Собора 4-го Вселенскаго правило 9. 6 страница

Да где есть Христово слово, да власть имать царь над церковию? Христос глаголет: Дасть Ми всякая власть на небеси и на земли оставляти грехи. И паки рече: Его же свяжеши на земли, будет связан на небеси. Кому же таковая власть дана есть? Слашал еси, яко святым апостолом и по них приимником тех архиереом, а не царем. Царь здешним вверен есть, а аз небесным. Царь телесем вверяем есть, иерей же душам. (л. 209)[770] Царь долги имением оставляет, священник же долги согрешением. Он принуждает, а сей утешает. Он нужею, сей же советом. Он оружия чювствена имать, а сей духовная. Он брань имать к сопостатом, сей же к началом и к миродержителем тмы века сего. И сего ради священство царства преболе есть. Дивно есть, како человеколюбие Божие терпит, еже ныне не точию царь сам святительства на ся восприял, но и вси, во власти его сущии, то творят.

Н е слышал ли еси, что случися древле Дафану и Авирону и Корею, воставшим на Аарона, якоже писано есть: И прогневаша Моисея в стану (л. 209 об.)[771] и Аарона святаго Господня[772], отверзеся земля и пожре Дафана и покры на сонмищи Авирона, и разжеся огнь в сонме их пламень попали грешники.

П ослушай же и еще, что бысть Саулу, первому царю во Израили.

И [773] бысть глас Господень, к Самоилу глаголя: Раскаяхся, яко помазал Саула на царство, понеже отвратися от Мене. Что же отвращение Саулово; понеже, рече, словес моих не соблюде.

И урани Самоил, идяше на стретение израилтяном заутра, и возвестиша самуилу, глаголюще: Приближается Сал в Кармил, и се уже ослабе ему рука, и возвратися со оружием в Галгалы. И прииде Самоил к Саулу, и сей той сам возно(л. 210)[774]сяй всесожжения Господу первые корысти, иже взя на аммалицех. И прииде Самоил к Саулу, и рече ему Саул: Благословен ты Господу, сотворих бо все, елико ми глагола Господь. И рече Самоил: Что есть глас стад сих во ушию моею и глас говяд, еже аз слышу? И рече Саул: От Аммалика яз пригнахом, яже собраша людие силнеишая паствиня, яко пожрети яз Господу Богу своему, а прочая избих. И рече Самоил к Саулу: Пожди, возвещу ти, еже глагола Господь ко мне в нощь сию. И рече ему Саул: Глаголи. И рече Самоил к Саулу: Еда не мал ты бысть пред ним и не властелина тя поставих хоругви колена Излаилева, и помаза тя Господь на царство, (л. 210 об.)[775] на царство Израилево, и посла тя Господь путем, и рече ти: Иди, искорени Аммалика и не помилуй согрешивших предо мною, и победися с ними до скончания их. И почто не послушал гласа Господня по всему, елика ти глагола, но устремися на корысть пожоети ю. Еда ли быша и угодны Господу всесожжения и жертвы, но лутчи есть послушати гласа Господня. И уне есть жертвы благи послушание и паче тука овня, яко убо грех есть чарование, тако грех есть противление, яко грех есть идолопоклонение, тако грех есть преступати заповеди Господня, и уничижит тя Господб, не быти тебе царю (л. 211)[776] во Израили. И по мале. Отъят Господь царство Израилево от руку твою денст.

В идели, ответотворче, глагол Божии, а не человеч, яко властелина тя поставих хоругви колена Израилева и помаза тя на царство Израилево, а не жертвы и всесожжения приносити, предъявляя, яко священство болши есть царства. И еже пожелал болшее, сущее свое погубил.

Н оли сего не доволно ти ко указанию. Царь[777] Иозия вниде в храм Господень, не послуша священника, хотя покадити, глаголя, Понеже праведен есмь, преподобне еси. Но пребывай внутрь устав своих. ини уставы царьствия и ини уставы священничества, но сие есть более оного. Вниде же (л. 21 об.)[778] Азария иерей во след его, ибо еда всуе глаголах, яко болши есть царя священник, не бо яко царя хотя изгнати, но якоже изгонника и раба неблагодарна. Сице привниде с зелостию, якоже некии пес доблествен притек на нечистаго зверя, яко того изгнати от владычния храмины.

В идели душю иереову дерзновения исполнену многа и мудрования высока, не поблюде на началства величество, не помысли, колико душю, похотением пиану сущу, удержати, не слыша Соломон, глаголюща: Прещение царево подобно ярости лвове, но ко истинному Царю Небесному поблюде и судище помыслив оно и воз(л. 212)[779]даяние и сам себе помыслы утвержь. Сице наскочи на мучителя, ведяше, убо ведяше яве, яко прещение царево подобно ярости лвове, иже к земли блюдущиму человеку мечтаемому и приготовлену душю внутрь в невходных отдати, нежели священныя законы презрети, ругаемы. Пса всякого немощнейший есть он. Н ичто же бо не мощнейший от иже Божественыя законы преобидящаго, якоже убо ничто же крепчаиши от иже Божественыя законы отмщающаго. Иже бо грех творяй, раб есть греху, аще и тмами на главе венца имать. А иже правду делаяй, самого царя царственнейши есть, (л. 212 об.)[780] аще и всех последнеиши будет. Сия в себе любомудрствова доблии он, привниде цареви, совнидем и мы, аще мнится, яко да видим, что цареви беседует, не мало есть ползования слово обличаема видети от священника царя, что же бо рече священник. Н е лепо ти есть покадити Господеви. Не именова его царя, ниже от началственаго нарече его имени, понеже бо сам себе предварив, изгна от чести.

Ч то убо Бог, понеже священник преобиден бысть, и слово священничества попираемо бе, и ничто же можаше к тому священник. Священника, еже обличити точию есть и дерзновение показати, а не оружия (л. 213)[781] подвизати, ни щиты похищати, ни копия потрясати, нилук наляцати, ни стрелу пущати, но точию обличати и дерзновение показавати[782]. И понеже обличаше иереи, не повину же ся царь, но оружия подвизаше и щиты и копия и областию приемляше своею. Иерей рече: Аз свое сотворих, ничто же множае могу. Помози священству попираему, закони преобидими суть, уставы превращаеми бавают. Что убо человеколюбец Бог абие яви проказу на челе ему, идеже безстудие ту и мучение.

Видели человеколюбие Божие и мучение, не тресновение попусти, ни землю потрясе, ни смути небо, но израсти (л. 213 об.)[783] проказу не на ином месте, но на челе, яко да мучения показание носит. Да якоже на столпе писмена суть лежаща, ни бо ради того бы[784] суть, но за иже по Дафане и Авироне хотящих со Аароном священствовати, еже земля проседесь, пожре. Могии бо достоине мучение навести, не наведе.

Сия же глаголю, не царя укоряющи, но иже возношением и яростию пияны бывающая, да навыкнеши, яко священство царства болши есть. Изыде Иозия, всем в показание бывая, очистися святилище и изгоняшеся, никому же поревающу его и хотяше свяшенство взяти, и еже имяше, погуби.

Мати твоя есть, наяснеишии царю, (л. 214)[785] церковь Божия, и как должне ты еси почитати матерь свою, которая тебя родиоа, также должен ест возлюбити и почитати духовную свою матерь, которая тебя родила во купели святаго крещения и которая тебя помазала на царство маслом и хризмою радости.

В елми возлюбил царь духовную свою матерь церковь Божию толко не таковою любовию, яковою любовию возлюби Христос, иже бе предаст за ню, на себе тую обручи и елико нас, нищих, от сосец своих питтала, себе пищу сотвори и сущим с собою.

Послушай же, ответотворче, страшнаго владыки и царя к таковым страшное речение (л. 214 об.)[786] в притчи. К то[787] убо есть верный раб и мудрый, его же поставит господин его над домом своим, еже даяти им пищу во время их, блажен раб той, его же пришед господин, его обрящет тако творяща. Аминь, глаголю вам, яко над всем имением поставит его. Аще же рчет злый раб в сердцы своем «коснит господин мой приити» и начнет бити клевреты своя, ясти же и пити с пияницами, приидет господин раба того в день, в он же не чает, и в час, в он же не весть, и протешет его полма и часть его с неверными положит, ту будет плач и скрежет зубов.

Г осподу паки вопиющу: Алчен[788] бех, (л. 215)[789] и напитасте, жажден, и нопоисте. И прочая. Что же к не сотворшим милости в День Судный речет? Т огда, речет сущим ошую Его, идите от Мене, проклятии, во огнь вечный, уготованный диаволу и аггелом его. Взалках бо, и не дасте Ми ясти, возжадахся, и не напоисте Мене, странен, и не введосте Мене, наг, и не одеясте Мене, болен и в темницы, и не посетисте Мене. Тогда отвещает им, глаголя: Аминь, глаголю вам, понеже не сотвористе единому си же менших, ни Мне сотвористе. И идут сии в муку вечную.

А иже сам не сотворивый, но и унех насилством и властию отъят (л. 215 об.)[790] и во своя потребы изнури, таковых таковии мук повинни будут.

П равило святых апостол 59.

А ще[791] который епископ или презвитер некоему причетнику, убогу сущу, не подаст протребных, да отлучится. Пребывая же немилостив жа извержется, яко убиица есть своему брату.

Т олкование.

Ц ерковное богаство убогих богатство Святое Писание именует, и подобает раздавати его убогим. Аще бо инем требующим раздавати церковнии властели должни суть, якоже пишет, колми паче сущыя под ними причетники миловати и даяти им потребная должни суть. Сего же (л. 216)[792] не творящии да отлучатся, пребывающии же неисправлени да извергутся, понеже сами быша братоубиицы, ибо, не имея потребных на составление живота, умирает, аще убо и не умре он, от инуду Божественому промышлению, даровавшу ему потребная животу.

Р азорение 21-му вопросу и ответу.

Т ы глаголеши, совопросниче, естьли архиерей и бояре, которые не бьют челом и не приводят к тому царя, чтоб учинил в ттом деле, совершенной и исправление имеют грех, потому что не дают совету, чтоб было лутчи.

П очто, оставя свет, ко тме отходиши, оставя святыя еавнгельския заповеди и святых (л. 216 об.)[793] апостол и святых отец правила.

Г осподу глаголющу: Что[794] же зовете Мя Господи, Господи, и не творите, яже Аз глаголю.

В сякому[795] слышащему слово царствия и не внимающу, приходт лукавый и восхищает сеянное в сердцы его. И прочая. Б людите[796] ся, како опасно ходите, не яко не мудри, но яко премудри, искупующе время, яко дние зли лукави суть. Сего ради не бывайте безумни, но разумевающе, что есть волю Божия святая и угодная. Б ога исповедают, делы же Его отмещутся. мерзцы суще и непокоривии и на всяко дело неискусни.

Я ко [797] о неключаемых кому не достоит испытовал. И по хлебе тогда вниде (л. 217)[798] в он сатана, глагола ему Иисус: Еже твориши, твори вскоре. Сего же никто же не разуме от возлежащих, к чесому рече ему. О ви[799], убо сошедшися, вопрошаху Его, глаголюще: Господи, аще в лето сие устрояеши царство Израилево? Рече же к ним: Несть ваше разумети времена и лета, яже Отец положи своею областию.

С обора, иже в Лаодикии, правило 13.

Н е избран епископ, иже мирскими человеки избран будет.

Т олкование.

С удом и избранием митрополита и сущих во области епископ поставляем бывает епископ. Аще же кто не тако возведен будет на епископство, но мирскими людми избран, не избран есть и не приятен.

(л. 217 об.)[800] Т акоже и святаго 7-го Вселенскаго собора правило 3. Т ы же, ответотворче, глаголеши, велми согрешают и зело, потому что не разсуждают добраго общаго дела, толко оставляют церковь в смирении, когда мощно было им отверсти такой позор, и так не показуют ревность и любовь к такому великому патриаршескому чину. И в том показуются непохвалны для того, кто возможет добро творити, а не творит, тот не похваляется ради нерадения.

В сем ли ты един ответ твориши, ответотворче, архиереом и бояром, или единым коим, изорцы. И бояром уже реченно есть к сово(л. 218)[801]проснику всем вкупе. Архиереом ж власть есть, по благословению святеиших влесенских патриарх, по соборному деянию тех, еже есть выше писано, и по грамотам данным запечатаными печатми и за подписанием рук 83-х архиерей. По смерти коегождо патриарха иного поставляти, якоже 1 2-го собора в церкви святыз апостол правило 16 утвержает. Ни по которому образу да не взыдет кто на епископю, ея же епископ жив есть. И се жив есмь. Тот умер от жизни вечныя, от ково изшел есмь. Есть же епископское утвержение еже на избрании коегождо их. С обора Карфагенского по 18 правилу (л. 218 об.)[802] и по 2-й главе новых заповедей царя Иустиниана, и Градскаго закона грани 28 главы вторыя за подписанием рук тех.

В начале же писания того.

С ие пишу своею рукою и своим разумом, исповедаяся пред Богом и избранными Его аггелы, правую и непорочную нашу христианскую веру, уставленую на 1-м Никейском и на 2-м Вселенских соборех, еже есть сице. В ерую во единаго Бога Отца. И прочая. К сим же приемлю апостольския правила и святых седми Вселенских и поместных соборов, и их же они отвратишася, и аз отвращаюся, Еще же (л. 219)[803] и церковный мир исповедаю соблюдати и ни единым нравом противная мудрствовати.

В сем во всем солгали пред Богом и избранными Его аггелы. Обещалися правила святых апостол и святых отец соблюдати и церковный мир. и ничто же соблюдаша. О них же несть времени зде написати. Аще потреба будет, особно речем. Ныне же нужнейшая точию речем. В правилех святых апостол нигде же есть, ни в седми вселенских соборех написано, еже бы своего митрополита свои епископи судили, нежели патриарха. Четвертаго же Вселенскаго собора 9-е правило не оставляет ни митрополитом митрополита судити (л. 219 об.)[804] развее своего патриарха или Константинополскаго патриарха.

И егда случися нам некоего ради гнева царьскаго дати место гневу, по заповеди Господни писанной: А ще гонят вы во граде сем, бежите во ин град. Якоже и сам Христос Бог наш со бою показа образ, в пеленах суще, бегал Иродовы злобы и святии апостоли[805] Петр от темницы и Павел от Дамаска. Якоже пишется в Деяниих святых апостол сице: И якоже же бысть стремление языком же июдеом с началники их досадити и камением побити их[806], уведавше же, прибегоста во грады Ликаонския, в Листру и Дервию, и иже во окрестных (л. 220)[807] и ту беста благоденствующе.

О прочих же святых бегающих вселетныя книги прочти памяти их, тамо известно увеси, како бегали и от какия злобы.

Тии же митрополиты и архиепископы обещалися во всем последовати и повиноватися вселенским святейшим патриархом и по них и нам, отцу своему, еже и по нас бывающим благоволением Божиим святейшим патриархом. И не сотворити им ничто же по нужди ни от царя и великаго князя, ни от бояр или от князей многих, ни от множества народа, аще и смертию воспретят или служити велят или святителское творити в чюжей ми(л. 220 об.)[808]трополии во всех властех кроме епархия, данныя ми Отцем моим, или отшедшу ми в которую страну чюжую, не действовати ми священная без позволения Отца моего Еще же и на том обещеваюся, внегда позвати мя Отцу моему и всему священному собору, без всякого слова приходити на собор. Еще же и на том обещеваюся, хотя мя князи держати или боляре или множество народа, не ослушати ми ся повеления Отца моего и всясвященнаго собора и еже по них бывающих святейших патриархов. Еще же и на том обещеваюся, не хотети ми приимати иного патриарха, развее святыя Восточныя (л. 221)[809] церкви греческаго закона по Божественным священным апостолским правилом и по святых Вселенских седми соборов. Аще ли же сотворю что тако вышеписанных без повеления и без грамоты или преступлю что едино от сих всех написанных зде, лишен буду сана своего без всякого слова.

В идел ли еси, каково обещание дали перд Богом м святыми Его аггле и пред свем священным собором и пред государем царем и пред всем сигклитом и множеством народа? Что же сохранили? Ничто же, во всем солгали. Обещалися последовати святейшим Вселенским патриархом, Вселенския па(л. 221 об.)[810]триархи на Москве патриарш престол утвердили быти по правилом святых апостол и святых отец и яко главу всем почитати указали, и без ттого воли ничто же не творити, и по смерти иного избирати. Тии же чрез их утвержение, не испытав о нашем отшествии, сошедеся по царским грамотам, собор составили чрез правила святых апостол и святых отец седми Вселенских соборов, якоже свидетелствует беззаконное их деяние, яко ничто же есть от апостолских или святых отцов правил, но от инех неких списано, чрез Седмаго Вселенскаго собора перваго правила утвержение. И того ради (л. 222)[811] повинни вси святых апостол и святых отец правилом и Вселенских патриархов утвержение и своему обещанию.

Н игде, ни в которых правилех не обретается митрополитом митрополита судити, развее епископа и не менее 12, тии же новое беззаконие собором своим сотворили и на патриарха суд изнесли.

В о обещании их написано: и не сотворити им ничто же по нужди царя и великаго князя, ни от бояр или от князей многих, ни от множества народа, аще и смертию претят, веляще служити или святительское творити, кроме данныя им епархии. И то ведомо и самому государю царю и всем (л. 222 об.)[812] князем и бояром, понеже пред царем и всем сигклитом такое исповедание бывает, ниже царю государю лепо по них грамоты для такова дела посылати.

С обора, иже во Антиохии, правило 11.

Е пископ или презвитер или диакон, сам о себе к царю приходя без повеления сущаго во области митрополита, с причащением сана да отпадет.

Т олкование.

Н епокорство во всем святии отцы измещуще и благочиние соблюдающе, возбраняют епископом и презвитером и инем священническаго чина без повеления и без писания митрополита своего к царю отходити или слухома его стужати и возвещати (л. 223)[813] о неких вещех. И того ради без воли митрополита своего отходящаго епископа ко царю или презвитера и от сана изврещи повелевает и от причащения упразднити.

П равило 12.

И звержен быв от сана, аще пристужает цареви, возвещая о себе, да просит к болшему собору приступити и судитися. И каков суд тии изнесут на нь, в том да пребывает. аще же и потом противу глаголет, да не имать оправдания.

Т олкование.

А ще который епископ или презвитер или диакон, извержен быв от сана собором, и мнит, яко без правды извержен бысть, се правило не возбраняет, но паче повелевает (л. 223 об.)[814] ему к болшему собору приступити и судитися и от того исправитись, в них же мнится прав быти на превращение изнесенаго на нь суда от собора того. Аще не хощет приступити к болшему собору, ни пред ним исправити, в них же творится прав быти, но царьскима слухома стужает, подвизая того на отмщение, се правило таковаго никоея же милости сподобляет, ни места ответу не дает ему, ни надеждею чаяти, яко будет исправление.

И нако же ко царю не приходити, развее обиды ради церковных и заступления ради сирот и вдов. Но и се с расмотрением инех епископов.

(л. 224)[815] С обора в Средце правило 8.

А ще[816] сирота или вдовица, в коей напасти нуждею страждущи, и помолятся епископу помощи им, да дерзнет епископ и приступит к цареви и молится, елико может, да помилует их, но да неизветом тоя вины пребудет долго время в воех, но паче диакона да посылает.

П равило 9-е.

П рибегающим в церковь да помогают.

Т олкование.

И же убо заступати сироты и вдовицы и печалныя утешати и в напастех нужду приемлющих помогати епископи должни суть. Такоже и в церковь прибегающим своих ради прегрешении и требующим милости, приходити их (л. 224 об)[817] ради к цареви и молитися о них ему, да мстит обидимыя и да простит осужденныя неких ради вин и прегрешении, се правило тако повелевает епископом. Таковых же ради вин не оставляти им надолзе своих церквей и не ходити в воех долго время или инде, идеже царь есть, и стужати ему о них, яко наводящу сего ради епископом порок и оклеветание не прощает тому быти правило, но своим диаконом молба посылати цареви повелевает.

И собора Карфагенскаого правило 104.

Л юдскаго[818] суда у царя просяй, не епископ.

Т олкование.

Е пископ или причетник, (л. 225)[819] о гресех оклеветаем, и отрицается церковнаго судища и просит от царя мирских судей, таковый своея чести да будет лишен.

П равило 106.

Н екия ради нужды хотя ко цареви отъити, да яве сия сотворит Кархидонскому епископу и Римскому и отпустное послание да возмет. Аще ли ни, без общения есть.

Т олкование.

Е пископ или причетник, аще возхощет поити к цареви, да скажет первое вину Кархидонскому епископу, ея же ради идет и возмет от него грамоту отпустную, и в Рим пришед, покажет ю епископу Римскому, и да явит ему вину, ея же ради идет к цареви. И той да разсудит, (л. 225 об.)[820] и аще будет подобна вина, да возмет от того грамоту, ею же от царя приимет помощь. Аще же кто от епископ или от причетник инако к цареви отъидет, да будет без общения, сиречь да отлучится. И о сем ищи правило 11 Антиохиискаго собора и 9 правило в Средце собора.

И того ради повинни вси сим святым правилом и своему обещанию. И сбысться на них писание, глаголющее: И[821] не восхоте благоговения и удалится от него. И прочее.

П аки глаголеши, ответотворче: Всем на Страшной недели ради спасителныя страсти избавителю нашему все есмы кручинны и слезны, (л. 226)[822] показующе явныи лицем внутренюю печаль, сопротивно во Святое Воскресение во светлыя ризы облачимся и веселимся. И кто на тот день не возвеселился церковию Божиею, того сущим христианином не почитаем для того, что не радуется с невестою Христовою, которая изнову увидела возлюбленаго мужа свлего Христа. Для того наша вся кручина есть, для вдовства и разлучения церкви Божии. Радость бы наша была вся, есть ли бы сложила платье печали церковь Божия, матка наша, и облеклась в светлое и белое платье. Овдовел есть престол патриаршескии, потому что един как отрекание учинил, почитается за мертваго (л. 226 об.)[823] человека, убо желает имети мужа своего, что потом и докуль будет жити в печали и докуль в том платье слезном будет безутешно. Муж, который оставляет жену свою чрез четыре лета, никакова радения о ней не имеет и харчем ей не промышляет, произволяет правило, чтоб иного мужа была жена. Како же не может взяти иного мужа церковь Божия, когда Никон, что живой погребен, никакова радения об ней не имеет, ни ея питает.

П ослушай, ответотворче. П исано есть. Грешнику рече Бог: В скую ты поведаеши оправдания Моя и восприемлеши (л. 227)[824] завет Мой усты твоими, ты же возненавиде наказание и отверже словеса моя вспять.

Господу глаголющу: Не слышателие закону праведнинотворцы. Ияков апостол пишет: Аще кто слышатель, а не творец, таковый уподобися мужу смотрящу лице бытия своего в зерцале, усмотрив, и отъиде, абие забыв, каков бе. Посмотри о себе праведно, каков еси, якоже Господь повеле: Иже без греха, верзи камень на ню. Г лаголеши, вся наша кручина для того есть, для вдовства и разлучения церкви Божия. О сей ли глаголеши церкви? Почто сам о себе не усмотрел праведное, оставя волею свою церковь и скитаешися всюду (л. 227 об.)[825] чрез Божественыя законы. Правила тех измещут, которыя без вины отходя, скитаются и не радеют о своих церквах, якоже множицею выше сего изъявихом. А еже о изгнаных без правды от церквей и отходящих от своего предела собора в Средце правило 19.

Ничто же возбраняет, паче же Божие, аще гонят вы из града сего, бегите во ин.

П аки же ты глаголеши, радость наша была вся, есть ли бо сложила платье печалное церковь Божия, матка наша, и облеклася в светлое и белое платье. Сим твоим словам за безумие их ничто же рещи мочно есть, развее мужику из деревни велеть, (л. 228)[826] чтоб тебя такими же небывалыми словами выбранил.

Г лаголеши, овдовел есть патриаршескии престол, потому что един как отрекание сотворил, почитается за мертваго человека. Есть мертв тот человек, который оставя свою епрахию без вины и преходя семо и овами, творит чрез Божественыя законы смуты многия и плищи во градех, якоже ты смутил мутьяны и государя изгнал. И зде пришед, такожде твориши смущения и соблазны многия. Таковый, аще и жив обретается, подобает таковому по Христову Евангелию[827] на выю его обязатися оселскому камени и потопитися в море.

М уж, который оставляет (л. 228 об.)[828] жену свою, глаголеши, чрез четыре лета, никакова радения об ней не имеет и харчем ей не промышляет, поизволяет право, чтоб иного мужа была жена. Р цы ми, ответотворче, где есть писано, еже чрез четыре лета которой муж, оставя свою жену, никакова радения об ней не имеет и харчом не промышляеи, поизволяет правило, что иного муда была жена? Которое право, покажи, прелестниче. Самого ли Христа или святых апостол или святых отец? И аз ти покажу, но прежде о сем речем, яко харчем ей не промышляет. Не зриши ли, яко никоторой скудости не иммет, и яко и царь сего ради возлюби ю, якоже (л. 229)[829] вторый Давид Уриеву жену Вирсавию, и тешится харчом ея со всем домом. Како же не может, глаголешь, взять мужа инаго церковь Божия, когда Никон что живой погребен, никакова радения об ней не имеет и не я питает. Упитана есть в сытость и паче меры. Того ради возлюбила и любодействовати со многими, якоже ныне зрится. А еже глаголеши, Никон, аки жив погребен, мертв есмь от немощи, но жив есмь от силы Божия.

Я ко[830] не достоит мужу от жены или жене от мужа разлучатися, ниже есть мощно отпустившему свою жену пояти иную, ниже пущенней от мужа (л. 229 об.)[831] иного пояте быти. Р еченно[832] убо бысть, Иже аще пустит жену свою и даст ей книгу распутную. Аз же глаголю вам: Иже аще пустит жену свою, развее словесе прелюбодейнаго, творит ю прелюбы действовати, и иже пущенницу поимет, прелюбы действует.

Зриши ли, прелюботворче, како Христос утверди, як всяк, отпущая жену свою разве словесе любодеина, творит ю любодействовати. А з же пред Богом о сем извет творя во сявтей церкви, яко много олюбодействова царь, якоже и ныне от всех видится, како любодействует святою церковию, всеми церквными уставы и вещми. (л. 230)[833] Якоже Господь глаголет, обличая таковое безчиние: И иже, рече, пущеницу поимет, прелюбодействует.

П ослушай, каково люто прелюбодейство, кто праведнее Давида, и того коснуся. Аще не бы достоин покаяния плод принесл, внегда аггел хотяше того оба пол пресечь. Но кто более Иоанна Крестителя, о нем же сам Христос свидетелствует, яко не воста в рожденных женами болии Иоанна Крестителя, мнии же во Царствии Небеснем болии его етсь, но и того любодейственая страсть не пощаде, якоже святое Еавнгелие свидетелствует сице.

В то время услышав Ирод четвертовластник слух иисусов и рече отроком своим, Се есть Иоанн (л. 230 об.)[834] Креститель, его же ах усекнух, той воскресе от мертвых и сего ради сиды деются о нем. Ирод бо ем Иоанна, связа его и всади в темницу Иродиады ради, жены Филиппа, брата своего. Глаголеша бо ему Иоанн: Не достоит ти имети ея. И хотяше его убити, убояся народа, зане яко пророка его имяху. Дни же бывшу рожества Иродова, плясадщи Иродиада посреде и угоди Иродови. Тем же и с клювою изрече ей, его же аще[835] воспросит. Она же наваждена материю своею, даждь ми, рече, зде на блюде главу Иоанна Крестителя. И печален бысть царь, клятвы же ради и за возлежащих с ним, повеле дати ей. (л. 231)[836] И послав, усекну Иоанна в темнице, и принесоша главу его на блюде, и даша девице, и отнесе матери своей. И приступльше ученицы его, взяша тело его и погребоша его. И пришедша, возвестиша Иисусови, и слышав, Иисус отъиде оттуду в корабли в путсо мето един.

В идел ли еси прелюбодейства лакомство, яко ни пророка милует и о царстве не брежет. Полцарства, рече, отдает плясавице Ирод, но прелюбодейство о том не брежет, едино да обличителя погубит.

Слышав же Иисус прелюбодейства злобу и тогда в пусто место отходит, якоже и о нас слышавшии от царя исповедают, глаголюща, (л. 231 об.)[837]яко аще не бы боялся Бога, зделал бы де я патриарху то, чево он не ведает, якоже Ирод, о нем же есть выше писано. И хотяше его убити, убояся народа, зане пророка его имеяху. И аще не бы рука Господня покрывала и нас, то бы давно убили, якоже Родион Стрешнев и Иосиф Сукин за некия моя слова грозилися на мя у мене в келье, убиистовм глаголюще: буде де станешь такия слова говорить впредь, не стану терпеть. Мое же слово говорено се, яко мало християнства во царе есть. Аще бы было християнство, то слушал бы во святем Евангелии святаго писания: С лушаяй[838] вас, Мене слушает, и (л. 232)[839] отметайся[840] вас, Мене отметается, отметаяй бо ся. не человека отмещется, но Бога, давшаго Дух свой Святый в нас.

И же[841] не приимет вас, ниже послушает словес ваших, исходяще из дому или из града того, отрясите и прах от ног ваших. Аминь, глаголю вам, отраднее будет земли Содомстей и Гоморстей в День Судный, неже граду тому.

В иждь, яко иже словом Божиим кто засвитеделствует и не покаряются тем посланным от Господа, но и досаждают, не даже до сего стают, но возводят на пославшаго их суд себе горши, паче содомлян и гоморян содевают.

П аки же глаголеши, и како же не может взять иного мужа (л. 232 об.)[842] церковь Божия, когда Никон что живой погребен, никакова радения об ней не имеет, ни питает. Всуе сие глаголеши, понеже нигде есть писано, что от живаго мужа жену разлучити, но паче послцшай Господа, глаголюща: И же[843] аще пустит жену свою и женится иною, прелюбы творит на ню. И аще жена пустит мужа и посягнет за инаго, прелюбы творит.

Дата добавления: 2015-08-02