Глас 4, Песнь 1

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

Иисусе Преблагий, Слове Божий,/ даждь нам слово да восхвалим достойно Рождшую Тя./ Днесь бо Царица Небесная в обитель Миасинскую верные созывает/ и, духовно торжествующим,/ от иконы Своея токи чудес источает,/ напастей и бед свобождая.

Воспети пречистыя иконы Твоея явление/ сподоби нас, Владычице, грешных Спасение./ Пений наших хвалебных, Тебе возносимых,/ не презри, Ходатаице благ вечных./ Молитвы раб Твоих приими,/ в болезнех, нуждах и печалех скорую Твою помощь нам ниспосли,/ Ты бо еси всех благ Подательница.

Слава: Избранник Твой, Госпоже, Акакий Мелитинский/ языческие капища разгроми в земле Миасинстей,/ обитель во имя Твое создал еси,/ и тамо множество иноков собрал еси./ Моления пред образом Твоим творя,/ достигл еси Чертогов Царя./ Тако и нас, певцев Твоих,/ не лиши Даров Твоих,/ Ты бо еси всех благ Подательница.

И ныне: Егда нечестие иконоборцев посрамила еси/ и по мнозех летех образ Твой, Пречистая, во езере Азурстей сокрытую, невредиму явила еси,/ тогда собор верных со славою его сретоша/ и в храме Миасинстем паки его положиша./ Темже, покланяющеся иконе Твоей, благодарственно вопием Ти:/ Ты еси всех благ Подательница.

Песнь 3

Ирмос: Твоя песнословцы, Богородице, живый и независтный Источниче, лик себе совокупльшия, духовно утверди, в Божественней Твоей славе венцев славы сподоби.

Ныне вся исполнишася радости/ обретением иконы Твоея святыя, Пречистая Мати,/ светом Божественным сияющая,/ и вечную сладость от Лика Твоего нам недостойным изливающая./ Благомощную Твою молитву о нас ко Господу вознеси,/ во еже спастися нам.

Скорбные сердца в Миасине иночествующих/ иконою Твоею чудною возвесилившая, о, Радосте скорбящих!/ В подвигах пустынных их укрепившая/ и чистоту душ их возлюбившая./ Тако и наши души освяти и на подвиг нас грешных вдохнови/, во еже спастися нам.

Слава: Видяще Тя, Мати Заступнице,/ на иконе Tвоей чудоточной,/ во объятиях Сына Божия держащую/ и за люди тепле молитву творящую,/ помощь благодатную подающую/ и кающиеся к жизни вечной приводящую,/ с сердцем сокрушенным припадаем Ти и умильно вопием:/ о Всепетая, моли спастися нам.

И ныне: К Твоей, Дево, благости прибегаем/ и упование наше на Тя возлагаем,/ очи сердец наших к Тебе, Чистая, возводим,/ и Матернего предстательства Твоего просим./ Восхоте бо Господь сотвоpити Тя людем Ходатаицy/ и за мир весь теплу Молитвенницу,/ О, Мати, Грешных к Небу Воззвание,/ моли спастися нам.

Дата добавления: 2015-09-05