О родстве убо сице 10 страница

Закон положен[3532] есть, паче же не мы положихом, да не будет. Не нарицайте бо, рече, учителя на земли, закон положил есть Христос, да никому же будет клятися. Обаче же аще хощеши, (л. 850)[3533] то кленися сам собою, не противу Христу законополагая, глаголю. Да не будет, рече, вам еже ей, ей и еже ни, ни, но сходяй вам, да паче на сие вас приведут и обычая отведу мучительскаго, колицы во иных благоискусни бывающе погибоша от сих вещей.

Хощете ли навыкнути, чесо ради прощаху древним клятися? Клятвопреступати бо ниже онем прощено бысть, понеже идолми кленяхуся, не срамлясте ли ся в сих пребывающе законех, в них же наставляхуся, немощни суще. Тем же великим и светлым гласом[3534] проповедаю всем и засвидетельствую, яко законопреступление сие (л. 850 об.)[3535] показующих, иже яже суть от лукаваго вещающих. Сие бо есть клятва, на праги не ступати церковныя, но нарок вам да будет месяц сей настоящий, дабы исправити. Да не убо ми речеши, яко нужда мя вещей принуждает, яко не веруем есмь, прежде от обычая кленущихся отсецы, вем, яко мнози посмеются нам. Но лутче нам посмеяном быти ныне, нежели горети тогда, посмеют же ся, елицы беснуются. Кто бо, рцы ми, ум имея, соблюдаемей заповеди, посмеется? Аще же убо и посмеются, но не нам, но Христу таковии посмеются. Содрогосте ли ся о реченнем? Вем (л. 851)[3536] и аз, и аще убо аз закон сей введох, мой был бы смех. Аще же законоположник есть другии, то тамо преходит на хухнание[3537] сие и заплеван бысть иногда Христос[3538] и по ланитома ударен бысть и заушен бысть. Терпит и ныне сия и ничто же не в лепоту.

Сего ради геена уготована бысть, сего ради червь нескончаемыи. Се паки глаголю и засвидетельствую, иже кто хощет, да смеется, иже хощет, да ругается. На сие предлежим, воеже насмеваемом быти и наругаемом, воеже вся пострадати. Отреби миру есмы, по блаженному апостолу: Аще кто не хощет исправити сие повеление, (л. 851 об.)[3539] якоже трубою некоею словом сим заповем, на враги не вступати церковныя таковому, любо и князь был бы, любо и сам той, иже диядиму на себе носяй и престолом царским красяся, и сия слышав, не терпят, но отскачют. Но лучше есть един творяй волю Господню, нежели тмы законопреступных, от сего бо вся превратишася, вся горе и долу быша, зане якоже на позорищах множества народа желаем, а не множества искусна. Что бо народ, рецы ми, возможет ползовати? Хощеши ли навыкнути, яко народ святии суть, а не иже мнози? Изведите на брань сто тем и единаго (л. 852)[3540] святаго, и увидим, кто множае исправил бы. Изыде Иисус Навгин на брань и сам вся исправил есть, а инии ничто же ползоваша. Мног народ, егда воли Божией не творит, ничим же разньствова от не сущих.

Пристанище[3541] воистинну не блазнено, еже не клятися. Пристанище, воеже не погружатися от сопротиво нападающих ветров, аще бо и гнев, аще и налог, аще и ярость превоспалит, и аще что любо буди, душа во известии устроена бывши, и тако ниже бы произнесла что от недолжных изрещися, не бо в нужди устроил есть себе, ниже в законе.

Зри, что клятвы ради сотвори Ирод, (л. 852 об.)[3542] главу усече Предтечеву[3543]. Клятвы бо ради, рече, и совозлежащих с ним не восхоте ю отринути.

Что клятвы ради пострадаша племена[3544] от племени Вениаминов?

Что клятвы ради пострада Саул[3545], ов убо клятвопреступил есть? Ирод и клятвопреступления горше содела убийство. Паки Иисус Навгин клятвы ради о гаваонитянох якова пострада. Веси, сатанинская бо есть воистину сеть, еже клятися. Тем же да расторгнем сиа ужа и во удобстве устроим себе всякого хранениа, да сподобимся от сатанинския сия сети, бояся владычни заповеди.

(л. 853)[3546] Помяни, что пострада Анания, во своих обетех солгав. Тем же, иже солгавшии, токмо таковая пострадаху[3547], а иже и клятвопреступающии, что не постраждут? Паче же аще просте рекшия жена, ей, на то лице, толику подъят казнь и не отбеже. Помыслите, крест целующи в клятве и клятву преступающии, коего будут достойни мучения? Аще ли же убегаем кленущиися да не дерзаем, на наше бо зло сие бывает, ельма что не пщуете колицы по Анании и Сапфире, таяжде онем дерзнуша, а на таяжде пострадаша. И како, рече, не пострадаша, не понеже (л. 853 об.)[3548] простися им, но понеже на болшее соблюдаеми зло. Тем же иже многая согрешающии, не мучими паче, нежели мучими боятися и трепетати должни. Возрастают бо им томления, не томления ради и долготерпения Бодия. Елма многия бывают ныне, якоже при потопе[3549], но потоп не бывает, имут бо потоплени быти во тме кромешней и томлением. Мнози согрешают, якова же содомляне, но огненный не сниде дождь, огненная убо есть уготована река. Мнози фараонитская дерзнуша[3550], но не пострадаша яже фараон, ниже потоплени быша в Чермном (л. 854)[3551] мори, пучина бо их ожидает бездны, идеже не с нечествием томление, ниже потопитися мощно есть, но на множае мучимым.

Мнози[3552] вояже израильтяны согрешенная дерзнуша, но не угрызахут и змия, ожидает бо их червь нескончаемый. Мнози[3553] Гиезиева дерзаху, но прокажени не быша, ожидает бо их вместо проказы, еже полма растесаном быти и положитися с лицемеры. Мнози кляхуся и клятвопреступиша, аще же и убегоша, да не дерзаем, ожидает бо их скрежет зубный, но и зде негли постражут и не имут убегнути, аще и не абие ту, но (л. 854 об.)[3554] во иных гресех, даже лютейшее томление будет. Помысли яже о Сауле, иже собеззаконова жертвова и священники поби, яже о Соломоне, иже отступи от Господа Бога, Иеровоам и Ахав, Занауфея и прочих царех беззаконнующих, аще и не абие противу греха прещение и муку прияша, но последи лютейшую. И сие ради бывает, дает ти Бог нарок, да тако отмыешися. Егда же единаче пребываеши, наводит прочее томление. Видесте ли, что пострадаша лжущии? Тем же помыслите, что постраждут и клятвопреступающии. Помы(л. 855)слите[3555] и отступите, несть кленущемуся спастися, довлеет едино клятвопреступление все содеяти и все целу нам муку навести. И сия до зде златословеснаго наказания.

Да ты же пишешь в 12 главе в 10 статье: Да и в выписях ко крестному целованью сию статью ис правил святых апостол и святых отец по всем судным делам писати и велеть тое статью у крестнано целования подьячим вычитать исцам и ответчикам при многих людях вслух, чтобы про то всякие люди ведали, как про крестное целование в правилех святых апостол и святых отец написано.

(л. 855 об.)[3556] Зде чюдитися твоему безумию достоит, солгав на Бога и на святыя апостолы и святыя пророки и святыя отцы, не постыдеся своим безумием. Да и в выписях ко крестному целованью сию статью ис правил святых апостол и святых отец по всем судным делам писати и велеть тое статью у крестнаго целования подьячим вычитать исцам и ответчикам при многих людях вслух, чтобы про то всякие люди ведали и яко втораго Июду предателя со всем твоим преданием прокляли по правилом[3557]. Да и иные бы на то смотря, к тому не дерзали, на Божественныя заповеди и святых апостол и святых отец каноны лгати. Аще не истину (л. 856)[3558] глаголю, буду подобен тебе ложь. Покажи, в которых правилех святых апостол и святых отец писано про крестное целование, да видим. Аще ли же не укажешь, достойно и праведно евангельски суд тебе нанести по писанному: Горе миру о соблазне, им же соблазн приходит. И прочее. Или якоже Павел соблудившаго с мачехою преда сатане, да дух спасется. Ты же множае и сего, не мачеху, но сущую матерь, рождьшую тя Духом Святым, святую соборную апостольскую церковь обесчести, юже искупи Хритос Бог не ценою сребра и злата, но честною своею и пречистою кровию, и обручи ю себе в невесту. (л. 856 об.)[3559] Якоже показа един от седми аггел Иоанну Богослову[3560]: Прииди, да покажу ти невесту, агньчу жену. Брак же агньчии церковное ко Христу глаголет совокупление и смешение, его же строители Божествении быша апостоли. Чрез них же ей обручение дадеся духовное, яко восприемлющии тогда лицем к лицу чисто и святое сего смешение. Добре же невесту агньчю жену глаголет.

Егда[3561] бо яко агнец заклан бысть Христос, тогда ю своею кровию уневести. Якоже бо Адаму спящу[3562], создана бысть жена отъятием ребра, суще и Христу на кресте волею чрез смерть уснувшу, излия(л. 857)нием[3563] крови из ребра, церковь состоящаяся есть, уязвленому сочтася. Якоже и Павел[3564], Божественный апостол, явно о сих творит слово, глаголя: Мужие, любите своя жены, якоже и Христос возлюби церковь и себе предал есть за ню, да очистит ю и святит банею водною глаголом, да представит ю себе славну церковь, не имущую скверны или порока или нечто от таковых, но да есть свята и непорочна.

Зриши ли церковь и что есть церковь, и како ю Христос себе обручи и очисти, то ты почто олюбодействова ю и вся святыя ея законы разврати и обесчести и главу (л. 857 об.)[3565] ея, Христа, уничижы и преобиди? Якоже апостол глаголет: Занеже муж есть глава жены, якоже и Христос глава церкви и той есть спаситель телу. Господу учащу и засвидетелствующу: Якоже хощете, да творят вам человецы, и вы творите им такожде.

Хощеши ли, дабы раб твой олюбодействовал жену твою, аще и ничто же люто пострадал еси ея ради, ниже кровь свою пролиял, якоже Христос, чтобы не помыслил еси таковому неправедному и злому рабу сотворити. Мню, яко никако бы попустил еси жити таковому, якоже древнии закон повелевает (л. 858)[3566] таковых камением побивати, тако и Градскии закон смертию казнити. Ты же царскую и агньчю жену любодействова, не имущу скверны или порока или некое от таковых, мниши ли ся без мук быти? Ей, имаши тмами мучен быти во веки веком, якоже и Божественный Златоуст глаголет: Завидяй[3567], з Богом ратуется, а не со онем. Егда увидиши благодать имущаго и болезнуеши и хощет низложити церковь, не со онем ратуется, но з Богом. Рцы бо ми, аще кто украсил отроковицу цареву и благоискуствовал, украшая ю и честну соделоваяй, (л. 858 об.)[3568] ин же некто хотел бы сию безобразити, не возмогл бы он и немощну бывшу украсити ю, коего бы наветовал сего, или оную и отца ея? Такожде и ныне ты, завидяй, ратуешися с церковию, на Бога ополчаешися, понеже бо благоискуству братнему соплетеся и церковная полза, нужда сему раздрушающуся и оной разорится. Тем же по сему дело сатанинско твориши, наветуяй на тело Христово, много паче на Христа. Якоже бо и тело и глава един есть человек, тако и церковь и Христа едино быти глаголет[3569].

Послушай, откуду церковныя законы привзошли (л. 859)[3570] суть, свыше суть, от Бога же приходит[3571] и с небес вещает. Или не веруете, яко от Бога суть сия глаголемая? Послания суть от Бога, основания же стены блажении суть апостоли[3572], на них же Христова церковь основана бысть. Стена же церковная Христос есть. И почто убо раскопываеши и разрушаеши стену церкви Христа? Светило церкви Христос, почто ты тма сый погашаеши, на камени бо создана есть. Ей же, и врата адова не одолеют[3573]. Откуду убо истина разума сего и пророчества явна есть, како не одолеша адова церкви, како же всегда с нами есть Христос. Не бо, аще бы не был с нами (л. 859 об.)[3574] Христос, одолела бы церковь. Како Евангелие простреся повсюду по вселенней, должни же суть и иже на ны рекшии древность свидетельствовати книгам, иже о Келсе и Ватанеоте и сущем по оном, не бо, иже по них сложеным супротив глаголаху[3575]. И како же и вселенная вся единогласно приемши то, и аще бы не была Духа благодать, не бы толико было согласие от конец в концы земли, но пленени были быша скоро притворяющии и не толика исправления от прелести и лжи составишася. Или не зриши вселенную всю приступльшую прелесть разоренну, не бо от нас точию днесь славится, (л. 860)[3576] но свыше от Бога и от аггел и от отца.

В[3577] месяц же шестый послан бысть аггел Гавриил от Бога во град галилийский, ему же имя Назареф, к девей, обрученней мужеви, ему же имя Иосиф, от дому Давидова[3578], и имя девей Мариям. И вшед к ней, аггел рече: Радуйся, обрадованная, Господь с тобою, благословена ты в женах. Она же видевши, смутися о словеси его и помышляше, каково будет целование се. И рече аггел к ней: Не бойся, Мариям. Обрете бо благодать от Бога. Таже аггел от пророк свидетельствует девей, глаголя, иже Исаия прорече: И[3579] се зачнеши во чреве и родиши сына и наречеши имя ему Иисус. Сей будет (л. 860 об.)[3580] велии и сын Вышняго. и даст Господь Бог престол Давида, отца его, и воцарится[3581] в доиу Ияковли вовеки, и царствию Его не будет конца.

Слышал еси аггела, свидетельствующа от пророк? Сей велии наречется. Ты же како умаляеши? И паки рече аггел: И царствию Его не будет конца. Ты же для чево царство Христово скончал своим беззаконным изложением и на всех власть князя мира сего утвержаеши? Не слышал еси аггела Божия, яко князь мира сего прейде, а иже ин никто же приходяй, разве антихриста. Якоже и Богослов свидетелствова, рече о вас. И ныне, рече, антихристи мнози.

(л. 861)[3582] Таже паки рече Мариям ко аггелу: Како будет се, идеже мужа не знаю? И отвещав, аггел рече ей: Дух Святый найдет на тя и сила Вышняго осенит тя. Тем же и раждаемое свято наречется Сын Божии. И по мале. Яко не изможет от Бога всяк глагол.

Такожде и в Матфеи речеся[3583]: Сия же ему помыслившу, се аггле Господень во сне явися ему, глаголя: Иосифе, ыну Давидов, не убойся прияти Мариам, жены твоея, рождьшее бо ся в ней от Духа есть Свята. Родит же сына и наречешеи имя ему Иисус. Той[3584] бо спасет люди своя от грех их. Се же все бысть. Да збудется реченное от Господа пророком, глаголющим: (л. 861 об.)[3585] Се девая во чреве приимет и родит сына, и нарекут имя ему Еммануил, еже есть сказано "с нами Бог".

Тебя ли единаго не спасет Христос Бог или несть с тобою Бог? Паки инде пишет: Приидет[3586] от Сиона избавляяй и отвратит нечестие от Иякова. И Отец свыше свидетельствова: Сей есть Сын Мой возлюбленный, о Нем же благоволих. Ты почто паки вводиши? Или не слышал еси, якоже пишет[3587]: Кончина закону Христос. И паки инде пишет: Тем[3588] же закон пестун нам есть во Христа. Хощеши ли, да покажем ти и о апостолех пророческое свидетельство, яко не точию Христа (л. 862)[3589] подобает прияти, но и святых ученик его и апостол. Исаия глаголет[3590]: Коль красны ноги благовествующих мир, благовествующих благая, но не вси послушаша благовествования их. Паки Исаия глаголет[3591]: Господи, кто верова слуху нашему? И паки Давид глаголет[3592]: Во всю землю взыде вещание их и в концы вселенныя глаголы их. И посла своя рабы с высоким проповеданием. И Господь глаголет: Се Аз посылаю вас. Шедше в мир весь, проповедите Евангелие всей твари. И инде рече: Се Аз посылаю вас, яко овцы посреде волков. И апостол глаголет: Како же услышат бес проповедающаго. Како же проповедят, аще не послани будут[3593]? (л. 862 об.)[3594] А яже тем, не ин кто посла и повеле засвидетельствовати, но сам Господь Бог, глаголя: Но[3595] приимите, рече, силу, нашедшу Святому Духу на вы и будете ми свидетели во Иерусалиме же и во всей Июдеи и Самарии, даже и до последних земли. Рече[3596] же им: Сии суть словеса, яже глаголах вам, еще сый с вами, яко подобает скончатися всем писанным в законе Моисеове и псалмех о Мне. Тогда[3597] отверзе им ум разумети Писания. И рече им: Яко тако писано есть и тако подобаше пострадати Христу и воскреснути от мертвых третии день и проповедатися во имя Его покаянию (л. 863)[3598] и отпущению грехов во всех языцех, наченше от Иерусалима. Вы же есте свидетелие сим. И се Аз послю обетование Отца Моего на вы. Вы же сядите во граде Иерусалимсте, дондеже облечетеся силою свыше. И егда скончашася дние пятдесятницы, беша вси апостоли единодушно вкупе. И[3599] бысть внезапу с небесе шум, яко носиму дыханию бурну, и исполни весь дом[3600], идеже бяху седяще, и явишася им разделени языцы яко огнени. Седе же на едином когождо их и исполнишася вси Духа Свята, и начаша глаголати инеми языки, якоже Дух даяше им.

Видел ли еси, откуду прииде к нам Евангелие, (л. 863 об.)[3601] яко с небесе и како апостоли Христовы умудришася? Не о себе, но якоже Дух даяше им. Но ни по толицей благодати и приятии Святаго Духа престаша апостоли от закона и пророк свидетелствовати.

Став[3602] же Петр со единем на десяте, воздвиже глас свой и рече им: Мужие июдейстии, живущии во Иерусалиме вси. Се вам разумно да будет и внушите глаголы моя, не бо якоже вы мните, сии пиани суть, есть бо час третии дне, но се есть реченное пророком Иоилем: И[3603] будет в последняя дни, глаголет Господь, излию от Духа Моего на всяку плоть, и прорекут сынове ваши, и дщеря ваша и юноша (л. 864)[3604] видения видят, и старцы ваши сония видят, ибо на рабы Моя и на рабыня Моя во дни оны излию от Духа Моего, и прорекут. И прочее. Свидетельствова от закона и пророк о Христе Иисусе.

Таже и о себе приводит, глаголя[3605]: Сего Иисуса воскреси Бог, ему же мы есмы свидетели. Десницею убо Божиею вознесеся, обетование же Святаго Духа прием. От[3606] Отца излия се, еже вы ныне видите и слышите. И по мале. Слышавша де, умилишася сердцем, реша к Петру и прочим апостолом: Что сотворим, мужие братие? Петр же рече: Покайтеся, вам бо есть обетование и чадом вашим и всем далним, (л. 864 об.)[3607] елико аще призовет Господь Бог наш. Иными же словесы, множайши ми свидетельствоваше и умоляшеся, глаголя: Спаситеся от рода сопротивнаго сего. Они же убо любезно прияша слово его.

Ты же почто не приемлешь Божественых заповедей и святых его ученик и апостол? Зриши ли, яко не своею силою или благочестием и апостоли вся содеяша, но свыше благодатию Святаго Духа.

Послушай и ты святых верховных ученик, иже глаголаша: Покайтеся[3608] убо и обратитеся, да очиститеся от ваших грех, яко да приидут времена прохладна от лица Господня и послет прежде нарече(л. 865)ннаго[3609] вам Иисуса Христа, его ж подобает небеси убо прияти, даже до лет устроения. Их же глагола Бог усты всех святых своих пророк от века. Моисей убо ко отцем рече: Яко пророка вам воздвигнет Господь Бог от братия вашея, якоже Мене того послушайте о всем, елика аще речет вам. Будет же всяка душа, яже аще не послушает пророка того, потребится от людей. И вси иже пророцы от Самуила и прочих елицы глаголаша и возвестиша дни сия. И[3610] мы есмы свидетели всем и повеле нам проповедати людем и засвидетельствовати, яко той есть нареченный от Бога судия живым и мертвым.

(л. 865 об.)[3611] О сем вси пророцы свидетелствуют[3612], оставление грехов прияти именем Его всякому верующему в Него. Ты же како можеши спастися или прияти оставление грехов, не верующу в Него? Збысться реченное о тебе и подобных тебе[3613]: Князи их сего не разумевше и глас пророческих, иже во вся суботы чтомых. И паки: И[3614] ныне, мужие братие, вем, яко по неведению се сотвористе, якоже и князи ваши. Осудятся в День Судный солуняны[3615], иже прияша слово апостольское со всем усердием, по вся дни разсуждающии Писания, аще суть сия тако.

(л. 866)[3616] Тако и святый верховный апостол Петр учит: Веровати, рече, подобает Богови паче, нежели человеком.

Не слышал ли еси избраннаго сосуда Христова таинства Божия проповедателя, глаголюща[3617]: Аще ли кто Духа Христова не имать, сей несть егов[3618]. И паки инде рече: Не хощу бо вас не ведети тайну сию, братие[3619], да не будете о себе мудри.

Ты же како сам о себе явился мудр, еже не веруеши Евангелию Христову и святым его учеником и апостолом 12-м верховным со инеми седмиюдесяти. С ними же и святых отец седми Вселенских собор 1999 со девятию святых отец поместных соборов, (л. 866 об.)[3620] их же число Бог весть. Их же ты учения тех отречеся и не просто отречеся, но и оболга. Таже по сих не остави и царей и патриархов оклеветати и оболгати и написа в 17 главе в 30-й статье. О вотчинах.

В прошлом во 136-м году блаженныя памяти великии государь царь и великии князь Михайло Феодорович всеа Русии и отец его государев блаженныя памяти великии государь святейшии Филарет Никитич птариарх Московскии и всеа Росии указали о родовых и о выслуженых вотчинах по правилом святых апостол и святых отец, кого не станет, (л. 867)[3621] а после его останется жена бездетна. И прочее.

И того в правилех святых апостол и святых отец нигде не обретается, то все на правила святых апостол и святых отец и на царя и на патриарха солгано. Правил таких святых апостол и святых отец не обретается, и великим государем таким царем и патриархом не по истинне и несогласно с правилы святых апостол и святых отец законы уставляти неподобно.

Такожде и в 4 статье тое же главы пишешь: А родовым и выслуженым вотчинам государь указал и бояре приговорили быти по правилом святых апостол и святых отец (л. 867 об.)[3622] и по уложению прежних государей и отца своего государева блаженныя памяти великаго государя царя и великаго князя Михайла Феодоровича всеа Русии и деда своего государева блаженныя памяти святейшаго Филарета Никитича птариарха Московскаго и всеа Русии 136-го и 137-го году, как писано выше сего. И сие по тому же на царя и на бояр солгано, что будто по правилом святых апостол и святых отец. И сяковых правил не обретается нигде, ни во Градцких законех.

Ты же пишешь в 19 главе в 1-й статье. О посадских людех:

Которые слободы на Москве (л. 868)[3623] патриарши и митрополичи и владычни и монастырские, а в тех слободах живут торговые и ремесленыя люди и всякими торговыми промыслы промышляют и лавками владеют, а государевых податей не платят и служеб не служат, и те все слободы со всеми людми, котоые в тех слободах живут, всех взяти за государя в тягло и в службы бесповоротно. А впредь опричь государевых слобод ничьим слободам на Москве и в городех не быть. А у патриарха слободы взяти со всем, опричь тех дворовых людей, которые изстари за прежними патриархи живали.

(л. 868 об.)[3624] Статья 5.

А которые слободы патриаршие и властелинские и монастырские около Москвы, и те слободы со всякими промышлеными людми, опричь кабалных людей, по тому же сыску взять за государя.

Почто, оставя государя, на рабов наскакаеши? Патриарх и сам Божии раб и служитель святыя церкви и ничто же имеет своих вотчин. Но что есть слободы и крестьяня? Божие наследие. Патриарх ныне сей, а по нем ин, Бог же присно есть и будет и не изменяется ввек, и достояние Его пребудет ввек.

Аще ли хощеши навыкнути о Божии (л. 869)[3625] наследии, еже к нужнейшии потребе умышлено от боголюбцов Господу Богу во Святей Троицк и Пресвятей Богородицы, и святым аггелом, и святому пророку и Предтечи Иоанну, и святым славным и всехвалным апостолом, и святым пророком, и мучеником, и святителем, и преподобным отцем, и всем святым давали великие государи цари и великие князи и прочие боголюбцы ко святым Божиим церквам по Божественой заповеди в вечный поминок, а не патриарху и митрополитом и владыкам и монастырем, якоже свидетелствуют тех боголюбцов даныя грамоты и уставы. А по правде устав (л. 869 об.)[3626] той от самого Господа Бога предадеся тако, якоже глаголет писано древле: И рече Господь к Моисею, глаголя[3627]: Поими племя Левиино и постави я пред Аароном жерцем и да служат ему и да стерегут стражбы его и стражбы сынов Израилев пред храмом свидения, служити службу храмную, и да снабдят вся сосуды храма свидения и стражбы сынов Израилев по всем делом храма. И да даси левиты Аарону, брату твоему, и сыном его жерцем дани, дани бо суть ему, сии от сынов Израилев. Аарона же и сыны его пристави в храме свидения и да снабдят жречество их и все, еже у олтаря и внутреняя (л. 870)[3628] завесы, иноплеменник же прикасайся, да умрет. И рече Господь к Моисею, глаголя: Се Аз взях левиты от среды сынов Израилев вместо всего первенца отверзающаго утробу от сынов Израилев, да будет Мне левиты. Мне бо всяк первенец, в он же день побих всяк первенец в земли Египетстей и освятих себе всяк первенец во Израили от человека до скота Мне да будут, Аз Господь.

И[3629] да приведеши пред храм свидения, и да собереши весь сонм сынов Израилев, и приведеши левиты пред Господь, и да отлучит Аарон левиты отдание пред Господь от сынов Израилев, и да служат службу Господеви. Левиты же да возложат (л. 870 об.)[3630] руки на главы телцем и да сотвориши един греха ради, а вторый во всесозжение Господу очистити от них. Поставиши же левиты пред Аароном и пред сынми его, и да отда сия отдание Господу.

И да отлучиши левиты от среды сынов Израилев и да будут Мне. По сем же да внидут левиты служити службу в храме свидения, и да очистиши их, и да отдаси я отдание пред Господем, яко отдания отданы сии Мне суть, от среды сынов Израилев, отверзающих место. Всяка ложесна первенец всех от сынов Израилев приях Я Себе, яко Мне есть весь первенец[3631] от сынов Израилев, от человека до скота (л. 871)[3632] в день, в он же побих весь первенец в земли Египетстей, освятих Я себе. И поях левиты вместо всякого первенца сынов Израилев, отдах же левиты отданием Аарону и сыном его от среды сынов Израилев в храме свидения, и да молятся о сынех Израилевых, яко да не будет гнев на сынех Израилевых, егда приступити им ко святым.

И сотвори Моисей и Аарон и весь сонм сынов Израилев левитом, якоже заповеда Господь Моисею о левитех, тако сотвориша им сынове Израилевы. И очистишася левиты и исправиша ризы своя и отдаст я Аарон отдание пред Господем и помолися о них (л. 871 об.)[3633] Аарон очищения ради их. По сем внидоша левиты служити службы их в храме свидения пред Аароном и пред сынми его, якоже повеле Господь Моисею о левитех, тако сотвориша.

И рече Господь к Моисею, глаголя: Се есть о левитех, от 25 лет и выше да внидут служити служение в храме свидения, от 50 же лет да останут служения и да не служат по сем и да служат братия его, в храме свидения стрещи стражбу, а дела да не делают. Тако сотвори левитом в стражбе их.

И рече Господь к Аарону, глаголя[3634]: Ты и сынове твои и дом отца твоего с тобою (л. 872)[3635] да возмете первенства грех святых, ты же и сынове твои да приимете грехи жречества вашего, и братию твою, племя Левиино, сонма отца твоего и приведи к себе, и да предстанут тебе, и да послужат тебе, и тебе и сыном твоим пред храмом свидения, и да блюдут стражбы твоя и стражбы храма. Разве к сосудом святым и ко олтарю да не приступают, да не измрут и сии и вы. И приложится к тебе и да блюдут стражбы храма свидения и вся службы храма, а иноплеменник да не приступает к вам. И да соблюдет стражбы святых и стражбы олтаря и не будет (л. 872 об.)[3636] к тому гнева на сынех Израилевых.

Аз[3637] бо взях братию вашу левиты от среды сынов Израилев, вам в дар вданый, Господу служити службы храма свидения. Ты же и сынове твои с тобою сохраните жречество ваше по всему делу олтаря и внутрьняя завесы, и да служите службы вдания вам жречествоваше, иноплеменник же приступаяй да умрет. И рече Господь ко Аарону: Се Аз дах вам снабдение принос моих и от всех священных Мне, от сынов Израилев тебе дах Я в старейшинство и сыном твоим по тебе закон вечный. И[3638] сие да будет вам от всякаго священнаго святых, от всех (л. 873)[3639] даров их и от всех треб их и от всякаго преступления их и от всех грех их, елика отдают Мне от всех святых. Всяко участие святых, елико аще отлучат сынове израильтестии Господу, тебе дал есмь и сыном твоим с тобою и дщерем твоим закон вечный, завет соли людск вечный пред Господем тебе есть и племени твоему по тебе.

И рече Господь ко Аарону[3640]: В земли их да не причастиши, части тебе да не будет в них, яко Аз часть твоя есмь и причастие твое среди сынов Израилев, сыном же Левиином се дал есмь всю десятину во Израили в причастие в службы место их. (л. 873 об.)[3641] Елико служат сии служение в храме свидения и да не преступают по сем сынове израильтестии к храму свидения прияти греха смертнаго, но да служат левити сами службу храма свидения и сии возмут грех их в закон вечный в рожения их и среди сынов Израилев да не причастят причастия, яко десятину сынов Израилев, елико аще отлучат Господу, участие дал есмь левитом в причастие. Сего ради рекохом среди сынов Израилев, да не причастятся причастия. Паки[3642] во втором законе писано есть: Во оно время отлучи Господь племя Левиино носити ковчег завета Господня и предстояти (л. 874)[3643] пред Господем, служити и молити и благословити имя Его до днешняго дне. Сего ради несть леввитом части, ни жребия в братиях. Господь бо сам причастие их, якоже есть рекл им. И паки рече Господь[3644]: Да не будет жерцем и левитом и всему племени их части, ни жребия со Израилем, присно бо Господь часть их да ядят я. Жребии же да не будет в братии его, Господь бо сам наследие его, якоже глаголал им. И паки рече Господь к Моисею на запади Моава у Иордана при Иерихоне, глаголя: Заповеждь сыном Израилевым, и дадят левитом от причастия одержания их, грады вселитеся и хлебины, града окрест их (л. 874 об.)[3645] дадят левитом, да будут гради их вселятися и участия их да будут скотом их и всему четвероножному их. И обдержание градов их же дасте левитом от стены града вне две тысящи лакот окрест, и да измереши страну вне града, юже на восток, двою тысящу лакот. И страна, иже к северу, двою тысящу лакот, и страна, яже к морю, двою тысящу лакот, и страна, иже к западу, двою тысящу лакот. И грады же посреде сего да будут вам и содержания градов[3646] и грады, яже дасте левитом 6 град да будут убежных, иже дасте бегати (л. 875)[3647] в ня убившим. И к сим же 40 и 2 грады. Всех градов, их же дасте левитом, 40 и 8 градов и хлебины их. Сия же и грады, их же дасте им, от одержания сынов Израилев от многих много, от малых мало, кождо по причастию своему, еже причастят, да дадят от град левитом.

Такожде же и от плена повеле Господь отлучити себе. И рече Господь к Моисею, глаголя: Возмите от корысти пленнаго от человека до скота.

Ты[3648] и Иелизар жрец, и князи племен сонма и да разделите корысти между воины, ходившими на сечь, и между всем сонмом, и да отлучите Господу, и дадите и Елизару (л. 875 об.)[3649] жрецу дань Господу. И сотвори Моисей и Елиозар жрец, якоже повеле Господь Моисею. И бысть множество полону, иже полониша воинстии от овец 675 тысящ, волов же 72000, ослов же 61000, душ же человеческих от женска полу, яже не бяше прилеплена мужех, всех душ 32000.

И приидоша к Моисею вси воставленнии над тысущами силы и сотницы силы, и рекоша к Моисею: Отроцы твои взяша сочтение, от муж воинских, иже суть у нас, и никто же не погибе от них. Се же принесохом дар Господу, еже кто обрел есть сосуд злат, обручи и гривны, перстни, усерязи (л. 876)[3650] и чепи златы, оцыстити о нас пред Господем. И взя Моисей и Елизар злато от них весь сосуд соделан, и бысть всего злата участие, еже отлучися Господу, 16000 и 608 сикл, от тысящник и от сотник мужи воинстии плениша кождо себе. И взя Моисей и Елиозар жрец злато от тысящник и сотник и внесоша и в храм свидения, память сынов Израилев пред Господем.

Дата добавления: 2015-08-02