя веры, даша, и купно со всеми святыми достойно да почтутся.

Вси святии земли Русской молите Бога о нас

О велицыи сродницы наши, именованнии и безыменнии, явленнии и неявленнии, Небеснаго Сиона достигшии и славу многу от Бога приимшии, утешение нам, в скорби сущим, испросите, веру нашу падшую возставите и люди расточенныя соберите, от нас, яко дар, песнь благодарения приемлюще.

Слава.

Троичен: О Троице Честная, приими, яже Россия приносит Ти, яко начатки и яко фимиам избранный, вся угодившия и прежде, и послежде в ней, знаемыя и незнаемыя, и молитвами их от всякаго вреда сию сохраняй.

И ныне.

Богородичен: О Дево Благодатная, грады и веси наша честнаго лика Твоего изображении, яко благоволения знамении, обогатившая, благодарение наше приими и от бед лютых отечество наше избави, вси бо Тя, яко Покров всемощный страны нашея, величаем.

Дата добавления: 2015-09-06