Собора 4-го Вселенскаго правило 9. 2 страница

И что различие ты глаголеши, еже начертаными или воображеными священныя вещи воображены, яже суть и иконы, яже суть храмы и жертвеники, иже повсюду от первообразных размножишася.

В ся, кроме церковнаго предания и учения и изоображения святых и присно(л. 116)памятных[439] отец обновляемая или по сем содеянная проклята.

Г лаголеши, ответотворче, будет воспрос, кто истинный патриарх Иерусалимскии. Смотри, хрисовула, святейших вселенских патриарх руками подписаннаго осмиюдесят со двема и печатми утвержена, о чести московских патриарх и седалища о равночестии. Аще сам не веси, вопроси ведущих, яко ни града, ниже что любо ино есть развее монастыря и святых церквеи.

Р азорение 14 вопроса и ответа.

Г лаголеши, совопросниче, не говорит ли святый Герман, патриарх Цареградскии, яко просфоромисание образует Вифлиом и святый престол образует (л. 116 об.)[440] богоприемный гроб. Н е погрешает истины, аще кто нарицает предложение святый Вифлиом и святилище, еже есть олтарь гроб Христов, ниже погрешит тот от истинны, иже назовет всякую православную церковь святый Сион или Новый Иерусалим.

И предложение являет место Вифлиема, идеже родися Христос. Един сый от Святыя Троицы Сын Божии и слово воплощееся от Святыя Богородицы во едином лице, бе совершен Бог и совершен человек, подобен нам разве греха. Сицевым образом и Господне тело, яко от некоего чрева и крове и плоти Святыя Богородицы девы, глаголю, от всего хлеба просфоры собственаго ипостасию изымается.

Ж ертвенник же (л. 117)[441] или святилище глаголется, в нем же приносится Христос грехов наших ради, в нем же жертвенице принесе Христос святое свое тело к Богу и Отцу, яко овча закланое и яко архиерей и сын человеч приносится в жертву тайную безкровную, закаляяся и дая верным в словесную службу. Ею же причащаемся вечнаго живота и безсмертнаго.

Т рапеза же знаменует место погребения, в нем же месте погребеся Христос. Еще же трапеза глаголется быти престол Божии.

Ж ертвеник[442] же златыи Христос есть, в нем же всякая служебная и святая поставися и утвердися сила и мученическия приносятся жертвы. Его же бе показанным на горе Моисею со скиниею жертвеник. (л. 117 об.)[443] Кажения же, молитва святых, яко благовонныя Богу, якоже глаголася. Пред престолом же, сиречь пред вышними святыми силами Христа, за излиание между ними раждеженныя Божественныя любве и честныя изрядныя премудрости же и свидения.

А ще и образуются в вещества и шары видимая святыми, аще жертвеник или кадилница или ино что, но невидимая и умная суть. На сицевом убо став аггел жертовнице и кадилницу, сиречь ливан, приемлющую держай молитвы святых, аки кажения Богу приношаше. Ими же приношах да по всемирнои кончине мучителными убо казньми злочестивых и беззаконных умалит (л. 118)[444] в будущем веце мучение. Своим же пришествием мзды раздаст потрудившимся и о предложении о святилищи, еже есть о святем жертовнице доволно рекохом.

Н ыне же паки, ответотворче, ко ответом твоим з Богом возвращаемся. Да како ты, бесовскою завистию надувся, глаголеши, яко тако есть, но ино есть, ино нарицается образец, ино есть, что нарицается первый образец, и самая сущая истинная речь образец имеет начало от истинныя речи. И ныне Иеросалим Никонов не есть образец, последующе истинному образу, но самый первый началныи новый Иерусалим. И так преставают всякия уставы (л. 118 об.)[445] церковныя для того, что истина Иерусалима престала и не есть Новый Иерусалим и ни мати церквам, жития Божия и селения, как поем[446], восхваляя его любителной Иоанн Дамаскин.

И после престал престол Иякова брата Господня по плоти и перваго архиерея Иерусалимскаго. А не правду ли сказал Христос, когда рекл: И врата адова не удолеют ею. А то ныне одолели, а то уже спорчены места святыя, спасителными ногами топтаныя.

О [447] Иерусалиме, ответотворче, уже речено есть выше, и зде в мале речем. Еда может образ быти не бывшии истине, еда может сын быти без отца или не может родивыися от отца сын во отчее имя зватися? Почто (л. 119)[448] Адам первозданный наречен Адам или Ева Евою наречена? Иже по них мнози Адами и Евы, но несть новому Адаму Христу всем что любо к безславию или уничижению. Определиша бо ся, якоже ветхии Адам, тако и новый Адам Христос и иже прежде Христа и по Христе времены и лета и месты, якоже и ныне бывает.

Мнози Авраамы, но един в вере великии Авраам, иже Божия зрения сподобися. Мнози Исааки, но един вознесенный на жертву. Мнози Ияковы быша, но един бравыися з Богом. Мнози Моисеи, но един паче инех от Бога прославленый пред фараоном великии законодатель. Мнози Иисусы, но един Господь Иисус Христос (л. 119 об.)[449] во славу Бога Отца. Аминь. Мнози Иоанны, но един паче инех Иоанн Предтеча. Мнози Петры и Павлы, но едини верховнии апостоли Петр и Павел. Такожде и прочим вещем имена или церквам святым или монастырем или градовом бывают от первообразных. Но каяждо разлучается[450] от первыя времены и месты, якоже старый Рим от новаго, но уже новаго Рима слава скончася, старыи же пребывает. Новаго Иерусалима имя не описано, ни определено, «иеро» бо сказуется святилище или священие, «салим» же толкуется мир. И совокуплено «иеро» к «салиму» и вкупе нарекошася Иеросалим, сиречь священный мир.

(л. 120)[451] Может бо ся разуметися всякому, яко и церковь и Иерусалим есть, сиречь священный мир, в ней же освещаются святым крещением и просвещаются святым маслосвящением и миропомазанием. Откуду же ты новые, ответотворче, глаголеши, яко ныне Иерусалим Никонов не есть образец? Почто, еда Никон во свое имя нарицает, глаголеши Никонов?

Никон несть Иерусалим, но Никон Никон есть. А еже Воскресенской монастырь Новаго Иерусалима разумей от сочетания и глаголеши, яко престала истина Иерусалима, и не есть Новый Иерусалим. Почто, того ли ради, еже срацынская власть того удержа грех ради наших, якоже нам слышится, (л. 120 об.)[452] еде тамо бывающая, яко ни единыя власти имате во святей церкви Святаго Воскресения Христова, но вся полна всякия мерзости и запустения. И зря по тамо бываемому глаголеши, яко преста истина Иерусалима, якоже и Каиафа неволным пророчеством прорек, глаголя, яко уне есть да един человек умрет за люди, а не весь язык, еже и бысть. И ни[453] мати церквам Божиим жития Божия и селения глаголеши. Почто, тамо ли зря уверяеши зде неведящим бываемое и яко преста престол Иякова, брата Господня по плоти и перваго архиереа Иерусалимскаго, несть тощно твое слово, но не истинно.

П риводиши Господем реченная Петру во Евангелии: (л. 121)[454] Аз[455] же ти глаголю, яко ты еси Петр и на сем камени созижду церковь мою, и врата адова не удолеют ей.

И ты глаголеши ныне, яко одолели. Церковь глаголется не место точию, но нрав, и не стены церковныя, но закон церковныя и вера и житие. Се ли мниши, безумне, еже во славу Христа Бога нашего зиждется святая церкви по образу святаго храма Воскресения Христа, его же созда христолюбивая царица Елена, ея же образ принесе брат наш блаженыя памяти всесвятейшии Паисий патриарх святаго града Иерусалима, Богу на сем предпославшу. Богу бо вся порабощена суть, и врата адова не удолеют ей, то есть по временех бывающии гонители, иже прелщением во ад отпущаху (л. 121 об.)[456] христианы, еретицы же суть врата во ад низводяща. Многим бо гонителем и многим еретиком одоле церковь по писанному.

Н енавидящии Сиона посрамятся от Господа, да будут убо прежде восторжения яко трава, ссечет бо Христос выя их усечением мук. И ты глаголеши, яко преста истина Иерусалима и ни мати церквам Божиим житиа Божия и селения. Да како преста, не оныи бо Иерусалим пренесеся, ниже мати церквам Божиим она от Иерусалима, но образ тех. Тии же, идеже суть, тамо и днесь.

С лыши, лестный ответотворче: И[457] виде Бог, яко добро, и рече Бог: Сотворим человека по образу нашему и по подобию.

(л. 122)[458] И паки Соломон глаголет: Я ко[459] Бог созда человека в неистление и во образ подобия своего сотвори его.

Господь[460] созда человека от земля и паки возврати его в ню. Дни, числа и времена дал им и дал им власть на ней сущим, якоже они сами, облече их крепостию и по образу своему сотвори я.

З ри, прелестниче мира сего, еда Бог погрешил от истины, еже сотвори по образу своему и по подобию человека, якоже ты глаголеши, ныне Иерусалим Никонов не есть образец последующии истинному образу, но самый первый началный Иерусалим. А выше глаголеши: Образец имеет начало от истинныя речи. Еда несть начало первый второму, такожде и третиему, (л. 122 об.)[461] по сем и многим, якоже от отца родится сын, первыи глаголется сын, таже по нем вторыи глаголется сын, по сем инии по тому же числятся, обаче вси сынове отца единаго.

Тако и едина церковь Иерусалимская глаголется всем церквам мати, якоже Исаия глаголет: От[462] Сиона бо изыдет закон и слово Господне из Иерусалима. Еда в Константинополи и во Александрии и во Антиохии и прочих митрополиях церкви быша ныне зиждемой, еда и тии не от первообразныя прияли начало, рцы ми, аще ли речеши от первообразныя, почто не престала первообразная быти мати Иерусалимская церкви и селение Божие, якоже ты ныне глаголеши?

(л. 123)[463] П ослушай, человекоугодниче, дондеже разсыплет Бог кости твоя, не нашего списания на любопрение, но от книги Великаго Афанасия архиепископа Александрийскаго, его же вопроси Антиох князь.

В опрос.

К иим же образом увещаем невежду и варвара, яко паче всех ересей соборная церковь правы веру имать и не блазнится?

От вет.

Не могущии писании же догматов опаство и глубину услышати, отсюду самому и благочестивому соборныя церкве уверитися должна суть, глаголю же, всем спасителным и честным Христовых страстей местом, соборной православной нашей вере и церкви от Бога да радоватися и ввереным (л. 123 об.)[464] быти, глаголю же Назареф, идеже Христос в нас вселися, В ифлеем, идеже по плоти родися, С ион, идеже спасение мира содела, И ордан, идеже Адама обнови, Ф авор, идеже Небесное Царство прообразова, Елеонскую гору, идеже ко Отцу на небеса от нас взыде, якоже вся Его святая и честная места, не туне, ниже всуе, соборнои церкви ввери, но якоже благочестнеишей, сиречь и честнеишей всех еретических именуемых вер церквей, и якоже царь честныя Его полаты, ложницы и сокровища вернейшим всех слуг своих вручает и вверяет.

Т ако Иисус Христос от начала пришествия своего соборной церкви честная своя места ввери, (л. 124)[465] аще же глаголет сопротивный, яко царьскую властию сия держим, да навыкнет таковыи, яко и варваром, многажды Палестину приимшим, не попусти Христос своя места еретиком преданым быти. Но аще в мале сия начаша вкратце паки соборная церковь отгна сия, яко свиния, от святых Христа Бога нашего дворов и мест.

П ослушай, расколниче, святыя церкве, яко не описана есть церковь местом, но по всей земли, ниже другая инде именуется развее еретическая.

И [466] взыдоша на широту земля и окружиша стан святых и град возлюбленный,

Т олкование.

П олк святых яве церковь Христову, водруженую в четырех концех вселенныя, хотящи (л. 124 об.)[467] попленити и разрушити, не ведущи, яко не един аггел токмо, но мнози окрест боящихся его.

И [468] четыре животная глаголаху «аминь», и двадесят четыре старца падоша и поклонишася живущему во веки веков.

Т олкование.

Ч рез четыре же животная и старцов указуется, яко бысть едино стадо и едина церковь аггелов и человеков, Христом Богом совокупившем растоящая и средостение градежа разоршим. П очто, злоумне, паки средостения вражду воздвизаеши, ея же сам Христос разори. Зде не погрешит истины, аще кто тя лжехристом наречет, яко противная Богу мудрствуеши. Паки слыши: (л. 125)[469] И[470] вси аггели стояху окрест престола и старцев и четырех животных. И падоша пред престолом на лице свое, и поклонишася. Богу, глаголюще: Аминь. Благословение и слава, и премудрость, и благодарение, и честь, и сила, и крепость Богу нашему во веков. Аминь.

Т олкование. И вси аггели стояху окрест престола и старцев, се едина церковь аггелов и человеков.

Со[471] всеми призывающими имя Господа нашего Иисуса Христа не он сице, он сице, но имя Господне на всяком месте, тех же и нашем.

Аще бо и к коринфяном писания суть написана токмо, но и всех, иже по всей земли воспоминает верных, показуяй, якоже по вселенней единой достоит быти церкви, аще и месты (л. 125 об.)[472] многими разделенной, но Господь сочетовает их общии сый, тем же и соединяяй их наведе, тех же и в нашем. Много же оного господьственнеиши, якоже бо иже на едином месте сущии. Егда многия имут противныя владыки, растерзани суть, и ничто же от места к единению ползуются, различная владыком запрещающим и к себе влекущим. Не можете бо, рече, Богу служити и мамоне. Сице, иже в различных местех сущии, аще не различных имут господий, но единаго токмо, ничто же от мест к единению вреждаются, Господу единому сочетовающу их. Не глаголю прочее, рече, яко к коринфяном. Коринфяне суще едино(л. 126)мыслие[473] имети должни есте точию, но ко всем, иже по вселенней общаго имуще владыку. Сего ради и приложив, повторил есть, еже нашем, понеже бо рече имя Господа нашего Иисуса Христа да не мнится разлучати у несмысленых, наводить паки Господа нашего же и тех. И да явленнее, еже глаголю, будет, прочту по разумению сице.

Павел исосфен церкви Божией сущей в Коринфе и всем призывающим имя господа нашего же и тех, на всяком месте, аще в Риме, аще где любо суть, благодать вам от Бога Отца и Господа нашего Иисуса Христа. Или сице паки еже и паче истинее вменяю быти. Павел исосфен, иже в Коринфе, освященным званым святым, со всеми призывающими (л. 126 об.)[474] имя Господа нашего Иисуса Христа на всяком месте, тех же и нашем, сиречь благодать вам и мир, вам, иже в Коринфе освященным и званым бывшим, не самем, но со всеми, иже на всяком месте призывающими имя Господа нашего Иисуса Христа, и тех, аще ли же о благодати мир, что велемудрствуеши, что велми дмешися, благодатию спасен быв.

Я коже[475] тело едино есть и уды имать многия, вся же уды тела многия сущия, едино есть тело, тако и Христос.

Д остояше, рещи, тако и церковь, сие бо бе последователно[476]. То убо не глаголет вместо оноя Христа полагает, на высоту возводя слово и множае посрамляя слышателя, а еже глаголет, сие есть. Тако и Христово тело, еже есть (л. 127)[477] церковь. Якоже и тело и глава един есть человек, тако и церковь и Христа едино быти глаголет. Тем же и Христа вместо церкве положи и тело Его тако именуя, якоже убо рече, едино нечто есть наше тело, аще и от многих слагается. Тако и в церкви едино нечто вси есмы, аще бо и от многих та слагается удов, но многия сия едино бывает тело.

В ы[478] же есте тело Христово и уды от части. Не тело бо токмо, рече, но и уды есмы, о обоих бо сих выщше беседова, многих воедино собирая и показуя всех едино нечто по телеси образу бывших и едино сие многими составляемо, и во многих сущее, многая от сего содержащияся и могущая быти (л. 127 об.)[479] многая что же есть еже отчасти елико в вас мощно и елико лепо от вас наздатися части, понеже бо рече тело не яже в коринфянех церковь, но яже везде во вселенней. Сего ради рече отчасти, сиречь яко церковь яже в вас, часть есть повсюду лежащия церкве и тела всяческими состоящимися церквами. Тем же не токмо с собою, но и со всею сущею по вселенней церковию мир имейте, да бысте были праведни, аще есте уды всего тела.

Павел[480], посланник Иисусов Христов волею божиею, и Тимофей, брат церкви божией, сущей в Коринфе, со святыми сущими во всей Ахайи, благодать вам и мир от бога отца и господа Иисуса Христа. Церкви божией, сущей в Коринфе, (л. 128)[481] паки их церковь нарицает, собирая всех воедино и связуя, ни бо будет церковь едина раздравшимися иже в ней и друг на друга воставшем.

Со святыми всеми сущими во всей Ахаии купно и почитает коринфяны, сих посланием вся целуя, и весь собирает язык. Святыя же нарицает, показуя, яко аще кто нечист в ней есть привета сего. Чесо же ради, в митрополии пишаи, всем не ю посылает, не всюду сие творяй. К Солуняном убо пиша негде и к Македоняном посылаше, и к Ефесом пишаи подобне, не объят всю Асию. И еже к Римляном послание, не иже во Италии живущим есть посланое, но зде сие творит, и воеже к Гала(л. 128 об.)том[482] послании, ни же бо тамо единому граду или двум или трием, но всюду разсеянным пишет, глаголяй: П авел апостол не от человек, ниже человеком, но Иисусом Христом и Богом Отцем воскресившем Его из мертвых, и иже со мною вси братия, церквам галатийскам, благодать вам и мир.

И ко евреом же едино всем написа послание, ниже сих разделив по градех, что убо есть виновное. Мне мнится, еже общим недугованием быти зде, тем же и общее творить послание, понеже и общаго требоваху исправления, ибо галате вси недуговаху и еврее, мню же и сии. Собрав прочее в весь народ (л. 129)[483] и целовав их, якоже всех приветити ему закон бе. Благодать бо, рече, вам м мир от Бога Отца нашего и Господа Иисуса Христа.

П очто[484] же во Апоколепсии пишет Иоанн седмим церквам сущим во Асии: Благодать вам и мир от сего, иже есть сый и иже бе, и иже есть грядый, и от седми духов, иже суть пред престолом Его, и от Иисуса Христа.

Т олкование.

М ногим же сущим церквам по мире, седмим единем посла чрез седмичное число таинственое, сущих повсюду церкви знаменуя, и согласное настоящему животу. В нем же и седмичное днии обхождение бывает. Тем же и седмь аггел и седмь церквеи воспомяну, (л. 129 об.)[485] им же глаголет «благодать вам и мир от триипостаснаго Божества». Чрез сие убо сый Отец явлен бывает, возвестивый Моисею: Аз есмь, глаголяй, сый. Чрез сие, иже бе слово, еже бе в начале у Бога, а чрех сие грядый утешитель, присноприходяи на церковная чада святым крещением, совершеннее же и пространее в будущем. Седмь же духов, седмь аггел разумевати мощно, получивших церкве правление, несчисляемых богопреначалнейшей и царицы Святей Троицы, но яко рабов воспоминаемых с нею. Якоже и божественый рече апостол: Засвидетелствую ти пред Богом и Господем Иисусом Христом и избранными его аггелы. Негли же и инако сие разу(л. 130)мено[486] будет. Чрез убо сый и иже бе и грядый Отец назнаменуем есть, содержаи в себе всех сущих, начало, средняя и конечная. Чрез седмь же духов действа животворящаго Духа, чрез последуемое же Христа Бога, нас ради человека бывша. На мнозех бо местех не разиствене каяждо Божественая ипостась, у апостола предчиняется и после полагается. Тем же и зде глаголет от Иисуса Христа и прочая по ряду.

И се слышал еси, яко и в седмих вся суть церкви, яже во вселеннеи, и едина церковь аггелов и человеков, Христом Богом совокупившем растоящая и средостение градежа разоршем. Аще месты и составми глаголются мнози и что разнство есть церкви первообразной (л. 130 об.)[487] ей, якоже и превообразному образ.

И кона[488] глаголется, от еже подобитися. Словенски же образ, за еже образовати ино лице, ино естественый и ино подобителный образ. Ов убо не естествено разнство имущи к виновнику, но состава, якоже сын ко отцу, едино бо сим естество, два же состава. Ов же сопротивно сему не состава разнство имущи к первообразному, но естественое, якоже образ Христов ко Христу. Един бо состав сим, две же естестве, ино бо естество вещи писания, но Христово по человечеству, по ему же и описуется. Покланяемей иконе, Христос покланяем есть, ему же есть подобие, а иже обесчещевает икону Христос обесчещеваем есть. (л. 131)[489] И обесчещаяй яков любо храм, обесчещает первообразныи, кленый бо ся олтарем, кленется и живущим в нем. А не подъемшия подобия вещи, якоже о видящимся в зерцале, сей бо облобызающе, не вещно образ обгорнуем и без вести бывшу изоображению, онем же покланяние вещь пребысть непоклонна. Ничто же приобщившися подобию, но якоже печать умышление сущи вещи разлучена, ничто же к вещи истиною имать обще, аще и в вещи печать образ составися.

В сякого подобителне образуемаго, не естеством, но состав образуется. И сего ради тожде первообразному образ его не естеством, но составом, (л. 131 об.)[490] сиречь подобием состава, священным иконы воставляем, да сих зряще, сим мним зрети первообразная. Бывают нам воспоминания и увещание любве, еже к сих первообразным, елико бо часто образи зрятся, толико и иже сие зрящии воставляются к первообразным памяти и желанию и любве. Еже убо духом и истиною служения блаженной Троицы от православных воздавается. Святым же образом не служение всяко, но поклонение и лобзание и почести. Аще бо и почести образа на первообразное преходит, но служение блаженныя Троицы, а не честных образов: да не твари служителие и вещни служителие воз(л.132)мнени[491] будем. О самом убо том Христе служителное поклонение и естественное есть. Покланяяй бо ся тому, споклоняется отцу и сыну и святому духу, иже во Троицы единому естеству, иже есть троическое поклонение и служение. О иконе же Христове усвоителное, рекше любовнаго завещания поклонение, и единоименно. Покланяяи бо ся сей не спокланяется Отцу и Духу, но токмо иже в ней Христу, иже заеже воплотитись образуемому по телесовидном зраце его, иже есть усвоителное, рекше любовное поклонение и составное, рекше состава. Христос убо зрится во иконе его, таже состоится о нем, якоже сень с телесем, его же и разделитися се не мощно, аще и не вина (л. 132 об.)[492] сия видится, но якоже сень осиянием является солнечным. Сице и Христова икона изображением вещи.

Толкуеши, «Никос» по грецки смятение. Несмь же «Никос», но совершеныи Никонос, то есть победник, ни есть, ни была смута, и в первом основании лжеши. Но елицы смущаются, якоже тебя и ты и о тебе сокрушатся от камене претыкания Христа, на него же падут, сокрушатся, а на них же падет, сотрыет их. Или от недостоиных уст твоих неволно изречеся Симеоново пророчество: Се лежит сей на падение и на востание многим во Израили, и в знамение пререкаемо. Тако и сия церковь, на востание любящим Христа и почитающим (л. 133)[493] святыя его страсти, а на падение всем ненавидящим, иже Христос усечет выя их усечением вечных мук.

Р азорение 15 вопроса и ответа.

Г лаголеши, совопросниче, яко аз разорил епископию Коломенскую, своего монастыря выговаривая себе, что было ближнее епископство, и то непригоже быть блиско патриаршеского боку епископии. И то ты солгал беззаконне, яко не твое есть вопрошати о сих, ниже ответолжетворцу отвещати. Комуждо подобало своя мера знати, обаче отвещаем в разорения вашея злобы.

В ы глаголете, яко аз разорил Коломенскую епископию, еже бо аще кто разорит или запустошит, еже иныя не (л. 133 об.)[494] укажет. А еже вместо иныя другую укажет, несть разорение, но строение. Ибо епископия Коломенская прилежит патриаши области поблизу сущи. Земля же Вяцкая и Великопермская отстоит болши полуторых тысящ верст, и есть место немалое и людеи множество. К ним же прилежат страны язык немало и есть тамо немало останок языческих обычаев. Нецыи же глаголют и идолопоклоннических останков останцы есть. И сего ради по совету с великом государем царем и великим князем Алексеем Михаиловичем всеа Великия и Малыя и Белыя Росии самодержцем таковое (л. 134)[495] дело соделано, а не для Воскресенского монастыря. Еще в то время и початку Воскресенского монастыря не было, но елико мерилася Коломенская епископия доходы церковными, толико и дано по выписке из патриаршей епархии. Такожде елико число крестьянских дворов было во епископии, толико по государеву указу и там дано по выписке, а Коломенския епископии взяты на государя. И после того государь пожаловал в свое государево богомолье Воскресенской монастырь, будучи на освящении церковном, глаголя, святая святым достоина, а не аз взял или разорил. А то дело зделано к Божественей славе и Божиим людем ко спасению, что епископия преведена в далнее и многочеловечное место. (л. 134 об.)[496] И сам ты глаголеши в 17 ответе, яко Антиохиискии престол пренесен в Дамаск и Александриискии во Египет на лутчия и безопасныя места. Да почто порокуеши деяние царьское и архиереиское в чюжей епархии?

Господу заповедающу: Ш едше[497], рече, научите вся языки, крестяще их во имя Отца и Сына и Святаго Духа, учаще их блюсти вся, елика заповедах вам. И паки: С лушаяи вас, Мене слушает, и отметаяися вас, Мене отметается.

И апостол заповедает: В ся[498] творите без роптания и размышления. И 14 апостольское правило с разсужениеи епископ не возбраняет преити.

К арфагенскаго собора правило 56.

П редел аще хощет (л. 135)[499] имети своего епископа по воли власть имущаго и по повелению его, да имать. Таковый же на прочия пределы да не находит.

Т олкование.

П овелено есть в коейждо области без воли митрополита нигде же никого же не поставити епископа, но ни в селе некоем, ни в мале градце, в нем же и един презвитер довлеет учити, епископа не поставляти, аще не умножится в таковых народ и достоино явится нарещися епископу. Аще же в пределе некоем, в нем же прежде не бе бывал епископ, прошением людей и волею имущаго власть, во области той митрополита поставлен будет епископ. Тои люди токмо да держит, них же[500] (л. 135 об.)[501] поставлен есть епископ, иного же предела да не заимет.

И святаго 6-го вселенского собора правило 38.

А ще который град обновится царем или созиждется градским и людским законом и церковных вещей чин да последует. А ще единаго мя сим укоряют, в приказе Посолских дел свидетелствуют отпуск, яко царьскаго величества с волею содеяно и епископов советом.

С обора иже во Антиохии правило 17.

Н е причастен, иже поставлен быв епископ, и абие оставив, дондеже покаявся, приимет.

Т олкование.

А ще кто поставлен быв епископ и оставив, не послушает отъити в церковь, в ню же поставлен быв (л. 136)[502] и порученных ему людеи учити, да будет отлучен, дондеже покаявся попечение порученных ему душ приимет.

С обора, иже во Анкире, правило 18.

Е пископ поставлен быв, аще не прият будет жители предела того, в он же поставлен бысть, и начнет инем епископиям стужати, да отлучится. Аще же хощет, да причтен будет, с презвитеры да причтется. Аще же и ту сущим епископом стужает, да изринется и от презвитерския чести.

Т олкование.

А ще поставлен быв епископом и не прият будет людми града того, в нем же попечение ему поручено бысть, и начнет на чюжду епископию наскакати и ту сущим епископом мятеж творити, (л. 136 об.)[503] да отлучится. Аще же хощет с презвитеры да причтен быти и сидети с ними и равну честь прияти, да причтен будет с ними. Аще же и противу ту сущим епископом молву творит, епископская некая правления восхищает, таковый и презвитерския чести да будет лишен и от церкви отвержен.

В идел ли еси, ответотворче неправедный, яко не разорена Коломенская епископия, но на лучшее пременена и Коломенскии епископ, преступая отеческия правила, в указанную ему церковь не идет и скитается беззаконно, его же священная правила извергают, аще не приятаго того града людми измещают, колми паче хотящим (л. 137)[504] людем прияти, а он не идет как в митрополиты или в патриархи, аще и божественнии закони не составляют без совета всех епископ, уже бы пошол и единем царевым повелением. Ты же, расколниче, сваришися, ничто же принося от Божественнаго писания свидетельства.

Г лаголет бо святый Григорий Богослов ко 150-м епископом: Якоже не имеете что на мя глаголати и вы бранию хотите одолети. Тако и ты, нечего тебе писати и ты сварливыми словами.

Р азорение 16 вопроса и ответа.

Г лаголеши, совопросниче, доведет ли ся архиереом строити обозы и грады, понеже Никон полюбил жити на пустых местах и безжителных (л. 137 об.)[505] и чтоб наполнил тыя места наемцы и боярскими поддаными.

Возражение.

Н и обоза строю, но аще и оградою огражден есмь от обычая прежде созданных инех монастырей, но никоторого надеяния в сем имею, якоже свидетелствуют вещи. Но есть правда, яко основан и утвержен на камени веры и огражден Божественою благодатию. Аще и ветри возвеют, аще и реки смущеныя потекут, не поколеблют по писанному: Возшумеша и смятошася воды их, речная устремления веселят град Божии. Освятил есть селение свое вышний, Бог посреде его и не подвижитися, поможет ему Бог утро за утра. И аще ополчится на мя полк, не убоится сердце мое, аще востанет на мя (л. 138)[506] брань, на Бога аз уповаю и не убоюсь от тем людеи окрест, нападающих на мя. И паки ополчится аггел Господень окрест боящихся его и избавит их, оружие извлекоша грешницы, напрягоша луки своя. Низложити у Бога и нища заклати правыя сердцем, оружие их внидет в сердца их и луцы их сокрушатся.

Н аучи бо нас Спас не убоятися от убивающих тело, души же не могущих убити, но паче боятися научи имущаго власть воврещи в дебрь огненую.

И божественый апостол учит, глаголя: Несть наша брань к крови и плоти, но к началом и ко властем и к миродержителем тмы века сего, к духовом злобе поднебесным. И не имамы (л. 138 об.)[507] зде града пребывающа, но грядущаго взыскуем.

Дата добавления: 2015-08-02