Разорение 23-му вопросу и ответу. 5 страница

Тако и мы за милостыню царскую не будем кланятися, но будем Бога молити. Да которую же ли честь от царя приемлем? Се ли, что малое подание за оставление грех своих, то не дает, паче царь приемлет. Не слышал ли еси свидетелства Божию, яко сторицею приимет и живот вечный наследит, а не даяй, что имать прияти или како живот вечный наследит, аще и царь будет. Елико бо, рече, (л. 370)[1278] сотвористе менших Моих братий, Мене сотвористе. Да иже сотворив Богу, почто ныне, лицемерии, от нас истязовати чести творите царя? Не слышасте ли слова Божия, глаголюша, яко: Не сотвористе менших Моих братий, ни Мене сотвористе. И что по сих, сам разсмотри. А иже малое что сотворив Бога ради и раскаивается, которух мук достоин есть.

Паки глаголеши, ответотворче: Царь Артаксеркс рек ко Аману, ближнему своему боярину: Что зделаю человеку, котораго хочю учтить? И Аман, заючи за то, он будет учтен, отвеща: Чтоб тот человек, которой имать быти учтен, надобно (л. 370 об.)[1279] чтоб был в добросветлыя ризы и сел бы на лошадь царскую и пошел бы чрез улицы, возглашая: Так будет человеку, которого хощет царь учтить.

Добро бы было, аще бы и нашего царя государя отъял Господь сон забвения, якоже и от царя Артаксеркса, якоже пишется: Господь же отъят сон от царя в нощи оной и повеле рабу принести книги памятныя дни и прочитати, в них же написано, обрете. Иже поведа Мардохей царю о дву евнуху царьских, внегда стрегущих им, иже умыслиша убити царя Артаксеркса.

Помянул бы государь наш и нашу к ним, государем, работу и молитвы (л. 371)[1280] и слезы, якоже есть ведомо им, государем, во два моры, и превратив свое к нам немилосердие на первую любовь. И иже советующим на мя злое, сотворил бы якоже и Аману, иже приготова Мардохею виселицу в дому своем 50 лакоть, понеже[1281] Мардохей не кланяшеся Аману и зависти ради, что седел Мардохей в дому цареве. Дабы и наш государь сотворил тем, которыя душю его смущают и ненавидети нас творят, и тогда бы и нашего государя царя утишил Господь Бог, якоже царя Артаксеркса от ярости.

Паки глаголеши, совоспросниче: Кончее так зделал великии Константин святому Силивестру и Устиниан царь Агапиту, который (л. 371 об.)[1282] посвятил Мину, патриарха Цареградскаго, и Устиниян убо держал лошадь, на которой сидел Агапит, за узду, как и тыи, благочестивейший царю Алексей Михайлович, на Вербное Воскресение. Однако же не вси знают разсудить, разсуждение бо всех правд мати. Солгал ты на государя нашего и царя, что он, государь, конечно так зделал, как великии Константин святому Силивестру. Посмотри в вышеписанном к совопроснику нашему ответе написаное от заповедей великаго царя Константина к Силивестру и прочим римским папам. Есть ли малое что подобно, но ничто же. О Устиниане и Агапите, котором любо (л. 372)[1283] не свемы, в наших книгах не обретается. А что государь царь под Крутицким митрополитом лошадь водит, как государь царь изволит, хотя и ино что посадит да поведет, на ево то воли. Но Господь Бог не благоволи, ни заповеда учеником своим о сем, еже бы рекл, се творите в Мое воспоминание, якоже о хлебе и вине, и ногы умы, глаголя: Якоже Аз сотворих, и вы творите и болящих исцеляти, прокаженных очищати и беси изгоняти. И прочее.

Верховный же Петр не точию се сотворити не восхоте, якоже Христос на осля вседе, но ни смертию тою восхоте умрети, якоже Христос, но умоли мучителей, да обесится (л. 372 об.)[1284] на кресте стремглав. Аки глаголеши: Похвалился сатана в дорех, которыми Господь Бог подарил его, не умеючих утребити смирно. Господу глаголющу: Видех сатану, яко молнию с небесе спадша. Аще на рабы свою не веруи, на аггелы своя жестоко. И паки Петр верховный глаголет: Аще бо Бог аггелов согрешивших не пощаде, но пленицами мрака связав, предаст на суд мучимы блюсти. И паки Июда апостол глаголет: Аггелех же и не соблюдших своего началства, но оставлших свое жилище, на суд Великаго дне узами[1285] вечными под мраком соблюде. А яже коея ради вины спаде с небесе, Христос глаголет: И не верует (л. 373)[1286] на аггелы жестоко и предаде на суд мучимы блюсти. Послушаи Исаии: Како[1287] спаде денница заутра восиявающи. Сии бо свет создан бысть от содетеля и за светлость денница именуем. И понеже взятия на сотвершаго и Бога, противен быти тому восхотев, на небо, рече, взыду и верху звезд небесных положу престол мой. Взыду на облацех и буду подобен вышнему. Тма от произволения за таковую гордыню и бысть и глаголется.

Видели, ответотворче, яко аггелов Бог не пощаде, понеже взят ся на Бога сотворшаго и, где сниде. Тако и ныне кто вознеистовися на Бога, не даною благодатию действует, (л. 373 об.)[1288] якоже государь царь архиереиским достоинством обладает и повелевает, якоже выше писано есть, ина убо власть царю и ина архиерею, но едина другой преболе, архиерейство, глаголю, царства, якоже небо земли болши и честнейши есть, яко выше в молитвах поставления явлено есть. Архиерей убо подобник Божии и на престоле Божии седит. Царь ни в четцы, ни в подиаконы, ни во диаконы, ни во презвитеры, ни во архиереи не ставлен есть, но на царство мира сего помазан есть. И еже дарова ему власть Бог чрез архиерейское благословение, послушай. Поставляемому царю преклоншу главу и патриарх возложит на верх главы его руку (л. 374)[1289] и глаголет молитву во услышание всем. Зри, человекоугодниче, кто кому привилеи дает. Се не царь на патриаршю главу руце возлагает, но патриарх на царьскую главу. Сего ради всегда, яко долг отдая, благодетелю царь главу свою поклоняет под священническия руки. Таже глаголет архиерей во услышание всем.

Молитва.

Господи Боже наш, царь царствующим и господь господствующим, иже Самоилом пророком избрав раба своего Давида и помазав того во церкви над людми своими Израиля. Ты и ныне услыши молитву нашю недостойных и виждь от святаго жилища Твоего благовернаго раба своего царя и великого князя Алексия Михайловичя всеа Русии, еже благоволил (л. 374 об.)[1290] еси воздвигнути царя в языце Твоем святе, его же стяжал еси честною кровию единороднаго Ти сына, помазати сподобил елеом возрадования. Одей того свыше силою, положи на главе его венец от камене честна, даруй тому долготу днии, дай же в десницы его скифетро царствия, посади его на престоле правды, огради того всеоружством Святаго Ти Духа, утверди того мышцу, покори ему вся языки варварския, всей в сердцы его страх Твой, и еже к послушным милостивное, соблюди того в непорочной вере, покажи того опасна хранителя святыя Твоея соборныя церкви велениях, да судит люди (л. 375)[1291] твоя правдою и нищих твоих судом, спасет сыны убогих и наследник будет Ти небеснаго царствия.

И паки вторую молитву патриах глаголет: Тебе, единому царю веком, иже земное царство тобою ввереный, поклони выю с нами и молим ти ся владыко всех. Сохрани того под покровом твоим, у держави того царство, благоугодная Ти творити всегда того сподоби. Возсияй во днех его правду и множество мира, да в тихости его тихо и безмолвно житие поживем во всяком благочестии и чистоте.

Возглас.

Ты бо еси царь мирови и Спас душам нашим и Тебе славу возсылаем Отцу и Сыну и Святому Духу ныне и присно и вовеки веков. Аминь.

(л. 375 об.)[1292] Зри, ответотворче, в молитвах сих где есть речено, якоже во святителских, еже работати и служити, честным и причестным тайнам во святом жертвенице и предержащих престол яко подобники Твоя и на величествии престоле Твоем седяща, во еже приносити Тебе жертву и приношение о всех людех Твоих; Ты, Господи, и сего явленнаго строителя святительския благодати сотвори быти, подобника Тебе, истинному пастырю, положшаго душю свою о овцах твоих.

В царьских же молитвопоставлениях не тако: Разсмотри выше в молитвах и ныне. Ты и ныне услыши молитву нашю, недостойных раб Твоих и виждь (л. 376)[1293] от святаго жилища Твоего благовернаго раба своего царя и великого князя Алексия Михайловичя всеа Русии, еже благоволил еси воздвигнути царя в языце Твоем святе, его же стяжал еси честною кровию единороднаго Ти сына, помазати сподобил елеом возрадования. Одей того свыше силою, положи на главе его венец от камене честна, даруй тому долготу днии, дай же в десницы его скифетро царствия, посади того на престоле правды. Зри, а не на престоле величествии Твоем седяща. Огради того всеоружством Святаго Ти Духа, утверди того мышцу, покори ему вся языки варварския, всей в сердцы его страх Твой, (л. 376 об.)[1294] а не жертвы и приношения и святительства и благодати, ниже подобника Божия быти речеся. Но еже к послушным милостивное, его же не бысть. И паки рече: Соблюди того в непорочной вере, и грех ради наших ничто же есть. Покажи того опасна хранителя святыя Твоея соборныя церкви велениях, и не бысть хранитель, но разрушитель и преобидник. Да судит люди Твоя правдою, и отнюдь всюду неправда умножись. И нищих Твоих судом, и ни есть, ни именуется суд. И спасет сыны убогих, и никако же бысть, но всех сотвори сыны убогих, аще кто и бысть богат.

Таже паки во следованию поставления (л. 377)[1295] царкаго приидем. И по молитве патриарх посылает дву архимандритов да игумена болших по святыя бармы и повелевает им с налоя взяти честно на златом блюде. И как архимандриты и игумен святыя бармы к месту принесут, и патриарх повелевает трем митрополитом или архиепископом у них взяти святыя бармы на златом блюде и принести к себе, и патриарх покланяется святым бармам и потом целует их. И прием своима рукама, и знаменует ими поставляемаго царя и великаго князя, и повелевает ему, прекрестився, их поцеловати. И потом патриарх возлагает (л. 377 об.)[1296] святыя бармы на царя и великаго князя и потом благословит его крестом и глаголет патриарх: Мир всем. Архидиакон же: Главы ваша Господеви преклоните. И патриарх глаголет молитву 2-ю вышеписанную. Тебе, единому царю веком. И прочее.

И по скончании молитвы патриарх посылает всех архимандритов и игуменов по царскии венец и повелевает взяти им с налоя честно на златом блюде. И архимандриты и игумены принесут царскии венец на златом блюде к месту. И патриарх повелевает епископом у них взяти царскии венец на златом блюде да принести ко архиепископом. И (л. 378)[1297] архиепископы со всеми епископы, приимше царскии венец, принесут к патриарху на златом блюде. И патриарх, прекрестив рукою, царскии венец целует и благословит царя и великаго князя крестом, глаголя: Во имя Отца и Сына и Святаго Духа. И возлагает на него той царскии венец. И потом приим его за десную руку и поставляет его на царском месте, и благословляет его рукою, и отшед, поклонится ему мало. И потом патриарх станет на своем месте, и царь и великии князь против патриарха поклон творит, подняв царскии венец. Таже патриарх посылает по царскии скифетр архимандрита (л. 378 об.)[1298] и дву игуменов. И как архимандрит и игумены принесут той царскии скифетр к месту, и митрополиты со архиепископы и епископы у них возмут да принесут патриарху. И патриарх, приим у них той царскии скифетр, да прекрестив его рукою, и вдает его царю и великому князю, глаголет ему сице: О боговенченный царь и великии князь Алексей Михалович всеа Росии самодержец, приими от Бога вданное ти скифетро, правити хоругви великаго царства Россиискаго, и блюди и храни его, елика ти сила.

Царь же и великии князь покланяется. Таже патриарх благословит боговенчаннаго (л. 379)[1299] царя и приим его за десную руку и посадит его на царском месте.

Виждь, ослеплене умом, кто кого венчает и кто кому Божественыя по твоему привилеи дает. И како кто может дающему что дати? Аще государя царя и не аз, Никон, на царство помазал, но преждебывшии отец и брат наш святыя памяти всесвятейшии Иосиф, патриарх Московскии и всеа Русии, его же мы по Божественной благодати наследницы есмы. Таже по обычных молитвах и по здравии всех людей, послушай поучения и заповеди архиерейской ко царю.

Поучение архирейское ко государю царю и великому князю Алексею Михайловичю (л. 379 об.)[1300] всеа Русии самодержцу.

О Святем Дусе господин и возлюбленный сын святыя церкве и нашего смирения, царь и великии князь Алексей Михайлович всеа Росии самодержец. Се отныне от Бога поставлен еси боговенчанный царь и великии князь правити хоругви и содержати скифетры великаго царства Российскаго. И венчан еси царским венцем по благодати Святаго Духа и по милости Пресвятыя Богородицы и по благословению великаго чюдотворца Петра митрополита Киевскаго и всеа Росии и всея святых молитвами, и по благословению приснопомнимаго святаго отца твоего царя и великаго князя Михаила Феодоровича (л. 380)[1301] всеа Росии самодержца, и по данней нам благодати от Святаго и Животворящаго Духа рукоположением нашего смирения с митрополиты и со архиепископы, и с епископы Руския митрополии и со всеми священными соборы во святей велицей церкви Успения Пречистыя Богородицы у чюдотворных гробов великих чюдотворцов Петра и Алексея и иконы митрополитов всеа Росии и прочих святых митрополит Руския митрополия в царьствующем твоем граде Москве.

И ты, господине и сыну, боговенчанный православный царь и великии князь Алексей Михайлович всеа Росии самодержец, имей страх Божии в сердцы и сохрани веру христианскую греческаго закона (л. 380 об.)[1302] чисту и непоколеблиму, и соблюди царство свое чисто и непорочно, якоже ныне приял еси от Бога, и люби правду и милость и суд правый и к послушным милостивное. Ко святей же соборней церкви и ко всем святым церквам имей веру и страх Божии и воздавай честь, понеже в ней царю второе положен еси от святыя купели духовным своим порожением, и ко святым честным монастырем велию веру держи по данней ти от Бога царстеи власти. К нашему же смирению и ко всем своим богомолцем о Святем Дусе царское свое духовное повиновение по Христову евангелскому словеси, ко святым своим учеником и апостолом глаголющу: Слушаяй вас, (л. 381)[1303] Мене слушает, а отметаяйся вас, Мене отметается, отметаяи Мене, отметается пославшаго Мя. И сего ради ведяще и се, елико кто честь воздает святителю, и та честь самому Христу восходит, от него же и мзды приимут сторицею. Братию же свою по плоти, о благочестивый и боголюбивый царю, люби и почитай по царскому своему союзу, по Божественному апостолу: Любяй бо, рече, брата своего, в Бозе пребывает и Бог в нем. Боляр же своих и велмож жалуй и береги по отечеству их, ко всем же князем и княжатам и детем боярским и ко всему христолюбивому воинству буди приступен и милостив и приветен (л. 381 об.)[1304] по царскому своему сану и чину.

Всех же православных християн блюди и жалуй и попечение имей о них от всего сердца. За обидимых же стой царски и мужески, не попускай и не давай обидети не по суду и не по правде. Се бо, о царю, приял еси от Бога скифетро правити хоругви великаго царства Росиийскаго и разсудити и управити люди твоя в правду. Блюди и храни бодрено от дивиих волков губящих е, да не растлят стада Христовых словесных овец, от Бога даннаго ти и врученнаго содержати скифетро, по воли Его стой и по вашему исконному царскому жребию и отечеству того великаго Российскаго царства.

(л. 382)[1305] И паки глаголю ти, боголюбивый царь, блюди с Богом и храни, елика твоя царьская власть и сила содержит, покрываем вышняго десницею и храним благодатию Святаго Духа от всех врагов твоих видимых и невидимых. Глаголет бо Господь пророком: Аз воздвигох тя, царя, с правдою и приях тя за руку и укрепих тя. Сего ради слышите, царие и князи, и разумеите, яко от Бога дана бысть держава вам и сила от вышняго. И сего ради подобает приемше от вышняго повеления правление человеческаго рода православным царем, не токмо о своих пещися и свое житие точию правити, но и все обладаемое от треволнения спасати и соблю(л. 382 об.)дати[1306] стадо его от волков невредимо, и боятися серпа небеснаго, и не давати воли злотворящим человеком, иже душю с телом погубляющих, якоже бо солнцу на земле не сущу, темно суть все и не разсудно. Сице и наказанием души не сущи, размешено все, едина бо точию добродетель от стяжания безсмертна суть. И паки ти глаголю, о боговенчанный царю, цело имей мудрование православным догматом, почитай излише матере твою церковь, яже о Святем Дусе тя воздои, да и сам будешь от нея, и священника стыдися, яко отца духовныя, ходатаи к Богу, честь бо священническая на Бога восходит, (л. 383)[1307] тако, иже на них безчестие, множае паче Бога прогневает. Языка же льстива и слуха суетна не приемли, царю, ниже оболгателя слушай, ни злым человеком веры емли. Смотряй в себе, о боговенчанный царю, яко всем человеком мудрость честнейши есть и всем тщателнейшим, вси бо ту яко благу похваляют. И любомудру ти быти подобает или мудрым последовати, на них же воистину, яко на престоле, Бог почивает. Не тако красная мира вся, якоже добродетель красит царя. но зри доброту духовную и раздавай саны туне, а не дарех продавай власти, еже бо ценою купивый власть, (л. 383 об.)[1308] множае паче обладаемыя купует, яко мздовозданию надеяся, ко мздоприятию без боязни зрит. Аще бо и неприступен еси царю нижняго ради царства, но удобь приступен буди горняя ради власти, но имаши и сам царя, иже на небесех. Аще убо он всеми печется яко Бог, сице потребно есть тебе, царю ничто же презирати. Тщися, о боговенчанный царю, не точию сия царства исправити нравы благими, но и небесная наследовати добродетелными благодеянми. И аще хощеши милостива имети себе небеснаго царя и Бога, милостив буди и ты, царю, ко всем, да и зде добре и благо поживеши (л. 384)[1309] и царствуеши во веки веком добрым царским слухом зде, а тамо славою со аггелы Божиими прежде воскресения и Страшнаго Суда силою творца и премудростию искупителя и Духа Святаго благодатию. Возмогай, о благочестивый царю, о Христе и паки возмогай, да и наследник будеши небеснаго царствия со всеми святыми православными цари, да возможеши со дерзновением рещи во второе пришествие Господа Бога и Спаса нашего Иисуса Христа: Се аз, Господи, и людие твои, их же ми еси дал великаго Твоего царства Российскаго. И тогда, о благочестивый и боговенчанный царю, и сам услыши сладкии он глас небеснаго царя и Бога: Благии раби, добрый и верный, (л. 384 об.)[1310] россиискии царю и великии князь Алексей Михайлович всеа Росии, мале ми бысть верен, над многими тя поставлю. Вниди в радость Господа своего и тогда, царю, внидеши во Царство Небесное со всеми святыми и приимеши неувядаемый славы венец, по Божественному апостолу: Их же око не виде и ухо не слыша, и на сердце человеку не взыде, яже уготова Бог любящим Его. И тогда, боговенчанный царю, против своих царских подвиг и трудов приимеши от Бога мзду сторицею и начнеши царствовати со Христом в Небесном Царствии, со аггелы и всеми святыми славити Бога, в Троицы певаемаго, и веселитися с ними в без(л. 385)конечныя[1311] веки. Буди же с тобою, боговенчанным и православным царем, и нам получити Царство Небесное, благодатию и человеколюбием Господа нашего Иисуса Христа, с ним же Отцу купно и Святому Духу честь и поклонение ныне и присно и в веки веком. Аминь.

И потом патриарх благословляет царя крестом и паки глаголет ему: Боговенчанный царю и великии князь Алексей Михайлович всеа Росии самодержец, буди на тебе милость Божия и Пречистыя Богородицы и сила Честнаго и Животворящаго Креста, и великих чюдотворцов, и всех святых молитва и благословение, да и нашего смирения молитва и благословение, (л. 385 об.)[1312] всего священнаго собора Руския митрополии отныне и до века и во многия роды и века, и на твоей богодарованной матере, великой княгине и царице, и на ее богодарованных царьских чадех. И умножит Господь Бог лет живота царьства вашего, и узриши сыны сынов твоих, и устроит Господь царство твое, и возвысит Господь царскую десницу надо всеми твоими недруги и враги, и устроит Господь Бог царство твое мирно и вечно в род и род и навеки. И вси людие рекут: Будет и будет многолетно.

Таже бывает литоргия, и на литоргии по пренесении святых даров возлагает (л. 386)[1313] патриарх чепь златую аравийскаго злата и святый крест з животворящим древом. И прежде совершения святыя литоргии по причастии тела и крове Христовы, помазует патриарх елеом святым царя, яко чин показует.

Видел ли еси, ответотворче и человекоугодниче, что откуду начало приемлет? Не от царства священство, но царство от священства. Елико святыя молитвы и елико священное деяние и заповедание архиерейское показует, что противу сим наша винность пред царем государем и что суть царская правда.

В молитвословии глаголется: Опасна хранителя святыя церкви твоея, которое хранение разве разорения. Како и древнии уставы гречестии поведают сице: Два меча (л. 386 об.)[1314] владычествовати, иже есть духовный и мирский во представителство людей своих Господь Христос в церкви утвердил, от них же архиерей духовный, царь же мирский. Помыслил ли кто, еже во ня язвление того проуставлено в сих показуется. Аще которые архиереови не хощут быти послушны от царя, в послушание имут быти принуждени, такожде убо от архиерея, которыя бы царя послушати не восхотели, идеже употребление будет, а сия меча суть владычества и суды двоякия, духовныя и мирския, убо яко мечем мирским казнь имутзлодеи. Такожде духовным мечем души грешныя бывают удержани, ту бы кто могл промышляти, аще владычества духовное и мирское теми двема (л. 387)[1315] мечами содержится, который убо от них выщий и достойнеиши. Едини разумевают тако, иже бы царь выщи был, неже архиерей, тыя сумнения своего тако подкрепляют. Первее. Яко господьство ни от кого инаго не походит, токмо от Господа Бога. Второе. Егда бы архиерей имел быти выщи нежели царь, тогда бы и начатки шли от него до архиереа, чего не бывает. Над сими же царь во время дар победы от церкви емлет, а не архиерей. До сего и то прииде, яко цареви дан есть меч предстателство закона, правды, вдов и сирот, им же и судити всякия вещи может, чего архиереови не благоизволено. Якоже слышим о святем Петре, ему же избавитель рек: (л. 387 об.)[1316] Вложи меч твой в место его, хотяще всем показати, дабы со властию мира сего не общался и сим помышления своего тощно ограждают. Противу сего суть нецыи тако утверждают, яко архиерей выщи есть, неже царь. И тое убо толкуют сице, яко Господь Бог архиерею великому даде обое владычество и мира сего и духовную судитися в том, яко Господь Иисус Христос святым апостолом рек: Аще кого свяжете на земли, будет связан на небесех. И сие восхоте распространити на вси тыя наместники. И глаголаша же, яко архиереови дана есть власть на небеси, яже есть достойнейша, нежели мира сего. Се уже известнейше архиерей вышшим имать быти (л. 388)[1317] над сими же, яко архиерей во время и меча и суда мирских потребует, может то творити, что царь обыкл творити, творит бо законы православными. Еще же к тому сице, еже царя архиерей поставляет и мощен его и вязати по заповедем Божиим, аще бо священницы, им же царие исповедуют греси своя и наричют их отцем духовным, могут и вязати, колми паче архиерей великии, иже над священником, царевым отцем духовным, власть имея, должне есть царя вязати и решити. Царь убо при помазании на царство должен есть исповедатися, правду разпространяти, неправду же сокрушати, но отложити сопротивление, со обою страну служащее, буди ведати, како тое (л. 388 об.)[1318] противное совопрошение разрешити, иже в вещех духовных во славу Божию подлежащих, архиерей есть вышши нежели царь. Тако бо суд духовный содержит, но в тех, яже в заступлении мира сего належат, не мнее до службы Божией прилежат, между же собою противления не имут. Обаче архиерей в суде мирском пристяжание имать для лучшаго исправления и в пристойных вещех. Царь же не к тому в церковных и священных правлениих, якоже выше есть писано, ибо естьли царь не творит ему пристойнаго в божественных законех, такожде и архиерею возможно быти противу его запрещати, не яко противу царя, но яко противу изступленаго от закона. Власть же (л. 389)[1319] и владычество церкви христианстей вящи процвете во время великаго Константина царя: иже был от святаго Селивестра папы крещен и от болезни уздравлен[1320] той, егда знамением животворящаго креста, егда виде на небесе Максентия победил, и иныя мучители отгнал. Царство же Греческое и Римское умирил, творяще обещанное моление к Богу палату свою, юже Латеранску палату в Риме зовут, даровал Селивестрови и наместником его верховных святых апостол Петра и Павла нарек. Потом и венец со главы своей и багряницу и иное всякое одеяние царское на него возложил. Над сими же дал ему скипетр царскии и все знаменование и чин престола царского, (л. 389 об.)[1321] яко разнейшими достоинствы удобрено было воинство его. Такожде и иереи церкви святей христианстей учтити и украсити повелел, такожде и иныя архиереи по достоинству почтил, над сими же поставил, дабы он, достойнейшии пастырь и его наместники венцем, который со главы своея дал, от злата честнейшаго з драгим камением утвореный, венчани были. И сия вся вящия ради почести святаго Петра над сими всеми[1322] христианский царь во знамение великого покорения[1323] коня за узду под папоюСеливестром приимал. Потом вручил ему Рим и вся Волоскую землю во область даровал. Царский свой престол пренесл на восток солнца и тамо (л. 390)[1324] славное место, его же потом во имя свое Константинополь нарече, сотворил. Аще бы кто рекл, како оттуду между некиими сомнение возрасте, еже та два меча христианского царства между двема особы разделилися, еже есть при архиерействе меч духовный, при царе же меч мира сего уставися. Кто абие от тех обою вышши есть, от нею же разное суть помышление людей. Тако приимем первее разумение ученых в законе духовнем, яже утверждают, яко власть царская имать быти повинна власти архиерейстей. И тое тако подкрепляют[1325] и толкуют, власти архиерейстей поручи Господь Бог ключи Царства Небеснаго и дал ей силу на земли вязати и решати. К сему же (л. 390 об.)[1326] архиерейская власть духовная, царская же мира сего дана есть ему, и вещи власти небесныя, сиречь духовныя, изряднейши суть нежели мира сего или временныя.

Сего ради явнейше царь имать быти мнее архиерея и ему в повиновении. Зане и сие глаголю, яко духовенство есть людие избраннии и помазани Духом Святым. Аще ли вси христиане архиереом послушни быти повинни, колми паче той, которой послушание архиереом иныя не покоряющаяся мечем приводит, повинен есть послушание имети.

Второе разумение то есть, яко архиерей силу и власть творити, что належат к суду цареву, еже есть правыми законы во обоем, сиречь в законе сира сего и в духовнем судити (л. 391)[1327] и управляти возможет. Еще же царь повинен учинити исповедание[1328] веры пред архиереом. Он же его исповедание послушав, должен разсудити, аще добре верует и несть клятве достойно. Обаче сие еще вящи могло поведатися на обу строну, но дабы в должайшую беседу не вдавали, приступим к сему.

Како бы тое себе противное разумение соединити и власть коегождо истинно показати и тако замкнение сопротиворечия будет. Господь Бог всесилный, егда небо и землю сотворил, тогда два светила, солнце и месяц, на нем ходяще, на земле светити повеле, има же нам показа власть архиерейску и царску. Солнцем показал есть власть архиерейску, месяцем же (л. 391 об.)[1329] показа власть царскую, ибо солнце вяще светит во дне, яко архиерей душам, меншее же светило в нощи, еже есть телу. Якоже месяц емлет себе свет от солнца и егда далее от него отступует, тем совершеннейши свет имать. Такоже и царь поемлет посвещение помазание и венчание от архиерея, его же абие восприимет, уже имать свое совершенное светило, еже есть и святейшую силу и власть. Таковое есть то разньствие между тыма двема лицема во всем христианстве, яковая есть между солнцем и месяцем, ибо архиерейска власть во дни, еже есть над душами, царская же по вещех мира сего и сия власть, еже есть меч царскии, имать готов быти на неприятели веры пра(л. 392)вославныя[1330], того бо архиерейство и все духовенство потребует, еже их обороняти от всякия неправды и от насилования, то мирстии творити повинни, убо и духовных мирстии для душевнаго избавления и мирских духовнии для обороны потребуют. И тако несть в том един другаго вышши, но киийждо имать власть от Бога. Извествовано есть выше, яко духовенство избранный народ есть, по сему и то имати разумети, яко в закон духовных, еже есть крещение, исповедание и прочая таинства церковная, рукополагают главу, еже есть помазуют благодатию Духа Святаго церковников, мирским же ни. Егда убо поставляют царю, тогда его крестообразно на раменех и сие показует (л. 392 об.)[1331] разньство собства мира сего и духовней. А еже архиерей царя венчает и освящает, тогда то творит виною чина своего. Тем же царь показует доброволное послушание архиереови, ибо аще бы от него и поставлен не был. Обаче бы был царем, достоинства царского достает мечем, имене же царского освящением архиерейским, его же архирей сотворити виновен.

Ведати[1332] подобает, яко не вредит закон царскии ни в чем закону духовному, понеже в вещех духовных воля царская не имать быти выше закона духовнаго, ниже что пристойнаго в церкви царь того проуставляти или властелствовати имать. Такожде разумети должно и о архиереох и о правилех духовных, (л. 393)[1333] яже повелевают содержати и престрегати законов царских, ибо един единаго законы подтверждают, никто же имать правилам церковным и законом царским и отец святых учению противитися или отвещати что. От сего разумети можеши, яко в когождо от них уразумети, но и паче что яко душевному избавлению, в вещех духовных належащих, в сих архиерей великии вышши царя. И кииждо человек православный Патриарху[1334] в послушание повинен, понеже он есть отец наш в вере православней, ему же вверена православная церковь. Ведати подобает, якобы их власть едина и равна была, и при коемждо его чин и соизволение утвержалася и кииждо от них (л. 393 об.)[1335] виною своею имать сохраняти чин свой, якоже ему о матери святыя православныя церкви предано. И иже бы аще един от них преступил, повинен есть правилным законом. Царя егда изберут, первее должен веритися, яко правду творити, неправду искореняти силою своею и уверение его тако имать быти сими словесы: Уверяюся Господу Богу Вседержителю и единородному Его сыну Господу нашему Иисусу Христу и Святому Духу и Пречистей Богородицы и приснодевей[1336] Марии в четыре Евангелия, его же в час сей в руку мою имам пред святыми архаггелы Михаилом и Гавриилом, яко хощу чисту совесть и верну службу сохраняти Господу моему, светлейшему Господу, Господу Иисусу Христу, (л. 394)[1337] еже мне в час сей вручено от него чин и достоинство всяких трудов и службы во благих Его, яко бы аще что и тяжестно не отрицатися. Такожде хощу всем мне порученом достоинстве всяких злых наук и неправд хранитися. Еще же исповедаюся, яко есмь человек православныя веры христианин, ей же никогда которым обычаем противитися не буду и инем не попущу, елико силы дал ми есть Бог. Еще же того достоинства никакими дары, ни обещании приимую, хощу же изрядно и пристойно с поддаными Господа моего пребывати и довольствоватися теми доходы, которыя ми суть назнаменаны. Устав же и чины царства сего умети и сохраняти хощу и того не отступаю (л. 394 об.)[1338] для любве и милосердия, благоиметелства государьства того мне врученая и ввереная в целости сохранити хощю, подданы от злых людей и неправд заступати, на судех правдивым судиею быти, правды держатись. Сия вся обещаваюся содержати и хранити, инако же не творити. Аще ли что от сих преступлю, да воздастся мне немилосердый суд Господа нашего Иисуса Христа, да буду участником со Июдою и да приидет на мя проказа Иозиина и трепет, яко на Каина, и меч кленущихся во лжю. Сия вся да приидет на мя. Тако древнии устав о царех новопоставляющихся поведает пять знаменовании, их же имать собственне царь. Патриарх в посвящении, егда венчан будет, первый есть венец, его же ему возлагает (л. 395)[1339] на главу, знаменует же, якобы венец с неким облаком над главою, иже имать четыре лилей или цветы[1340] во образ того, яко царь кроткии изрядный богобоязливый имать быти, такожде и иныя люди, яже суть от четырех стихий благостройне водити имать. Такожде има быти покорный, милосердый на добрыя, милостивый и не гневливый, яко лилия между цветы есть. На том венце есть крест во знаменование, ко да памятствует, еже сть на царство венчан над всеми людьми, их же Сын Божии на кресте искупил.

Дата добавления: 2015-08-02