Разорение 23-му вопросу и ответу. 16 страница

Сего же не получивше, како имети будут конец муки, по суемудренным еретиком: И слышах глас велии на небеси, глаголющ: Ныне бысть спасение и сила и царство Бога нашего и область Христа Его, яко низвержен бысть оскаржитель[2301] братии наших, оглаголуяй их пред богом нашим день и нощь, яко низвержен бысть оглаголник братии наших. Оглаголение и клевета яже на человеком диавола, еже есть, именова, якоже речеся: Веселят же ся аггели о извержении сего. Ни[2302] едина бо часть верному с неверным.

(л. 605)[2303] И[2304] тии победиша того за кровь агньчю и за слово свидетелства своего и не возлюбиша[2305] душа свою до смерти. Сего[2306] ради веселитеся небеса и живущии в них. Горе земли и морю, зане сниде диавол к вам, велию имеяй ярость, ведый, яко мало время имать. И тии победиша его за кровь агньчю и оглаголуемии от него глаголетстии, но клеветуемии якоже Иов, со всеми человеки покаряющимися и верующими ему, обаче победиша и по Христе страданиями. А яко веселятся горния силы о падении его и печалуют о навете его на истаявшыя и присохшыя к земным, достоверно есть, ибо богоподражательно. Горе же живущим на земли (л. 605 об.)[2307] и на море, сиречь имущим жителство на небеси, но на земли. Мнози бо от сущих на земли врага побеждают и победят, аще и множае ныне подвизающияся ярящася за близкость своего мучения[2308]. Отнюду же нуждно есть мудрствующим земная и влающимся на море житейстем, зде бедником страстным быти и окаянным и умилным.

Како змии гоняй церковь не престает.

И[2309] егда виде змии, яко низложен[2310] бысть на землю, гоняше жену, яже роди[2311] мужескии пол. И дане бысте жене две крыле[2312] орла великаго да летит в пустыню на место ея, яко да питается тамо время и времена и полвремене от лица ужева[2313]. (л. 606)[2314] Егда глаголет диавол Христу[2315] приражся по крещении победися и к святым апостолом вооружився, посрамися, видев я смертию жизнь обретшыя, и яко уж на земли обращатися и витися и землю ясти осужден бысть, сиречь земная мудрования или помышления. Тогда паки начат церкви гонити, мужскии пол, Божии люд, сластми не ослабленный, родившую и раждающую. Но изначала ей к Богу и ближнему любовь и заступающии и пособляющии нас ради распятаго промысл дан бысть и два завета[2316], ими же всячески крыле орле занаменуются, яко да сима высоко летающи в пустыню. Всякоя (л. 606 об.)[2317] прохладныя сладости жителством питается присно убо, в пришествии же антихристове наипаче. Ему же державствовати реченное время, полтретья лета на мнозе писано бысть. В нем же сиречь времени и по чювственней пустыни в горах и пропастех и вертепах крыющися мощно, яко сего убежать. И[2318] изверже уж[2319] из уст своих за женою воду яко реку, да сию сотворит рекою похищенную. И[2320] поможе земля жене и отверзе земля уста своя и поглоти реку, юже изверже дракон[2321] из уст своих. И изверже уж из уст своих за женою воду яко реку, бежащии, (л. 607)[2322] глаголет, церкви[2323] в места непроходимыя и безводныя от находа прелестнича из уст своих, яве от повеления своего, за нею мещет воду аки реку, сиречь безбожных мужей или лукавых бесов, или различных искушений множество на ню изыдет, яко да поработит ю. Земля же[2324], глаголет, поможе ей идти долготою путя и безводием и сухотою, стремление лукавых удержующи и реку, яже от искушении. Сего ради поглощающи или смиреномудрием святых, истинно и право глаголющих "аз есмь земля и пепел"[2325], вся сети диаволя упраздняющы, ничто же бо[2326], якоже Божественному Антонию от аггела явленно есть, (л. 607 об.)[2327] диаволя силы тако сокрушает и ссецает, якоже смирение. И разгневася змии на жену и[2328] отъиде сотворити с прочими семене ея, соблюдающими заповеди Божия и ищущыми свидетелство Христово[2329]. И отъиде змий сотворити брань с прочими, изыщныя и избранныя церковныя учители глаголет, и презревшия землю к беде преставльшияся в пустыню. Аще сия погрешит антихрист, но воинствующыя Христови в мире, изнесет, глаголет, брань. Яко да якоже земным прахом стропотно раздражающым елея слизкость[2330], житейскими, глаголю, вещми и неудобствы. Сия удобь уловляемыя обрет, превратит (л. 608)[2331] мнози же и от сих, заеже преискрене возлюбиша Христа, победят его.

О аггеле, проповедающем приближение будущаго суда.

И[2332] видех[2333] другаго аггела, парящаго посреде небеси, имуща Евангелие вечное, идуща благовестити седящим на земли и на всяк народ и колено и[2334] язык и люд, глаголяй[2335] гласом велиим: Бойтеся[2336] Бога и дадете Ему славу, яко прииде час суда Его. И поклонитеся[2337] сотворшему небо и землю и море и источники водныя. Средонебесие чюдне высокое являет и еже небесну быти явльшуся аггелу, свыше посланну, к еже от земля человеки ввести чрез свое посредство (л. 608 об.)[2338] на небеса своим си ходатаиством богоподражателне, тако яко да соединится тело церковное Христу, главе нашей. Вечное же Евангелие, еже от века сие у Бога уставленно и назнаменанно бе, глаголет же сие: Бога убо боятися, не бояти же ся антихриста[2339], не могущаго убити душу с телом, но великодушно[2340] противу его стати, на мало время державствующаго, за приближение суда и поживших воздаяния.

Доволно ли ти есть, богопротивниче, ругателю евангельский, прореченное Господем нашим Иисусом Христом и святыми Его пророки и святыми апостолы, о хотящих збытися, от них же ово збышася, иное деется, иное ж (л. 609)[2341] збытися хощет. И о боготворящихся, а не точию делы добрыми подобитися, и что есть гонение церквей, и кто есть гонивый и гонимый.

Послушай с вышеписанных о втором аггеле, парящем посреде небеси, держаще Евангелие вечное, ищуща благовестити седящим на земли и на всяк народ и колено и язык и люд[2342], глаголяй гласом велиим: Бойтеся Бога[2343] и дадите Ему славу, яко прииде час суда Его, и поклонитеся сотворшему небо и землю и море и источники водныя, а не твои скверным и трепроклятым законом судом повиноватися. И Господу самому свидетелствующу (л. 609 об.)[2344] и утвержающу: Аще кто услышит слово Мое и не сохранит Его, Аз не сужду ему, не приидох бо, да сужду мирови, но да спасу мир. Отметаяйся Мене и не приемляй словес имать судящаго слово, еже заповедах, то ему судит в День Судный. И слово, еже заповедах, несть Мое, но пославшаго Мя.

И ко пришедшим к нему июдеом глагола: Аминь, аминь, глаголю вам, яко слушаяй словесе Моего и веруяй пославшему Мя, имать живот вечный и на суд не приидет, но прейдет от смерти в живот. А не веруяй уже осужден есть. И паки инде рече: Имеяй заповеди Моя и соблюдаяй их, он есть (л. 610) любяи, а не любяй Мя словес Моих не послушает. И о сем разумеем, яко познахом его, аще заповеди его соблюдаем. Глаголяй, яко познах его, и заповеди его не соблюдает, ложь есть. Иже есть от Бога глаголы Божия послушает, сего ради вы не послушаете, яко несте от Бога. Всяк не творяй правду несть от Бога. Всяк преступаяй и не пребываяй во учении Христове Бога не имать. Аще кто приходит к вам и сего учения не приносит, не приемлите его в дом и радоватися ему не глаголите. Глаголяй бо ему радоватися сообщается делом его злым. А ты, отметниче Христов, от которых заповедей Христовых или святых апостол заповедей написал (л. 610 об.)[2345] в своем уложении? Не о таковых ли лжепророках пророчествовал сам Христос и святии пророцы и апостоли, якоже выше показано, по действу вашему? Еже и ныне Богослов пророчествует, глаголя: Дети[2346] последняя година есть, и якоже слышасте, яко Антихрист грядет, и ныне Антихристи мнози быша, и от сего разумеваем, яко последний час есть. И яко всяка лжа от истины несть. И кто есть лживый, точию отметаяйся, яко Иисус несть Христос, сей есть антихрист.

Послушай[2347] же и иного апостола, что есть вера во Христа. Ты веруеши, яко Бог един есть, добре твориши. И беси веруют и трепещут. (л. 611)[2348] Хощеши ли разумети, о человече суетне, яко вера без дел мертва есть. Авраам, отец наш, не от дел ли оправдася, вознес Исаака сына своего на олтарь? Видиши ли, яко вера поспешествоваше делом его, и от дел вера совершися, и совершися писание, глаголющее[2349]: Верова же Авраам Богови, и вменися ему в правду, и друг Божии наречется. Зрите ли убо, яко от дел оправдается человек, а не от единыя веры. Такожде и Раав блудница не от дел ли оправдася, приемше сходники и инем путем изведше их. Яко же бо тело без духа мертво есть, тако и вера без дел мертва есть.

Бывайте же творцы слову, а не точию слышателе, (л. 611 об.)[2350] прелщающе себе самех, зане аще кто слышатель слову, а не творец таковый уподобися мужу, смотряющю лице бытия своего в зерцале, усмотри бо себе и отъиде, и абие забы, каков бе. Приникий же в закон совершен свободе и пребыв, сей не слышатель забытлив быв, но творец делу, сей блажен в делании своем будет. Аще ли зависть горку имате и рвение в сердцых ваших, не хвалитеся, ни лжите на истину, несть сия премудрость нисходящи, но земна, душевна, бесовска.

Послушай, лжи списателю, како ни сын, развее отца не делает, яко же сам Господь свидетелствует: Отец[2351] мой доселе делает, и аз делаю. (л. 612)[2352] Сего же ради паче искаху его июдее убити, яко не токмо разоряше суботу, но и отца своего глаголаше Бога, равен ся творя Богу. Отвещав же Иисус рече им: Аминь, аминь, глаголю вам, не может сын творити от себе ничесо же.

А ты, беззаконниче, почто смел о себе творити? Таже рече: Аще не еже видит отца творяща, яже бо он творит, сия и сын такожде творит. Отец бо любит сына и вся показует ему, яже сам творит, и болша сих покажет ему дела, да вы чюдитеся. А ты, богоборче, от кого видев, навык делати беззаконие свое? Господу глаголющу: Яко бо отец воскрешает мертвых и живит. А ты, беззаконнодавче, имаши ли власть (л. 612 об.)[2353] воскрешати и живити? Господу глаголющу: Отец бо не судит никому же, но суд даст весь сынови, да вси чтут сына, яко же чтут отца. Иже не чтет сына, не чтет отца, пославшаго его. А тебе, злохитре, кто даде суд писати и нарицати суд государя царя? Господу Богу глаголющу: Аминь, аминь, глаголю вам, яко слушай словесе моего и веруя пославшаму мя, имать живот вечный и на суд не приидет, но прейдет от смерти в живот. А ты почто не слушаеши словесе Божия и не веруеши пославшему его, и живота вечнаго не хощеши имети, и на суд хощеши приити, от живота вечнаго в вечную смерть?

Господу глаголющу: Яко же бо отец имать живот в себе, тако даст (л. 613)[2354] и сынови живот имети в себе, и область даст ему и суд творити, яко сын человеч есть, не дивитися сему. Ты убо откуду имаши живот в себе и кто ти даст область сию и суд творити?

Господу глаголющу: Яко грядет час, в онь же вси сущии во гробех услышат глас сына Божия и изыдут сотворшия благая в воскрешение животу, а сотворшия злая в воскрешение суду. Ты имаши ли власть такову, дабы кто услышал глас твой, имел живот вечный и на суд пришел? Аще ли же не имаши, почто сам не содрогаешися от суда Божия, беззаконно судя патриарха и митрополитов, и архиепископов, и прочих священнаго чина, яко же пишет в 10 главе в 30 статье. (л. 613 об.)[2355]

Господу глаголющу: Не могу аз о себе творити ничесо же, яко же слышу сужду, и суд мой праведен есть, яко не ищу волю мою, но волю пославшаго мя отца. Ты же, непокориве, како смел о себе сотворити суд, и от кого ты слышал о суде, судишь, и кто знает, яко суд твой праведен есть, и не по своей воли написал, но по воли Божией, и где есть такова воля Божия, покажи нам.

Господу глаголющу: Аще аз свидетелствую о мне, свидетелство мое несть истинно. Ин есть свидетелствуя о мне, и вем, яко истинно свидетелство, еже свидетелствует о мне. Твое же кто весть свидетелство, яко истинно есть предание и суд? (л. 614)[2356]

Господу глаголющу: Вы посласте ко Иоанну, и свидетелствова о истинне. Аз же не от человека свидетелство приемлю, но сия глаголю, да вы спасени будете. Он бо светилник горя и светя, вы же хотесте возрадоватися в час светения его. Аз же имам свидетелство боле Иоаннова. Дела бо, яже даст мне отец, да совершу я, та дела, яже аз творю, свидетелствуют о мне, яко отец мя посла, и пославый мя отец той свидетелствова о мне. Ни гласа его нигде же слышасте, ни видения его видесте, и словесе его не имате, пребывающа в вас, зане его же той посла, сему вы веру не емлете.

Ты же которое о себе свидетелство приводишь, яко приятна дела твоя (л. 614 об.)[2357] и кая свидетелствуют дела твоя, вся скверна и всякия мерзости полна и отступления от Бога. О сыне Божии отец свидетелствова, а о тебе кто свидетелствова? И почто не возхотел еси спасти, яко же рече Господь: Но сия глаголю, да вы спасени будете. И кто тя посла и почто не емлеши веры словеси Божию? Не о тебе ли речеся: Сынови[2358] чюждии солгаша ми.

Господу глаголющу: Но рех вам, яко видесте мя, и не веруете. Все, еже даст ми отец, ко мне приидет. А ты почто ко Господу нашему Иисусу Христу не приходиши, но своим путем ходишь? Не слышал еси писания: Овца гласа моего слушают и по мне грядут. Ты же не си от овец Христовых. Горе грешнику, во два (л. 615)[2359] пути ходящу. И инде: Удаляющийся от тебе погибнут.

Господу глаголющу: Яко снидох с небесе, да не творю волю мою, но волю пославшаго мя отца. И паки[2360] инде рече: Мое учение несть мое, но пославшаго мя. Аще кто хощет волю его творити, разумеет учении, кое от Бога есть. Или аз о себе глаголю, глаголяй о себе славы своея ищет, а ищай славы пославшаго его, сей истинен есть, и несть неправды в нем.

Тебе, славолюбче, кто посла, и откуду пришел, и чью волю творишь, и заповеди и законы кто ти повеле писати, и по чему разумети? Яко от Бога есть твое предание и учение и заповеди, и несть неправды в нем, покажи нам.

Паки Господу глаголющу: Глаголы, яже аз (л. 615 об.)[2361] глаголах вам, дух суть и живот суть, но суть иже от вас не веруют. Ведяше бо искони Иисус, кто суть неверующие и кто есть предая его. И глаголаше: Сего ради рех вам, яко никто же может приити ко мне, аще не будет дано ему свыше от Отца Моего. От сего мнози от ученик Его идоша вспять и к тому не хождаху и глаголаша: Жестоко есть слово се, и кто может послушати его. Еда и ты, отступниче, един еси от таковых отступник, возвратившихся вспять.

О[2362] них же есть писано, быша же им последняя горша первых, лучше бо бе им не познати пути правды, нежели познавшим возвратитися от преданныя им святыя заповеди.

(л. 616)[2363] Случит бо ся им истинная притча: Пес возвращся на свою блевотину и свиния омывшися в кале тинне.

Паки Господу глаголющу: Аз приидох во имя Отца Моего и не приемлете Мене. Аще ин приидет во имя свое, того приемлете. И паки инде рече: Аз[2364] еже видев у отца моего, глаголю, и вы, убо еже видесте у отца вашего, творите. Аще Бог отец ваш бы был, любили убо бысте Мене, Аз бо от Бога изыдох и приидох, не о себе бо приидох, но той мя посла. Почто беседы моея не разумеете, яко не можете слышати словесе Моего? Вы отца вашего диавола есте и похоти отца вашего хощете творити. Он человекоубийца бе искони и во истине не стоит, яко (л. 616 об.)[2365] несть истины в нем. Егда глаголет, лжу от своих глаголет, яко ложь есть и отец лжы. Аз же зане истину глаголю вам и не веруете Мне. Кто от вас обличает мя о гресе? Аще[2366] ли истину глаголю, почто вы не веруете Мне? Иже есть от Бога, глаголы Божия послушает, сего ради вы не послушаете, яко от Бога несте.

Видели свыше реченная Господем нашим Иисусом Христом, глаголюща, яко не о себе пришел, но во имя Отца своего и кто не приемлет Его, и кто приемляй во имя свое приходящаго, то есть антихриста, якоже и ваше множицею написася. И кто есть Божии и кто есть диавол, и кто есть волю Божию творяй (л. 617)[2367] и кто диаволю, и кто есть истина и кто есть ложь, и кто есть слышаяй глаголы Божия и кто есть не слушает.

П аки Господу глаголющу: Испытайте[2368] писания, яко вы мните в них имети живот вечный и та суть свидетельствующа о Мне, и не хощете приити ко Мне да живот имате. Славы от человек не приемлю, но разумех вы, яко любве Божия не имате в себе, како вы можете веровати, славы друг от друга приемлюще и славу, юже от единаго Бога не ищете, не мните, яко аз на вы реку ко Отцу, есть иже на вы глаголет Моисей, на нь же Вы уповаете. Аще бо бысте веровали Моисеови, веровали убо бысте и Мне, (л. 617 об.)[2369] о Мне бо той писа. Аще ли того писанием не веруете, како Моим глаголом веру имете.

Зриши ли, неверче, яко и Господь наш Иисус Христос везде о себе свидетелствует писанием и неверующим повелевает испытати. Испытайте, рече, писание. И тако везде свидетелствова о себе от закона и пророк, якоже свидетельствует святое и священное Евангелие. О родстве и о рождестве Христове и прочем Его спасителном смотрении[2370].

Дата добавления: 2015-08-02