О родстве убо сице 5 страница

Толкование.

(л. 718)[3027] Мнози мнят, яко тяжко есть осуждение се, яко единаго ради таковаго слова и во огнь вечный осудит. Обаче же несть, тяжко, но достойно и праведно Божии суд возмери, лишаяй бо брата своего слова и разума и нарицает его буя, сиречь луда и безумна. Море бо буй сказуется и луд безумен. Како бо таковый несть достоин мукам: уничтожая бо и досаждая кому, любовь разсыпает, ей же разсыпавшися, вся добродетели разсыпаются, якоже и любви стоящи, вся добродетели стоят. Отнюду же всяк уничижаяй и досаждаяй, вся добродетели растерзает, разсы(л. 718 об.)пане[3028] бывши любви. Отинуду же яве, яко достоин есть огню вечному.

Собора иже в Констянтине во Святей Софии правило 3.

Аще который мирский человек епископа в темницу ввержет или биет без вины или сплетет некую вину, да будет проклят.

От свитка новых заповедей Иустиниана царя глава 42 правило 36.

Никому[3029] же от властель не подобает боголюбивых епископ нудити на судище приити, да вдаст свидетелство о нечесом нудити и да посылает некия от служащих епископ ему, да предлежащу святому Евангелию, якоже (л. 719)[3030] лепо есть Спасителем. Рекут, яже ведят, но ни о именней, рекше о златней, ни о греховней вине ко властелю градскому или к воинскому неволею приити или предстати без повеления царева не прощаем, но властеля, аще писанием, аще ли без писания повелети дерзнувшаго, по отрешении пояса, рекше по отъятии воинскаго сана, и муками казнити и в заточение послати.

Того же Иустинияна царя правило 87.

Всем[3031] же единою отрицаем, не сотворите пакости образу монашескому, ни черноризцу, ни черноризице, ни постнице, никим любо образом не поругатися (л. 719 об.)[3032] церковному строению. Се же аще кто дерзнет сотворити, телесную подъимет муку и в заточение предан будет.

Господу нашему сице учащу и заповедающу: Евангелие: Слышасте[3033], яко речено бысть, око за око и зуб за зуб. Аз же глаголю вам, не противитися злу, но аще тя кто ударит в десную ланиту, обрати ему жругую. Толкованье.

Законное разсуждение попущаше равная приимати зло сотворшим, яко да всяк боится такова же не пострадати, да не творят друг другу неправды. А еже ударяющему по ланите и другую обратити повеле, всяко, аще (л. 720)[3034] заповеди Божии хранит, может и сие претерпети, по апостолу: Да лутчее воскресение улучат терпением, рече, да течем, взирающе на предлежащии нам образ началника вере и совершителя Иисуса, иже вместо предлежащия Ему радости претерпе крест, и о срамоте не ради, одесную Бога седе. И ин паки рече: Зане[3035] Иисус Христос пострада по нас, нам оставль образ, да последуем стопам его, иже убо укоряем, не укоряше, стражда не прещаше. И паки той же рече: Братие Христову, пострадавшу по нас, и вы в ту же мысль облецетеся. И паки самому (л. 720 об.)[3036] Христу свидетелствующу: Прежде же сих всех возложат на вы руки своя и ижденут, предающе на сонмища и темница, ведоми ко царем и владыком, имени Моего ради. Прилучит же ся вам во свидетелство, положите убо на сердцех ваших. И по мале: Предани же будете и родители и братиею и родом и други и умертвят от вас, и будете ненавидеми от всех имени Моего ради. И инде рече: Тако[3037] бо изгнаша пророки, иже прежде вас. И паки инде рече: Поминайте слово, еже Аз рех, несть раб болий Господа своего. Аще Мене изгнаша, и вас ижденут, (л. 721)[3038] аще слово Мое соблюдоша, и ваше соблюдут. И по мале. Се же рех: Да не соблазнитеся от сонмищ ижденут вы, но приидет час, да всяк, иже убиет вы, мнится службу приносити Богу. И паки: Блажени есте поносят вы и ижденут и рекут всяк глаголы на вы, лжуще. Радуйтеся и веселитеся, яко мзда ваша многа есть на небесех.

Ты же, откуду им, нам нов закон проповедаеши, юже ни сам Христос рече, но апостоли проповедали, развее стрещися от таковых. Глаголаша: Блюдитеся[3039], да никто вас прелстит. Мнози бо приидут во имя мое, глаголюще, яко (л. 721 об.)[3040] "Аз есмь", и многи прелстят, И верховный Петр: Быша же и лживии пророцы в людех, якоже и в вас будут лживи учители, иже внесут ереси погибели и скупльшаго их владыки отметающеся. Приводяще себе скору погибель и мнози последствуют их нечистотам, ими же путь истинны похулится и в преумножении лстивых словес вас уловят, их же суд искони не коснит. Блюдете, убо да не приидет на вас реченное во пророцех, Видети, нерадивии, и чюдитеся и узрите и исчезнете, яко дело аз соделаю во дни ваша. Ему же не имати веровати, аще кто исповесть вам. (л. 722)[3041] И паки: Никто[3042] же вас да лстит суетными словесы. Сих бо ради грядет гнев Божии на сыны непокоривыя. И паки рече: Блюдете[3043], братие, да некогда будет в некоем от вас сердце лукаво, испонено неверия, еже отступити от Бога жива. И паки: Блюдете[3044] же, не отрицайтеся глаголющаго, аще бо не избежаша они отрекшеися пророчествующаго на земли, множае паче мы, отрицающеся небеснаго. И инде рече: Блюдетеся[3045], да никто же вас будет прелщая хитростию и тщетною лестию по преданию человеческому и по стихиям мира сего, а не по Христе Иисусе. И паки: Блюдетеся[3046], (л. 722 об.)[3047] рече, от творящих распря и раздоры чрез учения, ему же вы научистеся и уклонитеся от них.

И Господь[3048] свидетелствует о таковых: Иже есть от Бога, глаголы Божия послушает. Сего ради не послушаете, яко от Бога несте. И Божественный Богослов[3049]: Всяк глаголет, преступаяй и не пребываяй во учении Христове, Бога не имать. И паки: Мы от Бога есмы. Разумеваяй Бога, послушает нас. О[3050] разумеваем дух истинный и дух лстеч. И о сем разумеем, яко познахом Его, аще заповеди Его соблюдаем. Глаголяй, яко познах Его, и заповеди Его не соблюдает, ложь есть, (л. 723)[3051] в сем истины несть. И по мале. Всяк[3052], не творяй правду, несть от Бога.

Не вся ли сия о тебе проречена и о проклятом твоем списании, еже и збышася.

Послушай же нашего законоположника и еще к сим. Евангелие: И[3053] хотящему судитися с тобою и ризу твою взяти, отпусти ему и срачицу. И аще кто тя поимет по силе поприще едино, иди с ним две.

Толкование.

Не глаголет, абие хотящему, но аще на судище влечет тя и молву деет, тогда остави ему, и ризу молвы ради и смущения. И что глаголю, ризу и одежду, но и самое тело свое даждь неправедно влекущему тя, (л. 723 об.)[3054] и множае паче хотения сотвори насилующему тя. Тем же и наведе рече: Просящему у тебе дай и хотящего от тебе заяти не отвратися.

Ты же како нам паче сих ин закон полагаеши, еже прежде тебе по Христове рождестве и спасителном Его волном страдании и святых Его евангельских заповедей никто не сме новозаконие каково любо ввести, ни от царей и великих князей православных, развее поганых, якоже турка и прочих подобных ему, иже насилием и беззаконием умучают род христианскии. Им же воздаст Господь Бог по делом руку их в день судный, христианом же православным[3055] по терпению их жизнь (л. 724)[3056] вечную.

Слыши и еще к сим Божию заповедь. Евангелие: Слышасте[3057], яко речено есть: Возлюбиши искренняго твоего и возненавидиши врага своего. Аз глаголю вам: Любите враги ваша.

Толкование.

Постиже убо зде до верха добродетелем, что бо есть паче сего болше? Не невозможно есть. Моисей бо и Давид и Павел и Стефан и прочии святии неистовящихся на них и беснующихся жидов и врагов паче себе любляху и спасение их ищаху, и моляхуся о них, и тако обетования получиша, якоже и Господь заповеда, глаголя. Евангелие. Благословите кленущая вы, добро творите (л. 724 об.)[3058] ненавидящим вас и молитеся за творящих вам напасть и изгоняющая вы.

Толкование.

Зри, яко благодателей подобает имети сущия враги наши, всяк бо напаствуяй и гоняй нас облегчает нам греховныя муки. К тому же и толикии дар нам дарует, яко сыном Божиим быти. Слыши прочее. Евангелие. Яко да бутете сынове Отца вашего, иже есть на небесех, яко солнце свое сияет на злыя и благия и дождит на праведныя и на неправедныя.

Толкование.

Видиши ли, колико добро дает ти ненавидяй тебе и напаствуяй, аще претерпиши, да будете, рече, сынове Отца (л. 725)[3059] вашего, иже есть на небесех. А идеже солнце не сияет, тамо тма есть, по писанному: Всяк творяй злое, не приходит ко свету, да не обличатся, яко дела зла суть. И таковый во тме ходит и не весть, камо идет, яко тма ослепи ему очи, по Божественному словеси, еже рече к жидом непокоривым: добре рече Исаия о вас, лицемерех: Уши имуще, не слышите, и очи имуще, не видите. Одебеле бо сердце людий сих, очи смежиша и ушима тяжко слышаша. А идеже не одождит, тамо всяко бесплодие. Ты же како сын Божии имаши быти, противная всюде Евангелию мудрствуя. (л. 725 об.)[3060] Блажени[3061] бо, рече, миротворцы, яко тии сынове Божии нарекутся. Блажени бо суть рече, не токмо иже сами себе со всеми смиряют, но и других ненавидящих смиряти смиряющии же ся суть, и поученми Божественными враги приводяще, сынове бо суть Божии таковии. Понеже единородный Сын Божии смири нас к Богу, врагом сущим нам. А ты всюду вражду сотворил, а не мир. Первие, между Бога и человеков оставлением Божественных заповедей, якоже и от исперва некто. Таже между всеми человеки духовными и мирскими, малыми и великими, еже друг другу злобу мстит и безчестия (л. 726)[3062] искати. не помянул еси апостольское слово: Злобу кождо искреннему своему да не поминает. И паки ин рече: Солнце во гневе вашем да не зайдет. Исаия же о таковых глаголет: Вы есте отца вашего диавола, и похоти отца вашего творите. Он искони человек убийца есть и во истине не стоит. И паки глаголет: Блажени бо суть слышащии слово Божие и хранящее. А кой же презирающим и не хранящим слово Божие рече: Слово, еже заповедах им, то судит им в День Судный. Тебе же кто ублажит или избавит от суда Божия, весь евангельскии закон и заповеди разорившаго? Но горе (л. 726 об.)[3063] тебе, второе распинающему Христа, унее бы тебе не родитися. Богу свидетелствующу: Отраднее быти Содому и Гомору, нежели тебе, слышавшему слово Божие и не хранящему.

Якоже пишешь в 12-й главе о суде патриарших приказных и дворовых всяких людей и крестьян.

Статья 1.

На патриарших приказных и на дворовых людей и на детей боярских и на крестьян и на всяких чинов людей, которые живут в патриарших домовых вотчинах, во всяких делех суд давать безсрочно на патриарше дворе, потому что при прежних государех и блаженныя памяти (л. 727)[3064] при великом государе царе и великом князе Михаиле Феодоровиче всея Русии ни в которых приказех на них суда не давали, а судили их на патриарше дворе, что судные дела слушает и указывает патриарх.

Смотри, злых предателю, како зде и сам свидетелствуеши, что при прежних государех и блаженныя памяти при великом государе царе и великом князе Михаиле Феодоровиче всея Русии на патриарших приказных и на дворовых людей и на детей боярских и на крестьян и на всяких чинов людей, которые живут в патриарших домовых вотчинах, во всяких делех суд давали на патриарше (л. 727 об.)[3065] дворе. А ты самого патриарха в суд мирской низвел, как пишешь в 10-й главе в 30-й и в 31-й статье: Будет кто обезчестит патриарха всякого чину люди даже и до стрелцов и мужиков, а по суду и по сыску чинить указ коемуждо.

А во 12 главе в 3-й статье пишешь: А которыя патриаршия приказныя и дворовые люди и дети боярския и патрираши крестьяня учнут в которых приказех на каких людех всяких дел искати, а ответчики на них в тех же приказех, не сходя с суда, учнут встречно искать, и на них суд давать в тех же приказех.

(л. 728)[3066] И коли уж в том же приказе приказных патриарших и всяких чинов людей, где они сами искати станут, то уже и сам патриарх в котором приказе о своем безчестье станет бити челом на ково, и тем противно в том же приказе волно и на патриарха бити челом, в какове деле похотят, и указ тот же патриаху, со стрелцом и с мужиком.

Такожде и митрополитом и архиепископом и епископом и прочаго церковнаго причету, как пишешь в 13 главе в 1-й статье.

На митрополитов и архиепископов и епископов и прочее суд давать в Монастырском приказе.

Статья 2-я.

А которые (л. 728 об.)[3067] митрополичьи и архиепископли и епископли приказные и дворовые люди и дети боярские и крестьяне, также и розных монастырей архимариты и игумены и строители и келари и казначеи и соборные старцы и монастырские слуги и крестьяне учнут в котором приказе искати всяких чинов на людех, а ответчики после его ответу учнут по челобитным на тех исцах искать своих исковых дел, и тем ответчиком на митрополитов и на архиепископов и на епископов и на архимаритов и на игуменов и на строителей и на келарей, и на казначеев и на соборных и на рядовых (л. 729)[3068] старцов и на митрополичих и на архиепископлих и на епископлих приказных и на двороых людей и на детей боярских и на монастырских слуг и на крестьтян по их исковым челобитным суд давать в тех же приказех против их ответчиковых челобитен.

Да якоже в 10-й главе в 1-й статье написал еси: Суд един от мала и до велика, не описуя чина и достояния, то уже и казни неотменны, как простым людям, так и священнаго чину, патриарху и митрополиту и архиепископу и епископу и архимандриту и игумену и священнику и диакону и всем прочим причетником.

(л. 729 об.)[3069] Написано в 10-й главе в 106-й статье: А будет кто ни буди, пришед в которой приказ к суду или для иного какова дела, судью обезчестит непригожим словом, а сыщется про то допряма, и того за государеву пеню бити кнутом, а судье велеть на нем доправити безчестие.

И во 142-й статье 10-й же галвы: Будет кто наказную или приставную память и государевы грамоты отъимет и издерет, и тем он приказных людей, от которых тот пристав послан будет, обезчестит, а сыщется про то допряма, и такова непослушника за государеву грамоту бити кнутом и посадити в тюрму на три месяцы.

(л. 730)[3070] И аще бы принужен кто был священнаго чину, патриарх или митрополит или архиепископ или епископ или архимандрит или игумен или священник или дьякон даже до последних причетник по твоим беззаконным законом в судище, не точию послушал бы, но поплевал и про судью беззаконного и закон, якоже отроцы по повелению цареву не точию понудишася, но и оплеваху, такоже и прочии святии мученицы исповедницы, о них же слышим во вселетном воспоминании в Книге Прологе, како храборски потщася влекоми на судища, не точию повинушася, но и оплеваша (л. 730 об.)[3071] и прокляша беззаконие их.

Тако и ныне: аще кто за святый евангельскии закон и за заповеди Христовы и святых апостол и святых отец каноны станет и мужески подвигнется, якоже и первии подвижницы, не точию судьи послушает, но и оплюет и проклянет веление его и закон, такожде и у пристава наказную и приставную память аще кто отъимет и издерет и поплюет и потопчет, не погрешит таковый своего спасения, якоже и первомученицы.

По чесому же ли се разумно будет? Свидетель сему первый подвигоположник, самая истина Христос, глаголяй. (л. 731)[3072] Евангелие. Се[3073] аз посылаю вас, яко овцы посреде волков. Будите же мудри яко змия и цели яко голубие.

Толкование.

Хощет Господь всем верующим в него мудрым быти, даже не слушат яко овцам быти, име и возмниши яко несмысленну подобает бывати христианину. Глаголет же, яко и мудру подобает быти и яко ведети, како подобает пребывати посреде многих враг, якоже бо змий все тело свое проче дает на биение, главу же токмо соблюдает, тако и христианин вся имения дает и тело свое поражающим. Главу же, еже есть Христос и вера, яже к нему, (л. 731 об.)[3074] и закон и заповеди да сохранена да будет даже до смерти.

Евангелие. Блюдите[3075] же ся вы сами, внемлете же от человек, прежде же всех сих возложат на вы руки своя и изжденут, предоюще на сонмища и темница, и на соборищах биени будете пред воеводы и владыки и цари ведени будете Мене ради. Во свидетельство им и языком предани же будете и родители и братиею и родом и други, и умертвят от вас, и будете ненавидими от всех имене Моего ради. И влас главы вашея не погибнет, в терпении вашем стяжите душа ваша.

И паки инде: Блажени изгнани (л. 732)[3076] правды ради, яко тех есть Царство Небесное. Блажени есте, егда поносят вам и ижденут вы и рекут всяк зол глагол на вы, лжуще, имени Моего ради.

Толкование.

Не иже бо токмо уничижаем, блажен, но егда Христа ради и изгонится. Аще ли си две, не суть окаянен он есть, а не блажен, яко многих соблажняя. Понеже и злодее и разорители закона евангельскаго и заповедей оглаголуеми и обличаеми от любящих и хранящих евангельское слово, мнят тяжко себе и поносно быти. И того ради умыслиша, якоже ты, князь Никита, новый закон написал советом антихриста, (л. 732 об.)[3077] учителя твоего в 10 главе в 83 статье: А будет митрополит или архиепископ, или епископ, или архимарит и прочее священнаго чину обесчестит словом бояр и околничих и прочих, а сыщется про то допряма, и им по сыску тем людям, кого они обезчестят, платить за бесчестье против их окладов.

Статья 84.

А будет которому архимариту или игумену и прочих за чье безчестие платить будет нечим, и на них тем людям править безчестье нещадно до тех мест, как они с ысцы учинят зделку или как (л. 733)[3078] в том исцом своим добьют челом.

Не суть ли дияволской се закон, ей, самого антихриста, дабы никто не смел тяжести ради уложенныя никому о правде слова Божия проповедати, по писанному: Не обличай безумных, да не возненавидят тя. Обличение бо нечестивому, мозолие ему есть. Мозоль бо аще и не велми велика есть, но болезнена, тако и не приемлющим слова Божия, тяжко им мнится, аще кто возглаголет о правде Божии. Безчестие себе быти мнят и поношение. Того ради и Господь ко учителем слова рече: Аще согрешит к тебе брат твой, иди, обличи его. Аще ли послушает (л. 733 об.)[3079] тебе, приобрел еси брата своего, аще ли не послушает, поими с собою единого или двух, да при двою или треми станет всяк глагол, то есть, дабы не приложили на оглаголующаго ложна слова, еже есть не мнили безчестие, якоже выше речеся. И аще по сих, рече, не послушает, повеждь церкви, то есть архипастырю церкви, патриарху или митрополиту или архиепископу или епископу и подобных от сих, и он накажет его повиноватися Божественными евангельскими заповедьми. И аще презрит таковое наказание, тогда не повинет таковый, аще такова презорника укорит и наречет (л. 734)[3080] его богоотступником и антихристовым предтечею и врагом Божиим и горее иноязычника и мытаря и повинника мукам вечным, почае содомлян и гоморян и грешнейши. На них же паде столп силоямский и поби их, и аще не покаются, такожде погибнут, якоже и они. И горе им проповедати паче Вифсаиды и Хоразина, не послушающим слова Божия, понеже зде не устыдеся Господа Бога и его словес имать постыдетися пред аггелы Божиими. Тако Господу засвидетельствующу, якоже и Павел Елиму волхву, противящемуся, хотящаго Анфипата развратити от веры. (л. 734 об.)[3081] Савл же, иже и Павел, исполнися духа, возрев на нь, рече: О исполнене всякоя лсти и всякоя злобы сыне дияволов, враже всякоя правды, не престаеши ли, развращая пути Господня правыя? От[3082] таковых убо по Божественой заповеди из града и из дому исходити и прах ног своих отрясти во свидетелство им. Якоже и деяния повествуют Павла верховнаго апостола тако сотворша.

И воздвигоша[3083], рече, гонение велико на Павла и Варнаву, и изгнаша их от предел своих. Они же отрясше прах от ног своих на них, приидоша во Иконию. И паки инде речеся: Противящим же ся (л. 735)[3084] им и хулящим отряс ризы своя, рече к ним: Кровь ваша на главах ваших. Чист аз, отныне во языки иду.

И аще кто и ныне, опуснев, не восхощет слова Божия послушати, и не просто, но и безчестие вменив быти, и по беззаконному Уложению за бесчестие оного непокориваго и беззаконнаго человека сребра или злата уставленую меру править или и на какие муки нанесут томителныя, таковый радуйся и веселися, яко мзда таковаго многа на небеси. Тако бо рече Спас: Изгнаша пророки, иже прежде вас, но влас главы вашея (л. 735 об.)[3085] не погибнет, в терпении вашем стяжите души ваши.

Евангелие. Како[3086] таковый может помолитеся ко Господу и глаголати: И остави нам долги наша, якоже и мы оставляем должником нашим.

Толкование.

Тако имать оставити и наша согрешения Господь Бог, якоже мы клевретом своим временная, и той вечная. Аже бо зло помним и глаголем, остави нам, якоже и мы оставляем, а не оставляем, то себе усугляем, паче лжу творяще пред Богом, нас бо имать Бог образ. И якоже мы творим ближнему, тако и Бог сотворити имать нам. (л. 736)[3087] Аще благотворим, благо и нам сотворит, и аще мучим мы, и той имать вечно мучити нас. Тем же и глаголет Евангелие: Аще[3088]бо оставите человеком согрешения их, оставит и вам Отец ваш небесный.

Толкование.

Зде являет, яко ни сам той Сын хощет оставляти согрешения человеком, аще мы не прежде оставим. Тогда, рече, оставит Отец ваш небесный.

Евангелие. Аще ли же не оставит человеком согрешения их, ни Отец ваш небесный оставит вам согрешения ваша.

Толкование.

Ничто же бо тако ненавидит Бог, якоже сердце немилостиво и суровство (л. 736 об.)[3089] звериное, еже убивати и мучити брата своего. Зверско бо, еже любовь по разуму не имети и не миловати братию свою, братия бо есмы, якоже являет вышереченное слово, оставит и вам Отец ваш небесный, на знамена которого Отца чада, не иже от по плоти рождьшаго отца коегождо, но Отца вашего небеснаго, яко да усрамимся чада, имея Отца небеснаго. тем же и о себе глаголет яко: Не ищу волю Мою, но волю пославшаго Мя. И паки: Не могу Аз о себе творити ничесо же. И ко июдеом глаголет: Аминь[3090], аминь глаголю вам, не может сын о себе творити ничесо же, (л. 737)[3091] аще не еже видит отца творяща, яже бо он творит, сия и сын такожде творит. Отец бо любит сына, вся[3092] показует ему.

И паки инде рече[3093]: Аз, еже видех у Отца Моего, глаголю, и вы, убо еже видесте у отца вашего, творите. Отвещаша и решаша ему: Отец наш Авраам есть. Глагола им Иисус: Аще чада Авраамля бысте были, дела Авраамля бысте творили. Ныне же ищете Мене убити человека, иже истину вам глаголах, еже слышах от Бога. Сего Авраам несть сотворил, вы творите отца вашего. Реша же ему: Мы от любодеяния несмы рождени, единаго отца имамы Бога.

(л. 737 об.)[3094] Толкование.

Господь убо отца им написует диявола, не бо по достоянию, но от дел их видит. Они же выспрь идолу Авраама приносят. Часто же Господь убииственное их поминает произволение, ищете бо Мене, рече, убити и соглашаете на Мя. Како убо оного сынове есть, занеже отчих дел не имате, о сродствии хвалитеся. Должни убо есте, аще хощете поистине оного чада именоватися и добродетелем подобитися. Они же паки рекоша: Мы от любодеяния несмы рождени, единаго отца имамы Бога.

Виждь неразумнаго их кичения. Господь убо и Авраамля (л. 738)[3095] сродства изметается, они же тако гордят, якоже сыны себе Божия от неразумия своего сотворяют. Зане слышаша, первенец сын Мой Израиль. И сего ради хвалятся божиим усыновлением. А достойно бе им слышати, еже Богу инде глаголющу пророком[3096]: Сыны родих и вознесох. Тии же Мене отвергошася.

Евангелие. Паки[3097] рече им Иисус: Аще Бог Отец ваш бы был, любили убо бысте Мене. Аз бо от Бога изыдох и приидох, не о себе приидох, но Той Мя посла. Почто беседы Моея не разумеете, яко не можете слышати словесе Моего. Вы отца вашего диявола есте (л. 738 об.)[3098] и похоти отца вашего хощете творити. Он человекоубиийца бе искони и во истине не стоит, яко несть истины в нем. Егда глаголет лжю, от своих глаголет, яко ложь есть и отец лжи. Аз же зане истину глаголю, не веруете Мене. Тем же на ином месте свидетелствует, глаголя[3099]: Аще Аз свидетелствую о Мне, свидетелство Мое несть истинно, ин есть свидетелствуяй о Мне, и вем, яко истинно есть свидетелство Его, еже свидетелствует о Мне. Вы посласте ко Иоанну, и свидетелствова о истине, Аз не от человека свидетелства приемлю, но сия глаголю, да вы спасени будете. (л. 739)[3100] Аз же имам свидетелство боле Иоаннова. Дела бо, яже даст Мне Отец, да совершу Я. Та дела, яже Аз творю, свидетелствуют о Мне, яко Отец Мя посла, и пославый Мя Отец той свидетелствова о Мне. Ни гласа Его нигде же слышасте, ни видения Его видесте и словесе Его не имате пребывающа в вас, зане Его же той посла, сему вы веру не емлете. Испытайте Писания, яко вы мните в них имети живот вечный, и та суть свидетелствующа о Мне. И не хощете приити ко Мне, да живот имате. Славы не приемлю, но разумех, яко любве Божия не имате в себе. Аз приидох во имя (л. 739 об.)[3101] Отца Моего и не приемлете Мене. Аще ин приидет во имя свое, того приемлете. Како вы можете веровати, славы друг от друга приемлюще, и славу, юже от единаго Бога не ищете. Не мните, яко на вы реку ко Отцу, есть иже нам глаголет Моисей, на нь же вы уповаете[3102]. Аще бо бысте веровали Моисеови, веровали бысте убо и Мне, о Мне бо той писа. Аще ли того писанием не веруете, како Моим глаголом веру имете?

Толкование.

Зри, презориве, како Сын Божии и коликое свидетелство приводит, глаголя, яже Иоанна Крестителя и Моисея и пророки вся. Испытайте, рече, писания, (л. 740)[3103] и та суть свидетелствующа о Мне. Сего ради и от пророк поемлет первыя и славныя и великия, зане о Бозе и Отце велико непщевание имеша.

Таже дела о Бозе Отце соделанная боле пророческих гаданий, таже и самого того Бога Отца поставляет свидетеля и Святаго Духа свидетелствующа. И по сем сам себе свидетеля и послуха неисписанна и неложна вчиняет.

Ты же откуду сам о себе твориши свидетелство, яко подобает приити и законы новыя предавати, не сведомыя нам. От закона и пророк и святаго священнаго Евангелия и святых апостол и святых отец. Како же ты глаголеши: Отче наш, (л. 740 об.)[3104] иже еси на небеси. И прочее. Отчюждився своею злобою Его вы благодати, якоже и жиды. Ничто же сотворив достойно сыновства Божия, глаголаша: Мы от любодеяния несмы рождени, единаго отца имамы Бога. К ним же отрече Христос, глаголя. Евангелие. Аще[3105] Бог Отец ваш бы был, любили убо бысте Мене. Аз бо от Бога изыдох и приидох, не о Себе бо приидох, но Той Мя посла. Почто беседы Моея не разумеете, яко не можете слышати словесе Моего. Вы отца вашего диявола есте и похоти отца вашего хощете творити. Он человекоубийца бе искони и во истине не стоит, яко несть истины в нем. (л. 741)[3106] Егда глаголет лжю, от своих глаголет, яко ложь есть и отец лжи. Аз же зане истину глаголю, не веруете Мне.

Толкование.

Рек Господь к жидом, яко не можете слышати словесе Моего, таже наводит и вину. Почто не могут, рекше, не хотят? Зане рече: От отца своего вам се есть. Коего, глаголю, отца? Диявола. Вы бо Бога себе Отца не разумеюще написуете, дела же вашего отца диявола вам послушествуют приснее. Того бо похоти хощете творити. И не рече же, дела, но похоти, являя, яко похотне зело прилежаху о лжи и убиийстве, еже есть свое дияволу. Он человекоубиийца бе (л. 741 об.)[3107] искони, яко и вы ищете мене убити. Оному уподобистеся, Адама убившему, он бо во истине не стоит, но лжи есть отец. И вы, лжуще на мя, глаголете, яко несмь от Бога, и не стоите во истине, не пребываете в моем слове, еже суть истина. Оного чада есте, лжю рождьшаго, он бо и Бога к человеком оболга, к Еве рече, завидя вам, отрече вам древо, и к Богу паки человека оболга. Якоже и о Иове глаголя: Еда туне Иов чтет Бога, егда бо глаголет, от своих глаголет, человецы бо любящии лжю, яко чюжду лжю имут. Диявол же яко свою глаголет, лжа бо его есть исчадие и сам есть в ресноту ложь (л. 742)[3108] и отец лжи. Рече бо и о Еве, яко в онь же день аще снеста, будита яко бози, она же паче смерть объемляста. Аз же, рече, яко истину глаголю и не веруете Ми. Ничто же бо иного ищуще поимати Ми, разве едино, еже глаголати Ми истину. Сего ради совещесте на Мя, яко сынове отца вашего диавола. Аз же не от самого себе глаголю, но еже видех от Отца Моего сия глаголю, и вы же, еже видесте от отца вашего, сия и творите. Аз убо, рече, Божия и небесная глаголю и Отца своего сих ради являю. Вы же своего отца, от них же делаете и сообразуете диавола всяко.

(л. 742 об.)[3109] И аще тако осуждаются жидове от Христа Бога за неверстие, еже не вероваша в Господа Бога и Спаса нашего Иисуса Христа сына, яко и сынови диаволи. Сынове же, разумей, беси, быти. А еже о муках тех сведетелствует сам Христос, глаголя: Тогда речет и сущим ошую Его: Идите от Мене, проклятии, во огнь вечный, уготованный диаволу и аггелом его. И паки. Тогда отвещает им, глаголя: Аминь, глаголю вам, понеже не сотвористе единому сих менших, ни Мне сотвористе и идут сии в муку вечную.

Толкование.

Сущих ошую Его во огнь посылает, еже уготовал есть диаволу и аггелом его, понеже немилостивни суть (л. 743)[3110] бесове и вражду многу имеют на нас. Достойно убо и таковой же муце предаеми бывают подобнии нравом бесовским, иже и своих ради дел прокляти быша.

Ты же, законопреступниче, не реку, яко отчасти, но всесовершенный отступниче, яко си ни блудницы, ни убиицы, ни похищницы суще в муки послани бывают. Но понеже не сотвориша ничто же по заподи[3111], того ради по правде таковии в муки вечныя идут. Якоже и Господь свидетелствует: Глаголю вам[3112], не вем вас, откуду весте. Отступите от Мене вси делателие неправде, ту будет плач и скрежет зубом.

И аще тако иже не увере жидом, неверства ради (л. 743 об.)[3113] таковыя муки приуготовашася, яко и отступником бесом. А иже отрекшися сатаны и всех дел его и всех аггел его и всего служение его и всея славы его и поплевав его, и сочетався Христу, и верова яко царю и Богу, и елико святый символ таинства в себе содержит исповеда, сими же паки сплетшеся побеждаеми бываю. Бывша[3114] ж им последняя горша первых. Лучши бо бе им не познати пути правды, нежели познавшим возвратитися от преданыя им святыя заповеди. Случи[3115] бо ся им истинная притча, пес возвращся на своя блевотину и свиния, омывшися в кале тинне.

(л. 744)[3116] Господу глаголющу: Иже[3117] аще соблазнит единаго малых сих верующих в Мя, унее ему есть, да обесится, жернов осельскии о выи его и потонет в пучине морстей. Горе миру от соблазн, нужда бо есть не приити соблазном, обаче горе человеку тому, им же соблазн приходит. Аще ли рука твоя или нога твоя соблажняет тя, отсецы ю и верзи от себе. Добрейши ти внити в живот хрому или бедну, нежели две руце или две нозе имущу, ввержену быти во огнь вечный. И аще око твое соблажняет тя, изми е и верзи от себе. Добрейши ти есть со единем оком в живот внити, неже две оце имущу, ввержену быти в геену огненную. (л. 744 об.)[3118] Блюдите, да не презрите единаго от малых сих.

Дата добавления: 2015-08-02