Собора 4-го Вселенскаго правило 9. 4 страница

Т ы же глаголеши: Однако же как опасение минет, надобе вовратитися[588] ради оскорбления душевнаго, понеже от него столко душ походит. И надобно, чтоб он владел и паствил для того, что он будет страшной счет живущему Богу за них. Пастырь есть, которыи имет имети болшой промысл. Епископ есть, которыи имеет дело оберегателства, оберегает есть истинное и сущее дело.

П очто, лицемере, (л. 162)[589] неправедно судиши? П ишет бо ся: Иже праведнаго судит неправедна, неправеднаго же праведна, нечист и мерзок у Господа. Колико имаши, свой престол оставя, и скитаешися яко волк, хапая и угрызая братню совесть? Не зриши ли, колика злоба царева, всяк камень подвиг, да что любо обрящет на мя? Н е слышал ли еси писаннаго выше, Господем реченная во святем Евангелии: Идеже не приемлют, ниже послушают словес ваших, исходите из града и прах ног ваших отрясите. И прочая.

П аки есть писано, яко не подобает, ниже во отмщение иному неправдуему воздаяти неправдующему. И [590]посла вестники пред лицем своим, и изшедше, (л. 162 об.)[591] приидоша в весь Самарянскую, яко уготовати ему, и не пряиша его, яко лице его бе идыи в Иерусалим. Видевше же ученицы его, Ияков и Иоанн реста ему: Господи, хощеши ли, да речем огню снити с небесе и попалити их, якоже Илия сотвори. Обращь же ся, запрети им и идоша во ину весь.

А ще[592] ли же преслушает сих, повеждь церкви, аще же и церковь преслушает, да будет ти яко язычник и мытарь.

А ще[593] же кто не послушает словесе вашего, посланием сего знаменаите и не примешаитеся ему, да посрамится. Аще же кто оскорби Мене, не Мене оскорби, но от части, да не отягчю всех вас.

М олитеся[594] за творящая вам пакости (л. 163)[595] и изгоняющая вы, яко да будете сынове Отца вашего, иже на небесех.

Т ы же глаголеши, ответотворче, яко орехов был жезл Моисеов, а миндалной Ааронов, и тово не обретается в писме, и в сем солгал.

Т ы же пишешь, пишут физики, что, коли постелешь листвы миндалныя или ореховыя, имеют силу чинить человеку, которой на них ляжет, не много спит. Н е достало тебе святых Божественых книг во ответе, которыми велели апостоли святии и святии отци учити, и заповеда, и ответы творити. Ты же физиками и ореховым листьем и иными шпынскими прибаски ответы творишь.

Г лаголеши, Симоне, бдиши ли, и се соглал, (л. 163 об.)[596] яко есть тако писано, но Симон спиши ли, Никон спиши ли. Лутче есть спати, нежели в суетных словах упражнятися.

Д а ты же пишешь, се сон есть смертоносный, не достойно человеку долго спати, которой имеет советы на своей главе, нет, не подобает, негодго. Всями лет суть, но не вся на ползу, вопиет апостол. И сам той Божественный апостол учит: В ам[597] бе лепо первее глаголати слово Божие, а понеже отвергосте его и не достоины творите сами себе вечному животу. Се обращаемся во языки, тако бо заповеда нам Господь. Противящимся[598] же ся им и хулящим, отряз ризы своя, рече к ним, кровь ваша на главах (л. 164)[599] ваших, чист Аз, отныне во языки иду.

Г лаголеши, егда слышали апостоли Христа, идем во Июдею, паки отвещали Ему, учителю: Ныне искали июдеи тебе камением побити, и паки грядеши тамо, ей, что ничего смерти достойнаго не делали. Кто чинит добрыя дела, не боится никогда, без страха великаго, чтоб боятися закона, но кто злое дело делает, трепещет и страшится велми оправдания праведнаго.

П очто[600] людем хвалиши закон, яко добр есть, преступлением же закона Бога безчествуеши, Людем проповедуеши не красти, сам же святая крадеши.

К таковым Господь рекл есть: Иди за мя, сатана, яко не мыслиши, яже суть (л. 164 об.)[601] Божия, но яже человеческа.

А ще бы аз боялся человек, то не бы пред лицем оскорбивших мя житие имел. Ибо Господь дремал тридесят лет, дондеже прииде вопиющии глас от пустыни, возбуди, и вторый с небесе от Отца, глаголя: Сей есть сын Мой возлюбленный. того послушайте. И оттоле начат учити и проповедати Евангелие во всем мире.

Т ем[602] же и на корме корабля спяше, дондеже приидоша ученицы, возбудиша Его, глаголюще: Господи, спаси ны, погибаем. И глагола им: Что страшливи есте, маловерии. Тогда, востав, запрети ветром и морю, и бысть тишина велия.

С пит Христос, да познают ученицы немощь свою, и разбудив, по(л. 165)молятся[603] Ему и спасени будут.

Т ако и ныне в мори жития сего плавающии, аще не призовем Христа, окормителя душ наших любовию и единением духа, по писанному: Возлюбим друг друга, да единомыслием исповемы. Тишины духа и спасеныя жизни никако же получим.

И нако же невозможно приити, воеже любити друг друга, якоже учит возляюленный ученик Христов и наперсник Иоанн Богослов, глаголя: И о сем разумеем, яко познахом Его, аще заповеди Его соблюдаем. Глаголяй, яко познах Его, и заповеди Его не соблюдает, ложь есть и в сем истины несть. Иже бо соблюдет слово Его, поистинне всем любы Божия соверше(л. 165 об.)[604]на есть, о сем разумеем, яко в Нем есмы. Глаголяй в Нем пребывати, должен есть, якоже Он ходил, и сей да такожде да ходит.

Т ако и в законе от Бога свидетельствовася, первая и великая заповедь любити Бога от всего сердца. вторая же любити ближняго своего яко себе.

И исус[605] же рече ему: Возлюбиши Господа Бога твоего от всего сердца твоего и от всея дущи твоея. Си есть первая и болшая заповедь. Вторая же подобна ей, возлюбиши ближняго своего яко сам себе.

Я ко[606] обличение, еже не любити Бога и Христа его, еже заповеди Его не творити. Показание же, еже любити творение заповедей Христовых и тер(л. 166)пение[607], во иже о нем страданиох даже до смерти.

Имеяи[608] заповеди Моя и творя их, он есть любяй Мя. Не любяй Мя, словес Моих не соблюдает.

А ще[609] заповеди Моя соблюдете, пребудете в любви Моей, якоже Аз заповеди Отца моего соблюдох и пребываю в того любви.

Я ко[610] достоит всяку ненависть очищающу ко всем и враги любити, о другох же и душю положить, егда потреба призовет такову имуще любовь, якову же име Бог к нам и Христос Его.

С лышасте[611], яко речено бысть древним: Возлюбиши искреняго своего и возненавидиши врага своего. (л. 166 об.)[612] Аз же глаголю вам, любите враги ваша, добро творите ненавидящим вас и молитеся за творящих вам обиду и ненавидящих вас. И по мале. Будите убо вы совершени, якоже Отец ваш небесный совершен есть.

Т ако бо возлюби Бог мира, яко и Сына Своего единороднаго дал есть.

С и[613] есть заповедь Моя, да любите друг друга, якоже Аз возлюбих вы. Болши же сея любви никто же имать, да кто душю свою положит[614] о друзе своем, и будете сынове вышняго, яко той благ есть на безблагодатныя и лукавыя. Будите убо щедри, якоже и Отец ваш небесный щедр есть.

В идите[615], какову любовь дал Отец нам, да чада (л. 167)[616] Божия наречемся и есмы. Возлюблении ныне чада Божия есмы, не уявись, что будем, вемы же, яко аще явится, подобни ему будем и узрим Его, якоже есть.

С оставляет[617] же свою любовь в нас Бог, яко и еще грешником сущем нам, Христос о нас умре. Бывайте[618] же подобни Богу яко чада Божия, и ходите в любви, якоже и Христос возлюби нас и Себе предаст за ны, приношение и жертву Богови.

Я ко[619] показание Христовых ученик, яже о нем ко друг другу любы.

О [620] сем познают вси, яко мои ученицы есте, аще любовь имате друг ко другу.

Г лаголяи[621] во свете быти, а брата своего ненавидит, во тме есть доселе. Любяй брата (л. 167 об.)[622] своего, во свете пребывает и соблазна в нем несть. В сяк не творяй правды, несть от Бога, и не любяй брата своего, яко се есть обетование, еже слышасте, исперва да любим друг друга, не якоже Каин от неприязни бе и закла брата своего и за кую вину закла его, яко дела его лукава беша, а брата его праведна. И по мале. Н е любяй брата своего пребывает в смерть. Всяк, ненавидяй брата своего, человекоубиица есть. И весте, яко всяк человекоубиица не имать живота вечнаго в себе пребывающаго. О сем познахом любовь, яко он по нас душю свою положи, и мы должни есмы по братии душа своя полагати.

В озлюблении[623], возлюбим (л. 168)[624] друг друга, яко любы от Бога есть. И всяк любяй от Бога рожден есть и разумеет Бога, а не любяй, не позна Бога, яко Бог любы есть.

В озлюбленнии, аще сице возлюбил есть нас Бог, и мы должни есмы друг друга любити. Б ога никто же нигде же виде, аще любим друг[625], Бог в нас пребывает и любы Его совершена есть в нас. Бог любы есть, и пребываяи в любви, в Бозе пребывает, и Бог в нем пребывает.

А ще[626] кто речет, яко люблю Бога, а брата своего ненавидит, ложь есть, ибо не любяй брата своего, его же виде, Бога, Его же не виде, како может любити. И сию заповедь имамы от Него, да любяй Бога, любить (л. 168 об.)[627] и брата своего, не любим словом и языком, но делом и истинною.

В идел ли еси, человекоугодниче, в Божественном Писании, самем реченное Господем нашим Иисусом Христом, чесого ради подобни Богу бываем и чада Божия нарицаемся. Аще ходим в любви Его, якоже и Христос возлюбил есть нас. И чесого ради во тме ходим, понеже брата ненавидим, и чесого ради несмы от Бога, понеже не творим правды его, и чесого ради, яко человекоубиицы вменяемся и пребываем в смерти, понеже ненавидим братию, и чесого ради Антихристи нарицаются, понеже не творят истины, и како той наречется подобен Богу. Бог заповеда: (л. 169)[628] Слушаяй вас, Мене слушает, и отметаяися вас, Мене отметается.

И божественный апостол Павел наказует: Братие, повинуитеся наставником вашим и покаряйтеся. И прочая.

Н ыне же вместо послушания преслушание и отметание и досаду творят. И вместо повиновения и покорения неповиновение и укорение и изгнание, и вместо правды неправду, вместо братолюбия ненавидение.

Разсуди себе, что твориши, и им же твориши, ты ниже мене знаешь, ниже видел или слышал еси от мене что, и судиши и ответы твориши, от единаго неправеднаго человека прием клевету, чрез Божественыя законы ответы твориши. Первое, (л. 169 об.)[629] по правилом святым сам еси чюждь явился всякия Божественыя благодати, еже в чюжей епархии много время жити, свою оставя. Второе, за неподобное деяние, еже чрез 4-го собора 9-е правило един ты митрополит осуждаеши патриарха. Божественнии же отцы возбраняют и митрополитом митрополита судити, развее епископа, но и епископ, аще не восхощет суда митрополичья, и того судит патриарх. А ты, гордостию превзявся, якоже и сатана, хотя бы ти подобен вышнему, но бысть Антихрист, еже есть сопротивник Христов, якоже Иоанн Богослов пишет: Дети[630] последняя го(л. 170)дина[631] есть. И якоже слышасте, яко Антихрист грядет, и ныне Антихристи мнози быша, и от сего разумеваем, яко последнии час есть. От нас изыдоша, но не быша от нас, аще бо быша от нас, пребыли убо быша с нами, но да явятся, яко не беша вси от нас.

Р азорение 19 вопроса и ответа.

Г лаголеши, совопросниче, яко Никон никого не оставил на своем месте, кто б на его месте чинствовал.

Каким же обычаем митрополит Крутицкий чинствует безопасно на месте патриаршеском?

Т ы же, ответотворче, глаголеши: Который ни есть истинный прямый архиерей, когда хочет итти на которыя места (л. 170 об.)[632] для какова случая нужново, оставляет на своем наместника своего, так чтем в книгах Моисеовых. Когда Моисей хотел итти для прития законнаго, оставил Аарона и Ора, что судили, покамест он не поворотился. А для того началной человек имеет такое должество, чтоб всегда был особою своею, где его подданныя, которыя ему послушныя, да молятся и иныя об нем да поют же все молебны церковныя. А се и аз сам не стану молитися и своего правила не буду правити, не будет удоволно, что я совершил свое правило и моление. А подобает, да пощусь, когда хочю, чтоб мое моление и должность (л. 171)[633] удоволствована была. Я печати Господа Иисуса Христа на теле моем ношу, говорил святый Павел апостол: Трожды благословен. Достоино бы когда патриарх, есть ли бы имел на уме своем не на болшое время от престола своего итти, постановил бы на своем месте, который бы чинствовал по его веленью доброю волею, кому бы он то вручил. Но понеже избег, и оного пения поспешил маленко, забыв воспомянути, не хотел, не бояся оных наказов, проклят, кто таинства Божия оправляет неохотно. Для того, когда Никон не оставил на своем месте наместника своего, надобно б было, чтоб был наместник, которой бы чин(л. 171 об.)ствовал[634] на месте его и всякия правила церковныя творил, чтобы церковь Божия пуста и без пения не была и в хитрости не были службы Божии, приказано от благочестиваго государя нашего, что он по сей день чинствует церковныя правила. Добро, как остался Аарон и Ор наместники Моисеовы, покамест не возвратился от горы Синаиския со крыжали завета, чтоб не был люд израилтескии без главы пустой. Велико нечто было воистину, то не оставил на многия дни Моисей люд июдейскии без началника и оберегателя. А Никон, который отступился чрез толко месяцей и лет, не радел, чтоб написал ко благочестивому царю, чтоб поберег его престол. (л. 172)[635] Однако же зделал как странный и чюжии епископ без всякого порядку и прилежности, а добро ведаем, кто добрый пастырь, душю свою положит за овцы своя.

Д о сих твоих глагол, лицемере, без лености выслушал и зело показался ми еси некнижен, сам весь еси во гресе и ответы твориши чрез Божественая Писания, доброе уничижаеши, а злое обновляеши.

П исано есть, грешнику рече Бог: В скую ты поведуеши и восприемлеши завет Мой усты твоими. Ты же возненавиде наказание мое и отверже словеса моя вспять. И глаголеши, яз, пошод, не оставил никово наместника по себе, как Моисей, пошодчи (л. 172 об.)[636] для приятия закона оставил Аарона и Ора.

Н и Моисей, побежав от Египта, оставил кого, но всех с собою взял в пустыню и в пустыне чинствовал и по себе Аарону и Ору приказал, восходя на гору Санаискую, разсуждати повеле, аще кому прилучится пря. Нам же от злобы царьския отходящим, аще бы и приказать, не послушал бы никто, разве его царьскаго повеления, якоже и ныне деиствуется. А идеже ныне Христа ради скитаемся, не без того чина обретаемся. А что глаголеши, что началной человек имеет такое долженство, чтоб всегда был особою своею, где его подданныя, которыя ему послушныя, да молятся и иныя о нем (л. 173)[637] да поют же все молебны церковныя. А се аз и сам не стану молитися и своего правила не буду правити. И не будет удоволно, что я совершил свое правило и моление. А подобает, да пощуся, когда хощю, и чтобы мое моление и должность удоволствована была.

П равду истинную изрекл еси сам о себе. Тем же и аз не без правды ответ творю ти. Божие есть слово ко пророку и не может ложно бы(л. 173 об.)ти[638], яко в нем же застану, в том и сужду тя.

Ты глаголеши, чтобы за тебя поведанныя молилися и долг твои отправляли. А ты когда и не хощеши поститися и молением молитися и своего правила правити. А подобает, да пощуся, когда хощу (л. 174)[639] и чтоб моление твое и должность удоволствована была от подданных твоих. Да кто весть от подданных твоих, где есть ти и что твориши и еже бы им за тебя молити? Обаче едино истинно о себе свидетелствуеши, что ты ни постишися, ни молишися, якоже мы слышахом от достоверных свидетелей, иже при тебе пребывающии исповедаша, что ничим же лутче есть поганина. Внегда ходити к Троицы живоначалной в Сергиев монастырь, ни постившася тебя видели когда, ни молившася, но всегда днем и нощию ядуща и пиюща, яко свиния, и ничто же ино благотворяща. Послушай убо писания[640], яко не подо(л. 174 об.)бает[641] на иных исправление надеющемуся, яже о себе не радети.

С отвористе[642] убо плоды достойны покаянию и не начинайте глаголати в себе отца имамы Авраама. Глаголю бо вам, яко может Бог от камения сего воздвигнути чада Аврааму, уже бо и секира при корени древа лежит. Всяко убо древо, не творящее плода добра, посекается и во огнь вметается.

Я ко[643] ничто же ползуют себе сожителствующии угодным Богови и свое мудрование не исправляюще, аще и по видимому к ним приносят подобие.

Т огда[644] уподобися Царство Небесное десятим девам, яже прияша светилники своя и изыдоша во сретение жениху, пять (л. 175)[645] бе от них мудры и пять буяя. Буяя же приемше светилники своя, не взяша с собою елея. Мудрыя же взяша елея в сосудех своих. И приводит по мале о буих.

Господи, Господи, отверзи нам. Он же отвещав, рече: Аминь, глаголю вам, не веде вас. Г лаголю[646] же вам, в ту нощь два будета на ложи своем, един поемлется, а другии оставляется. Две мелющи вкупе, едина поемлется и другая оставляется. И отвещавше, реша ему: Господи, Господи. Он же рече им: Идеже труп, тамо соберутся орли. Не вси, иже от Авраама, сии суть сынове Авраамли, но иже дела Авраамская сотворит, сей сын (л. 175 об.)[647] Авраамль есть. Ни иже от Израиля, сии суть израилтяне, но иже дела израилтеска сотворит, он есть исраильтянин.

П исано есть: Вера без дел мертва есть, тако и ты без дел своих, на иных надеяся делы, мертв еси от жизни праведных, почто живых соблажняеши.

Т ы же глаголеши, приказано Крутицкому митрополиту от благочестиваго государя нашего, что он по сесь день чинствует церковныя правила. Добро, как остался Аарон и Ор наместники Моисеовы, покаместа возвратился Моисей от горы Синаиския со крыжали завета, чтоб не был люд израилтескии без главы, пустой. Велико нечто было воистину, то не оставил (л. 176)[648] не на многия дни без началника и оберегателя. А Никон, которой отступился чрез толко месяцей и лет, не радел, чтоб написал ко благочестивому царю, чтоб поберег его престол. Однако же зделал как странный и чюжии епископ без всякого порядку и прилежности. А добро ведаем, кто добрый пастырь душю свою положит за овцы своя.

К ак в прежних своих ответах, злоумне, неправедно писал, тако и зде солгал, еже добро, глаголеши, что приказал государь Крутицкому митрополиту. П исано[649] есть: Верный в мале и во мнозе верен. Не верный в мале и во мнозе не верен есть. П окажи известно (л. 176 об.)[650] не от своих гнилых произношеней, но от Божественаго Писания, где есть такия законы, да царие в церковных преданиях и уставох исправляют и повелевают, якоже ты глаголеши. Аз же ти покажу.

Господу глаголющу: Н икто[651] же может двема господинома работати. Любо единаго возлюбит, а другаго возненавидит, или единому прилежит, а другаго не радит. Не можете Богу работати и мамоне.

А з от Бога изыдох и приидох, не бо от себе приидох, но он мя посла.

М не[652] подобает делати дела пославшаго мя. И в нем же аще кто призван, в том да пребывает. (л. 177)[653] Ч то бо имаши, еже не приал еси? К ако же проповедят, аще не послани будут? Е гда[654] раби бесте греху, свободни бесте от правды. Д а никто же вас лстит тщимы словесы. Сих[655] бо ради грядет гнев Божии на сыны противныя. Д оволно ли ти есть ко указанию, яко не подобает не сущими своими владети или повелевати, аще мнит царь, яко добро творит, владея и повелевая во священных уставох, не чюдися, что Бог терпит, на болшее и лютейшее отмщение.

П исано есть: Приидоша[656] же нецыи в то время, возвещающе ему о галилеох, их же кровь Пилат смеси с жертвами их. (л. 177 об.)[657] И отвещав Иисус, рече им: Мните ли, яко галилеане сии грешнейши паче всех, галилеани беху яко сице пострадаша. Ни, глаголю вам, но аще не покаетеся, вси такожде погибнете. И ли о богатстве благости его и пождании и долготерпении не радиши, не ведый, яко благость Божия на покаяние тя ведет. По жесточеству же твоему и по непокаянному сердцу, щадиши себе гнев в день гнева и откровения праведнаго суда Божия, иже воздаст комуждо по делом его.

Я ко[658] не искусиша Бога имети в разуме, сего ради предаст их Бог а неискусен ум творити неподобная.

Е лма[659] любовь не прияша (л. 178)[660] истинную, спастися им. Сего ради посла им Бог деиство прелести, воеже веровати им во лжу.

И ты, ответотворче, приводиши от древняго писания, добро как остался Аарон и Ор. Что же чюдесно показали, остався, Аарон и Ор, якоже пишется во Исходе книг: В идевше[661] же людие, яко умедли Моисии снити с горы, овсташа людие на Аарона и глаголаша ему: Востани и сотвори нам Боги, иже поидут пред нами. Моисий бо сий человек, иже изведе нас из Египта, не вемы, что ему бысть. Рече же им Аарон: Измите усерязи златыя из ушию жен ваших и дщерей и принесите ко мне. И со(л. 178 об.)твориша[662] тако. И взя от руку их, и слияв образ, и сотвори им телец лиян, И рекоша: Сии бози твои, Израилю, иже тя изведоша из земли Египецкия. Видеша же, Аарон созда олтарь прямо ему и проповеда Аарон велик день Господень утре, и обутрив наутрия, и вознесе сожжения, и принесе требу спасения, и седоша людие ясти и пити, и восташа играти. И рече Господь к Моисею, глаголя: Сниди скоро отсюду, беззаконниша бо людие твои, их же извел еси из земли Египецкия. Преступиша с пути скоро, иже заповедал еси им, и сотвориша себе телец и поклонишася ему, и жертвоваша, глаголюще: Сии бози твои, Израилю, иже из(л. 179)ведоша[663] тя из земли Египецкия. Ныне же не дей Мене, да возъярився гневом на ня, потреблю. И прочее.

Д а се ли ты, измождале, приводиши во свидетелство, древнее беззаконие людей обновляя, еже бы и ныне тожде Господь сотворил? А уже и есть и будет. Аще не обрятятся[664] от злоб своих кождо их, якоже и тогда поби Господь, якоже есть писано.

И [665] прогневаша Моисея в стану и Аарона святаго Господня. И отверзеся земля и пожре Дафана и покры на сонмищи Авирона. И разжеся огнь в сонме их, пламень попали грешники. И сотвориша телец в Хориве и поклонишася истуканному, и измениша славу его в подобие тельца[666], (л. 179 об.)[667] ядущаго траву, и рече: Потребити их, аще не бы Моисей избранныи его стал в сокрушении пред ним. И возврати ярость его, да не погубит их.

Да ты же пишешь: Умре Аарон на верху горы, и бысть вместо его Елеазар. Якоже пишется в 4-х книг Моисеовых в 29 главе: И сотвори Моисей, якоже повеле ему Господь, и возведе я на Ор гору пред всем сонмом, и совлече Аарону ризы его, и облече в ня сына его Елеазара, и умре Аарон на версе горы.

В иждь и разсмотри, яко нелепо прежде смерти иному быти архиерею на живаго.

Якоже перваго и втораго собора (л. 180)[668] в церкви святых апостол, п равило 16.

Н и по которому же образу да не взыдет кто на епископию, ея же епископ жив есть. Подобает бо вину изыскати, его же хотят изгнати, и по извержении его другаго поставити.

А ще же кто помощию и насилием властелским держит церкви, прочти правило святых апостол 30-е.

А ще[669] кии епископ мирских князь помощию приимет церковь, да извержется и отлучится.

Т олкование.

А ще кии епископ мирскими властели избран быв и тех силою приимет церковь Божию, рекше епископ будет в ней, таковый, яко велие прегрешение согрешив, да будет извержен и да отлучится. Подобает бо хотящему (л. 180 об.)[670] поставитися епископом, от всех епископ сущих во области поставлену быти. Аще ли несть мощно купно всем собратися, поне без всякого извету, от трею епископ да поставлен будет, сложившемся писанием грамот купно и всем не пришедшим епископом.

И святаго Вселенскаго 7-го собора п равило 3.

В сяко[671] избрание и поставление, бывающее от мирских властелей, не твердо есть.

Т олкование.

В о многих правилех речено есть, еже от всех епископ, сущих во области, аще есть мощно подобает суду и избранию быти, хотящему поставлену быти епископу. Аще ли невозможно всем совокупитися, поне (л. 181)[672] от триех епископ да поставится, сочетавшемся посланием грамот и не пришедшим епископом. Аще же кто мирскими властели избран будет, и теми церковь некую приимет, рекше по изволению их и по повелению, поставлен будет епископом, не токмо нетвердо есть таковое поставление, но и извержение и отлучение наводит на получившаго тем образом святителство.

Т акожде и Лаодикиискаго собора п равило 13.

Н е избран епископ, иже мирскими человеки избран будет.

Т олкование.

Судом и избранием митрополита и сущих во области епископ поставляем бывает епископ. Аще же кто не тако возведен будет (л. 181 об.)[673] на епископство, но мирскими людми избран, не избран есть и не приятен.

А коли б самому мне не было злобы, почто иному призывать, но от гнева царского невозможно стало жити.

Писано есть: Царево[674] прещение подобно рыканию лвову. И паки. Ярость царева посол есть смерти. М еч есть язык царев, а не плотян, иже аще предан будет, сокрушится. Аще раздражится ярость его с жилами, человеки губит и кости человечески поядает и сожигает яко пламень. В[675] долготерпении благоучение царево, язык же мякок сокрушает кости.

М нози[676] угождают пред лицем царевым, всяк же зол бывает (л. 182)[677] в поношении мужеви. Ц арю[678] послушающу словесе неправедна, вси под ним законопреступницы.

В идел ли еси, совопросниче, яже суть о царех. Богу свидетелствующу, яко не бысть прежде Соломона в мудрости велика и по нем не будут. И все, елико в царской души бываемо, изообличи и показа, якоже и деяния тех свидетелствуют.

К то правдивее Моисея, егда изыде к братиям своим, сыновом Израилевым, разумев же болезнь их, виде человека египтянина, биюща некоего евреянина, и озревся тако и сам уби египтянина. Слышав же фараон царь, искаше его убити. Он же отъиде и вселися (л. 182 об.)[679] в земли Мадиамстей. И по возвращении коликими чюдесы и казньми наказа Бог фараона и не умягчися, дондеже погуби его Господь.

К то праведнее Давида, якоже свидетелствова Бог о нем. Обретох, рече, мужа по сердцу Моему, иже сотворит вся хотения Моя.

И[680] инде пишется о нем. Со лвы играше яко с козлищи и с медведи яко со агнцы овчими. В юности своей не убил ли исполина и отъят поношение людей, и призва Господа вышняго и даде в десницу его крепость, низложи человека силна на брани, и воздвиже рог людей своих и прославися во тмах. И сладко бряцанием гусленым отгони демона от Саула. (л. 183)[681] Но колико от того пострада, искаще убити его Саул. Он же бегая и крыяся от лица Саулова, якоже свидетелствует Писание Царств первых во 18 главе. Взем Саул копие и рече: Поражу Давида к стене. И уклонися Давид от лица его дважды. И Давыдови, бежав, спасеся, и иде к Самоилу в Сармафему. Прочее[682] о бегании Давидове свидетелствуют Царств книги. И не смиловася Саул на Давида, дондеже Господь тому суд сотвори, еже без правды гневаяся на Давида, уби архиерея Господня Авимелеха и с ним 85 муж, носящих ефуд.

И книга псалмов Давидовых, егда бегая, молился, глаголя: И зми мя, Господи, от человека лукава (л. 183 об.)[683] и от мужа неправедна избави мя.

П омилуй[684] мя, Боже, помилуй мя, яко попра мя человек. И на сень крилу Твоею надеюся, дондеже прейдет беззаконие. Овогда пишет: Ч то хвалишися во злобе силне, беззаконие весь день, неправду умысли язык твой, яко бритву изоощрену сотворил еси лесть. Возлюбил еси злобу паче благостыни, неправду неже глаголати правду. Возлюбил еси вся глаголы потопныя, язык льстив. И проче псалмы того. Иногда же.

С уди, Господи, обидящая мя, побори борющая мя, приими оружие и щит и востани в помощь мою. Изсуни меч и заключи сопротив гоня(л. 184)щыя[685] мя. Рцы души моей: Спасение Твое есмь аз, да постыдятся и посрамятся ищущии душю мою, да возвратятся вспять и постыдятся мыслящии ми злая. Да будут яко прах пред лицем ветра, и аггел Господень оскорбляя их, да будет путь их тма и ползок, аггел Господень погоняя их, яко туне скрыша ми пагубу сети своея, всуе поносиша души моей. Да приидет ему сеть, яже не весть, и ловитва, яже скры да обымет и, и в сеть да впадется в ню. Душа же моя возрадуется о Господе, возвеселится о спасении Его. Вся кости моя рекут Господи, Господи, кто подобен Тебе, избавляяй нища из руки крепльших (л. 184 об.)[686] его, и нища и убога от расхищающих его. Воставше на мя свидетели неправеднии, яже не ведях, вопрошаху ми, воздаша ми лукавая во благая. И прочее.

И навыкши искусом, ко всем глаголет, уча: Уклонися от зла и сотвори благо, взыши смирение и пожени и, зане очи Господни на праведныя и уши Его в молитву их. Лице же Господне на творящая злая, еже потребити от земли память их. Тем же и глаголаше присно, яко беззакония моя аз знаю и грех мой предо мною есть выну. И елика изрече ему Нафан пророк о Уриеве, не вопреки возглагола, но рече: Согреших[687] ко Господу моему. И елика злая сотвори ему (л. 185)[688] семея и хотящим убити возбраняше.

Дата добавления: 2015-08-02