Компаниялардың дивидендтік саясатын әзірлеу тәсілдері және оны қалыптастыру

Дивидендтік саясатты қалыптастырудың мынадай негізгі теориялық бағыттары бар:

1. Дивидендтердің тәуелсіздік теориясы. Бұл бағыт бойынша дивидендтер мөлшері акционерлердің жалпы әл-ауқатына әсер етпейді деп саналады, яғни дивидендтер төлеу пайданы қайта қаржыландырудың барлық мҥмкіндіктері қарастырылғаннан кейін ғана жүзеге асырылуы тиіс.

2. Дивидендтердің артық көріну теориясы. Дивидендтік саясаттың аталған бағыты бойынша инвесторлар тәуекелді мейлінше төмендету мақсатында ағымдағы дивидендтік төлемдерді болашақта мөлшері жоғары болатын дивидентерден немесе акционерлік капиталдың мүмкін өсімінен артық көреді. Бұл бағыттың негізгі өкілдері М.Гордон мен Д.Линтнер.

3. Дивидендтерді мейлінше азайту теориясы. Бұл теорияға сәйкес дивидендтік саясаттың тиімділігі акционерлердің ағымдағы және алдағы кезеңдегі табыстарынан төленетін салықтық төлемдерді төмендетуге негізделеді.

Компанияның қаржылық менеджментін ұйымдастыру қағидаттары және мәні

Қаржылық менеджмент - бұл шаруашылық субъектілердің қаржылық құралдарының қозғалыс процесінде туындайтын, қаржылық қатынастардың қозғалысын бақылау.

Қаржылық менеджмент - бұл ақша ағымдарын басқаруға және тиімді қаржылық шешімдерді табуға мүмкіндік беретін, кәсіпкерлікті қамтамасыз ететін қаржылық стратегия және тактика.

Қаржылық менеджмент функциялары:

Ұдайы өндірістік - ол кәсіпорынның қысқа және ұзақ мерзімді активтеріне қаржылық салымдар.

Өндірістік - кәсіпорын қызметінің қаржылануы және ақша қорларының пайда болуына кәсіпорынның өндірістік коммерциялық қызметінің бақылануы болып келеді.

Бақылау - ол қаржылық ресурстардың қолдануындағы ақша қорларының бақылануы.

Қаржылық менеджменттің негізгі принциптері:

Жоспарлық және жүйелік

Мақсатты бағытталу

Әртараптану (диверсификациялану)

Стратегиялық өркенделу

Қаржылық менеджмент қаржы теориясының шегінде дамыған өзара байланысты фундаменталды концепциялар негізінде қалыптасады. Концепция (лат. тілінен conception – түсіну, жүйе) қандай да бір құбылысты түсіндіру мен сипаттаудың анықталған тәсілдерін білдіреді. Концепция немесе концепция жүйесінің көмегімен белгілі бір құбылыстың сипаттамасы беріледі, оның мәні мен даму бағытын анықтайтын белгілі бір конструктивтік шектеулер қойылады. Қаржылық менеджментте келесі концепциялар негізгілер болып табылады: ақша ағыны, қаржылық ресурстардың уақытша құндылығы, тәуекел мен табыстылық арасындағы ымыраластық (компромисс), капитал құны, капитал нарығының тиімділігі, ақпараттың асимметриялық, агенттік қатынастар, альтернативті шығындар, шаруашылық субъектісінің мерзімді жұмыс істеуінің шектелмеуі.

Дата добавления: 2015-08-09