Разорение 23-му вопросу и ответу. 2 страница

П аки глаголеши, яко[1081] что архиереиское облачение являет терпение, кротость, целомудрие (л. 296)[1082] благоизбранная всех добродетелей правда.

Х валиши терпение инем, а сам ничто же терпя являешся. Кротость ублажаеши, а сам яко лев яришся или яко пес от явных твоих сердечных сокровищ неистовствуешь. Целомудрие похваляеши, сам присно прелюбы дееши. Добродетель и правду любити закониши, сам не престаеши враждуя. Вы бо, рече Господь, оправдаете себе пред человеки, Бог же всеть сердца ваша.

Р азорение 24-му вопросу и ответу.

Т ы глаголеши, совопросниче, тишайшии государь наш и всещасливой царь вручил Никону, чтоб досматривал всяких судеб[1083] церковных. И се есть что (л. 296 об.)[1084] подарил его всеми привилеи, которыя, велми почитаючи Константин Великии папу Римсково Силивестра, вручил ему, папе. Такоже и Никону на писме подал многия привилеи государь царь.

С траха и гордости бесовския полно твое вопрошение, совопросниче, Обаче не от нас початок сей есть, но твоя вина, занеже ты своим вопросом принуди нас на сии ответ.

Глаголеши, яко тишайшии государь наш и всещасливой царь. Про всещасливство царьское отвечать нам не треба, ведают вси людие счастие и безчастие царьское, или кождо какову благодать приял от его царьского счасти. А еже глаголеши, что нам (л. 297)[1085] вручил, чтоб досматривал всяких судеб церковных, то уже сия скверная хула и денницы превосходит гордение. Той бо рече, поставлю престол мой на небеси и буду подобен вышнему. Зде же яко и над Богом имети власть мнится быти.

Глаголеши, яко тишайшии государь наш и всещасливой царь вручил Никону, чтоб досматривал всяких судеб церковных. Како убо глаголеши, совопросниче, яко царь вручил Никону всяких судеб церковных? Не виде в вышеписанных, яко не от царей началство священства приемлется, но от священства на царство помазуются. Тем же явлено есть множицею, яко священство царьства (л. 297 об.)[1086] преболе есть. И ты глаголеши, яко царь вручил Никону, чтоб досматривал всяких судеб церковных. И се есть что подарил всеми привилеи. Которыми привилеи? Воеже ли вязати и решити? Мы иного себе законоположника не вемы, разве Христа, иже даде святым своим учеником и апостолом власть вязати и решити, глаголя: Приимите[1087] Дух Свят, им же грехи отпустите, отпустятся, и им же держите, держатся. Которую же царь дал? Еда сию? Ни, но похитил, якоже ты свидетелствуеши и вся дела его беззаконная. Что же ли дела его, церковию обладать, священными вещми богатится (л. 298)[1088] и питается, славится в них, яко вси церковницы митрополиты, архиепископы и епископы, священницы и вси причетницы покаряются, работают, оброки дают, воюют, судом, пошлинами владеет, Мы же таковаго привилея не точию не приемлем, но и гнушаемся и бегаем, яко змиина рютия и аки Антихристова взаконения гнушаемся по Христове заповеди, глаголющей, якоже назнамена Христос о нынешних настоящих летех, глаголя ко учеником: Б людитеся, рече, да никто же вас прелстит. Мнози бо приидут во имя Мое глаголюще: Аз есмь Христос. И многи прелстят. Не изыдите во след их, то есть не покоряйтесь (л. 298 об.)[1089] заповедем тех.

Т ако и Божественный апостол Павел учит ны: Б людите[1090], убо опасно как ходите, не яко немудри, но яко премудри, искупующе время, яко дние лукави суть. Сего ради не бываите несмыслени, но разумевающе, что есть воля Божия. И паки: В[1091] премудрости ходите ко внешним время искупующе. И паки: Молю[1092], убо вы, братие, щедротами Божиими представите телеса ваша, жертву живу, святу, благоугодну Богови. Словесное служение ваше и не сообразуйтеся веку сему, но преобразуйтеся обновлением ума вашего, воеже искушати вам, что есть воля Божия благая и угодная и совершеная. (л. 299)[1093] И паки: Никто же вас да лстит суетными словесы. Сих бо ради грядет гнев Божии на сыны противления, не бываите убо сопричастницы сим. И паки: Тайна[1094] уже беззакония деется. Якоже и Господь рече: Услышати[1095] же имате брани и слышания бранем. Зрите, не ужасаитеся. Подобает бо всем сим быти, но не тогда есть кончина. Востанет бо язык на язык и царство на царство, и будут глади и пагубы и труси по местом, вся же сия начало болезнем.

В идели, совопросниче, что деется. Не вся ли в нас суть? Но послушай последования, что глаголет Христос, не ложный пророк (л. 299 об.)[1096] с клятвою глаголет быти с ним: Аминь, глаголю вам, небо и земля прейдет, словеса же Моя не мимо идут. Тогда предадут вы в скорби и убиют вы, и будете ненавидими всеми имени Моего ради. Тогда, когда[1097] кто станет за слово Божие, якоже и ныне мы, и друг друга предадят, и возненавидит друг друга. Не се ли суть в нас? И паки: И мнози лжепророцы востанут.

Кто же лжепророцы? Газскии митрополит. Ничто же от Божественных писании глаголет, но от себя, и правила таковое писание ложное наричют. А иже ложное писание пишет, (л. 300)[1098] яве яко лжепророк он есть. И за умножение беззакония и изсякнет любы многих, котораго беззакония яве есть, яко кто чрез волю Божию восхитит кто не сущее свое, якоже государь царь восхити церковь и достояние ея все в свою область беззаконно. И того ради и нас ненавидит, якоже прелюбодей никогда может любити законнаго мужа, но присно помышляет о нем злое. А еже глаголеши, совопросниче, что царское величество вручил Никону, чтоб досматривал всяких судеб церковных, что вручил, его же сам не имеет, священство ли, но сам того не имеет. Како (л. 300 об.)[1099] может инем преподати, аще сам кто не имев? Аще ли глаголеши, яко свяшенства благодать хулит царь Святаго Духа благодать и его же благодатию мы вси приемлем благодать. А иже хулит на Святаго Духа, не имать оставления ни в сии век, ни в будущии. Кто же ли свидетелствует? Сам Христос Бог. Но власть ли вязати и решити, и се несть его власть подаяти, но Христа единаго. Той бо подая учеником, глаголя: Приимите[1100] Дух Свят, им же отпустите грехи, отпустятся, и им же держите, держатся. Но хощеши ли истину навыкнути, яко и сам той диадимою украшаяйся, священнической власти повинен, (л. 301)[1101] и его же свяжет кто по правде на земли, будет связан на небеси. Сему быти, истинно веруем.

А его же царь свяжет временно или убиет, имать о сем и ответ пред Господем Богом в День Судный дати. На се же Христос научил не боятися от убивающих тело, душю же не могущих убити. Но боятися подобает могущаго и душю и тело погубити в геене огненей. А еже глаголеши, что царь вручил нам, чтоб досматривал Никон всяких судеб церковных, солгал ты, злословче, ниже царь нам дал что любо власть которую, ниже мы требуем, что любо кую власть, ведая Божественыя (л. 301 об.)[1102] правила, яже суть выше писано.

Всяк мирскою властию церковь прием, извержется. Аще и ныне Бог терпит такому его беззаконию, что чрез божественныя уставы избирает, его же любит, и ставити повелевает. Вси тии не избраны от Бога и недостоини. За всех же имать ответ дати государь царь пред Господем Богом. Како может кто дати, его же сам не имеет.

П одобает[1103] ныне паки рещи Божие слово, еже есть. Блюдетеся, рече, да никто же вас прелстит и многи прелстят, не изыдите во след их. Подобает же зде со опаством истязати слово, чесого Христос заповедает блюстися, (л. 302)[1104] понеже провидец есть Бог, провидев яко мнози прелстятся. Чим и от кого? Не от самаго Антихриста прелщени будут, но якоже Божественный апостол Иоанн Богослов глаголет: Д ети[1105] последняя година есть, и яко слышасте, яко Антихрист грядет. И ныне Антихристи мнози быша, и от сего разумеваем, яко последнии час есть. От нас изыдоша, но не беша от нас. Аще бо беша от нас, пребыли убо беша с нами, но да явятся, яко не беша вси от нас. И паки: Чадца, никто же да лстит вас. Творяи правду праведник есть, якоже он праведен есть. Творяи грех от неприязни есть, яко от исперва (л. 302 об.)[1106] неприязнь согрешает. Сего ради явися Сын Божии да разрушит дела неприязнена. Всяк рожденный от Бога греха не творит, яко семя Его в нем пребывает, и не может согрешати, яко от Бога родися. Сего ради явленна суть чада Божия и чада диаволска. И паки: Разумеваяй Бога, послушает нас, иже несть от Бога, не послушает нас. О сем разумеваем дух истинный и дух лстеч.

К ако убо, злелукавыи человече, глаголеши, яко царь велел нам судеб церковных досматривати, его же сам не имеет. И видел еси, кто есть Антихристи и кто есть чада Божия и чада неприязнена, кто (л. 303)[1107] дух истинный и дух лстеч. Ныне мнози Антихристи есть, Крутицкий митрополит и прочии подобнии ему. Чада неприязнена ты и подобнии тебе. Дух лстеч Газскии митрополит и инии подобнии ему.

Н о послушай еще паки апостола Павла глаголюща: Да[1108] никто вас лстит, ни по единому образу, яко аще не приидет отступление прежде, которое отступление ничто же ино, развее яко Господь сказал: Т огда предадят вы в скорби и убиют вы, и будете ненавидими от всех имени Моего ради. И тогда соблазнятся мнози и друг друга предадят и возненавидит друг друга. И за умножение беззакония (л. 303 об.)[1109] изсякнет любы многих. Яве есть ныне всякому, мочно ум имущему, разумети, яко время то есть по деянию нынешнему. Что беззаконнее, еже царю арихиереов судити? Не Богом данную власть взял на ся. Где есть ныне евангелского словеси послушание и святых его заповедей хранение? То есть отступление от Бога. И тогда, глаголет, открыется человек греха, сын погибели, противник и превозносяися над всякого Бога или святилища тако, якоже сести[1110] ему в церкви Божией аки Богу, показуя себе, яко Бог есть. О Антихристе глаголет зде и велия открывает тайны. Что есть отступление? Того Антихриста нарицает от(л. 304)ступление[1111], яко многих имущаго погубити и отставити. Погубити не чювствено како любо, но в свою волю приведет, якоже тебе, Симеоне, и иных подобных тебе, святому священному Евангелию ругатися и Божиим рабом досаждати и поносити имени ради Христова и всяк зол глагол лгати и изгнати.

Т ако яко, рече, соблазнити, аще мощно и избранныя и человека греха нарицает и, безсчиленная бо соделает и приготовит иных, да делают лютая, якоже ныне в настоящем времени зрятся злобы его рабы его творят, Антихристи. То есть, якоже Иоанн глаголет: И ныне Антихристи мнози, то есть богопротивницы, все противно (л. 304 об.)[1112] священному Евангелию делают, и не просто, но и хвалятся таковыми своими злыми.

И сядет, глаголет, во церкви Божией, не иже во Иерусалиме едином, но повсюду во церквах власть его будет. Свидетелствует Иоанн Богослов, глаголя, яко Антихрист уже в мире есть, но никто же слышал или видел чювстенно, то есть чрез Божественыя заповеди владети начнут мирския власти церковию Божиею. Седалише бо глаголется или престол власть церковная, а не стол. Мнози мирския человеки таковыя же столы имеют подобием, якоже и царие и архиерее, но не глаголются престолы, понеже власти данныя не имеют. (л. 305)[1113] И повелит себе кланятися, не чювствено, но якоже ныне архиерей, и оставя свое достояние священническое и честь, кланяются царем и князем аки преобладающим и о всем тех спрашиваются и чести ищут. И сподобляются, по писанному: Оставя свет, возлюбили тму, оставя правыи путь, ходят во стезях погибели, осуетишася в помышлениих своих, ослепи бо их злоба их и не разумеша таин Божиих. Их же верховный Петр проклиная, глаголет: К лятвы[1114] чада, оставлше правыи путь, последоваша пути Валаама Восорова. Сии суть источницы безводнии и облацы и мглы от ветр преносимы, (л. 305 об.)[1115] им же мрак темный во веки блюдется.

П аки глаголеши, совопросниче: Се есть что подарил его всеми привилеи, которыя, велми почитаючи Константин Великии папу Римскаго Селивестра, вручил ему же, папе. Такоже и Никону на писме подал многия привилеи государь царь. Изорцы имянно, которыя подал привилеи, и аз ти реку, колико разорил и пренебрег. Древняя, якоже глаголет, мимо иде и се быша вся нова. О древних, даных Богом, привилеях и десятинах мимо преидем по апостольскому указанию, о новем же да глаголем. Яже Христос Спас наш предаде привилея святым своим учеником и апостолом, (л. 306)[1116] глаголя: Аз же тебе глаголю, яко ты еси Петр, и на сем камени созижду церковь Мою. И врата адова не удолеют ей.

Государь царь сие привилеи разори и церкви одоле, и сотвори ю себе повиноватися во всем. Павел апостол глаголет: Глава церкви Христос и якоже повинуется церкви Христу. И прочая.

И паки Господь рече: И дам ти ключя Царствия Небеснаго, и еже аще свяжеши на земли, будет связан на небеси. Царское величество и ключ у Петра и прочих апостол и по них наследник тех отъят. И еже свяжут, и владыка Христос Бог не решит на небеси, государь царь то разрешает на земли и на небеси. И еже аще разрешиши, рече, на земли, будет раз(л. 306 об.)решено[1117] на небеси. Государь царь то вяжет на земли. И паки: Дунув Господь на святыя своя ученики и апостолы, глаголя: Приимите Дух Свят, им же отпустите грехи, отпустятся, и им же держите, держатся. Государь царь, не прием Святаго Духа благодати, оставляет грехи и держит, им же хощет, властию мира сего, а не по благодати.

Господу глаголющу: Аще[1118] вы пребудете в словеси Моем, во истину ученицы Мои будете. Государь царь не точию сам пребывает, но и пребывающих ненавидит. Паки Господу глаголющу: Аминь, Аминь, глаголю вам. Аще кто слово мое соблюдет, смерти не имать видети. Государь царь не точию сам соблюдает, (л. 307)[1119] но и соблюдающих слово Божие казни предает. Господу глаголющу: Аминь, глаголю вам. Веруяй в Мя, дела, яже Аз творю, и той сотворит и болша сих сотворит. Государь царь не точию сам творит, но и творящих ненавидит и гонит. Господу глаголющу: Аще любите Мя, заповеди Моя соблюдите. Государь царь не точию сам соблюдает, но и соблюдающих ненавидит. Господу глаголющу: Имеяй заповеди Моя и соблюдая их, той есть любяй Мя. Государь царь, не точию любя Бога, заповеди Его соблюдает, но и соблюдающих не любит. Господу глаголющу: Не любяй Мя и словес моих не соблюдает. Государь царь сам не соблюдает, но и ругающихся (л. 307 об.)[1120] лобзает. Господу глаголющу: Мир Мой оставляю вам, мир Мой даю вам. Государь царь не точию мир Божии приемлет сам, но и приносящих гонит из града своего. Господу глаголющу: Аще бысте Мя любили, возрадовалися бысте убо. Государь царь не точию радуется, еже любити Бога, но и радующимся плакати творит. Господу глаголющу: Си[1121] есть заповедь Моя, да любите друг друга, якоже Аз возлюбих вы. Государь царь сам не любит и инем возбраняет любити друг друга. Господу глаголющу: Болша сея любве никто же имать, да кто душю свою положит за други своя. Вы друзи Мои есте, аще творите, елико Аз заповедаю вам. (л. 308)[1122] Государь царь не точию благоволит душу свою положити за други своя, но и хотящим хощет сам душю отъяти, и не еже братиею кого любо именовати от менших подданных своих, но и отца, иногда называя и пиша своею рукою, простому человеку уподобил, за злобу свою Никоном зовет, и ниже патриархом именует, и яко раба под оброки себе сотворил. И не мене, худаго раба Божия, но и Господа моего Иисуса Христа поработил себе. Все, еже Господу нашему Иисусу Христу даное в вечное наследие святей церкви его, себе усвоил и людем своим. Онем же суд имеет от Господа Бога, по делом руку своею приимут. Аще возмнится (л. 308 об.)[1123] кому жестоко слово се, мы не отречемся показати от Писания на ином месте.

У зрев[1124] же народы, Господь взыде на гору, и сшедшу Ему, приступиша к нему ученицы Его. И отверз уста своя, учаше их, глаголя: Блажени нищии духом, яко тех есть Царство Небесное. Яве есть, яко несть блажен, аще кто не нищ духом, то есть богатый, несть его Царствие Небесное. Господу свидетелствующу: Горе вам, богатым, яко отстоите утешения вашего.

П аки рече Господь: Блажени плачющиися, яко тии утешатся. Яве есть, яко несть блажен, от них же ныне плачются, и тии не утешатся. Господу свидетелствующу: Горе вам, (л. 309)[1125] смеющимся ныне, яко восплачете и возрыдаете.

П аки рече Господь: Блажени[1126] кротцыи, яко тии наследят землю. Яве есть, яко не блажени некротцы, понеже не наследят кротких земли.

П аки рече Господь: Блажени алчющии и жаждущии правды, яко тии насытятся. Яве есть, яко несть блажен не алчющии и не жаждущии правды, яко и богатыи он, иже не помилова Лазаря, сам единыя капли водныя вжада и не получи. Господу свидетелствующу: Горе вам, насыщенным ныне, яко взалчете.

П аки рече Господь: Блажени[1127] милостивии, яко тии помиловани будут. Яве есть, яко немилостивии помиловани не будут. (л. 309 об.)[1128] Господу свидетелствующу: Елико[1129] не сотвористе менших Моих братии, ни Мне сотвористе. Отъидите, рече, от Мене, проклятии, во огнь вечный, уготованный диаволу и аггелом его.

П аки рече Господь: Блажени чистии сердцем, яко тии Бога узрят. Яве есть, яко нечистии сердцем Бога не узрят, по писанному: Нечестивии не узрят славы твоея, Христос. И паки: Всяк высокосердечный нечист пред Богом и мерзок.

П аки рече Господь: Блажени миротворцы, яко тии сынове Божии нарекутся. Яве есть, яко всяк враждотворец не наречется сын Божии, но сын диаволии. Якоже и Господь свидетелствует: (л. 310)[1130] Вы отца вашего диавола есте и похоти отца вашего творите.

П аки рече Господь: Блажени изгнани правды ради, яко тех есть Царство Небесное. Яве есть, яко изгонившии несть достоини блаженства, ниже их есть Царство Небесное. Господу свидетелствующу: Аще изгонят вы из града сего, бегайте во ин. И паки: Идеже не приемлют вы, ниже послушают словес ваших, исходяще из града того, отрясите и прах ног ваших. Отраднее будет Содому и Гомору в День Судный, неже граду тому.

П аки Господь рече: Блажени есте, егда поносят вам и ижденут и рекут всяк зол глагол на вы, лжуще Мене ради, яве есть, яко несть блажени, иже (л. 310 об.)[1131] поносят нам и ижденут нас и всяк зол глагол на нас лжущих.

Г осподу глаголющу: Радуитеся и веселитеся, яко мзда ваша многа на небесех. Яве есть, яко не имут радоватися тии, котории не имут мзды прияти на небеси от Господа Бога, якоже и Господь свидетелствует, глаголя: Имущему[1132] бо везде дано будет и преизбудет. От неимущаго же и еже мнится имея, взято будет от него. И неключимаго раба вверзите во тму кромешную, ту будет плач и скрежет зубом.

И апостол глаголет: Да[1133] еще, братие, или не весте, яко неправедницы, Царствия Божия не наследят, ни тление нетление наследствует.

Г осподу глаголющу: Вы есте (л. 311)[1134] свет миру. Не может град укрытися, верху горы стоя, ни вжигают светилника и поставляют его под спудом, но на свещнице. И светит всем, иже в храмине суть. Тако да просветится свет ваш пред человеки, яко да видят ваша добрая дела и прославят Отца вашего, иже на небесех. Тако яко и иже некто не покажет добрых дел, помрачится пред человеки, яко да увидят злыя дела, хулу нанесет на Отца небеснаго.

Господу глаголющу: Глаголю[1135] бо вам, яко аще не избудет правда вашя, паче книжник и фарисей, не внидите в Царство Небесное.

Ныне же не точию преизобилуют паче книжник и фарисей, но иже (л. 311 об.)[1136] аще преизбывают, яко врага ненавидят, сами же преизбывают паче злобою.

Господу глаголющу: Слышасте, яко речено бысть древним: Не убиеши, иже бо аще убиет, повинен есть суду. Аз же глаголю вам, яко всяк, гневаяся на брата своего, повинен есть суду.

Ныне не точию гневаются всуе, но и мучат без правды и убивают и не боятся суда Божия, им же хощет Бог воздати комуждо по делом их.

Господу глаголющу: Иже бо аще речет брату своему «рака», повинен ести сонмищу. А иже речет «юроде», повинен есть геенне огненей.

Ныне же не точию брату своему (л. 312)[1137] глаголют «рака», но и вящше, и не боятся суда, но и юродом называя, не боятся генны огненой. Зане хотят тое наследовати и за злобу свою познают тогда, егда не избавятся от нея никогда.

Господу заповедающу: Аще убо принесеши дар твой ко олтарю и ту помянеши, яко брат твой имать нечто на тя, остави ту дар твой пред олтарем, и шед, прежде смирися с братом своим. И тогда пришед, принеси дар твой.

Ныне ничто же в дар ко святому олтарю велиии государь царь и бояря приносят, якоже Господь заповеда, да не явишися Господеви своему тощ, ниже входя в церковь, имущим на них нечто, оставляют пред олтарем (л. 312 об.)[1138] дар, понеже никогда ничево не приносят, развее сами себе, и оставити пред олтарем нечево. И аще что на ково имуть нечто, то в церкви, яко в судилищи осудив, возмездие творят по судбам своим беззаконным, якоже же хотят без боязни. Не поминают Господем реченнаго: Аще ли не отпущаете человеком согрешения их, ни Отец ваш небесный отпустит вам согрешении ваших. И памятуют, в церковь пришед, где бы что от церкве отнять.

Господу глаголющу: Слышасте[1139], яко речено бысть первым, не прелюбы сотвориши. Аз же глаголю вам, яко всяк, иже возрит на жену, воеже вожделети ей, уже (л. 313)[1140] любодействова с нею в сердцы своем.

Ныне же, видя прелюбы деящих, государь царь и вся полата его безгрешна того творят.

Господу глаголющу: Паки[1141] слышасте, яко речено бысть древним: Не во лжу кленешися, воздаси же Господеви клятвы твоя. И прочее.

Ныне же евангелски кленутся, еже ести ей, ей, якоже государь царь обещался во святей церкви на избрании нашем и клялся, что было евангелския Христовы заповеди и святых апостол и святых отец правила соблюдати. И ничто же соблюде, но паче инех сверстник своих возненавиде и всех архиерей и весь сигклит свой в таковыи же грех поучи.

Господу глаголющу: Слышасте, яко речено есть, око за око и зуб (л. 313 об.)[1142] за зуб. Аз же глаголю вам, не противитися злу, но аще тя кто ударит в десную твою ламиту, обрати ему и другую.

Ныне же государь царь за едино слово, аще кто о правде молвит, языки режет и руки и ноги отсекает, в заточение невозвратное ссылает, забыв смертый час: аки безсмертен, и не чая будущаго суда Божия, яко имать о всем Бог разсудити и отмстити. За здешнее маловременное усечение усечения вечных мук и ввержение в геену огненую, яко выше писано есть за един уд, колми паче за вся уды, и за здешнее заточение тмы кромешныя, и за здешнее лишение лишение вечных (л. 314)[1143] благ.

Паки Господу глаголющу: Хотящему судитися с тобою и ризу твою взяти, отпусти ему и срачицу.

Ныне же государь царь и не хотяшим судитися, в суд силно влечет, аще и ризу отдают и срачицу оставляют, силно судит, им же сам суд повинен есть. Но он, государь, все то преобидев, архиереов судит, и архиереов[1144] и иереов и весь причет церковный, ему же самому недостойно бе, он же и бояром и всем своим неправедным судиям и диаком судити велит чрез Божественныя правила. Правила убо повелевают епископа всею областию митрополитом судити и епископом. Аще невозможно есть всем снитися, менши двоюнадесять (л. 314 об.)[1145] да не будет. Митрополита по 9-му правил святаго Вселенскаго 4-го собора без[1146] патриарха не велено судити и всеми митрополиты и епископы.

Он же, государь, сам и гонитель, и истец, и судия, и свидетель, и повелитель, и собратель сонмища, и решитель суда на патриарха своими епископы, чрез вся священныя законы в суд нудит приити. Не поминает Христову заповедь, яко им же судом судите, осудитесь. И апостола, глаголаша[1147], всем бо нам подобает явитися пред судищем Христовым, да приимет кождо, яже с телом содела или благая или злая.

Паки Господь глаголет: И аще кто тя поимет по силе поприще едино, (л. 315)[1148] иди с ним две. Заповеду убо Господь всем едины заповеди, но ныне государь царь не хранит сих и все прежде бывшия заповеди благочестивых царей и великих государей и князей не брежет. И отца своего, блаженныя памяти великого государя царя и великого князя Михаила Феодоровича всеа Руси, все ни во что поставил. Даныя по последования древних благочествыих царей Константина и Устиниана и прочих, и емлет по силе у великой церкви в патриархии и в прочих церквах мирополичьих и архиепископьлих и во святых монастырех и посылает, идеже хощет, на войну и на прочая недостоиная своя дела.

Господу заповедающу: Просящему у тебе, (л. 315 об.)[1149] дай и хотящаго от тебе взяти, не отврати, и от взимающаго твоя, не истязу.

Ныне все противно сим заповедем. Аще кто и своего просит, не дают, не поминают реченнаго Господем: И иже мнится имея, взято будет от него. Како же взято будет? Псалмопевца вопросим, и той проповедает нам, яко царь, никого не бояся, и яко пророк не обинуяся лица человеча, и яко богатый искусом сведевый. Глаголи убо пророче Божии и царю глаголи со дерзновением, якоже Святый Дух просвети сердце твое. Таже начат, рече: Услышите сия вси языцы, внушите вси живущии по вселенней, земнии же (л. 316)[1150] и сынове человечестии, вкупе богат и убог, уста моя возглаголют премудрость и поручение сердца моего разум, приклоню в притчах ухо мое, отверзу во Псалтыри ганание мое, вскую бояся в день лют.

Видели, совопросниче лукавый, с каковым дерзновением пророк начинает глаголати всякому лицу не обинуяся, всем живущим по вселенней и всем земным вкупе богату и убогу[1151]. Таже и себе зазирая, рече: Вскую боюся в день лют, беззаконие пяты моея обыдет мя. Пяту пророк глаголет, еже что содела в мимошедшее время и не стыдится, сам себе оглаголуя, якоже хощет, о них же согреши, суд прияти. Тем же (л. 316 об.)[1152] и наводит, глаголя: Надеющиися силе своей и множеством богатства совего хваляишиися, брат не избавит, избавит ли человек. Не даст Богу измены за ся и цену избавления.

Видели, како пророк глаголет, яко по прехождению жития сего ни брат не избавит, ниже даст, рече, Богу измену за ся, ниже цену избавления ради души своея. Но что рече пророк: Утрудися ввек и жив будет до конца. Не узрит пагубы, егда видит премудрыя умирающа, вкупе безумен и несмыслен погибнета и иставят чюждим богатство свое, и гроби их жилища их ввек, селения их в род и род, нарекоша имена (л. 317)[1153] своя на земных. И человек, в чести сый, не разуме, приложися скотом несмысленым и уподобися им. Сей путь их соблазн им и по сих во устех своих благоизволят.

Видиши ли, совопросниче, силу словесе пророческа, яко сей путь соблазн их, то есть житие здешнее или добре или зле сотворит. Таже пророк глаголет: И по сих во устех своих благоизволят. Тогда благоизволят во устех своих, когда не будет их воля. И яко овцы во аде положени суть, смерть упасет их и обладают ими правии заутра и помощь их обетщает во аде. От славы своея изриновени быша, обаче Бог (л. 317 об.)[1154] избавит душю мою из руки адовы, егда приемлет мя.

Видели, како пророк трепещет и содрогает, моляся, Бога избавителя призывает на избавление души своея, сведущему безвестная и таиная премудрости Божия. Таже рече паки: Не убойся, егда разбогатеет человек или умножится слава дому его, яко егда умирает, не оставит ли вся, ниже снидет с ним слава его. И прочая.

Паки Господу глаголющу: Слышасте, яко речено есть: Возлюбиши искреняго своего и возненавидиши врага своего. Аз же глаголю вам: Любите враги ваша, благословите кленущая вы, добро творите ненавидя(л. 318)щим[1155] вас и молитеся за творящих вам напасть и изгоняющыя вы, яко да будете сынове Отца вашего, иже на небесех, яко солнце свет сияет на злыя и благия и дождит на праведныя и на неправедныя.

Зри, совопросниче, Божественыя и святыя заповеди Христовы. Кто ли бо слышаи сия, усрамился бы мало и постыдился, якоже инде Господь глаголет: Иже аще постыдится Мене и Моих словес в роде сем прелюбодеинем и грешнем, и сего сын человеческии постыдится во славе Отца своего. Кто ныне любит враги своя или благословит кленущыя или добро творит ненавидящим или молится за творящих напасти? И прочая. (л. 318 об.)[1156] Но вси ненавидят друг друга, вси зло творят друг другу, вси гонят. Како таковии могут быти сынове Отца небеснаго? Явно есть, по Господню словеси, таковии сынове отца их диавола есть и похоти отца их творят.

И якоже хощете, да творят вам человецы, и вы творите им такожде, но ныне сопротивно, сами добро любят да творят им человецы, инем же зло творят.

Господу глаголющу: Аще любите любящих вас, кую мзду имате, не не и мытаре ли тожде творят. И аще целуете други ваша токмо, что лишше творите, не и язычницы ли такожде творят. И аще благо (л. 319) творите[1157] благо творящим вам, кая вам благодать есть, ибо и грешницы тожде творят.

Кто же ныне благотворит кому, развее присномыслит вся како зазлит кому. И аще взаим даете, от них же чаете воспряти, кая вам благодать есть, ибо грешницы грешником взаим давают, да восприимут равная. Ныне же никто дает, но вси взимают, неправедники, а не ведают, аще что малое милостыни даст, всюду обходя пред собою трубит. Дати же милостыню, якоже лицемери творят в сонмощах и стогнах, такожде яко и молятся, да прославятся от человек. К таковым Господь глаголет: Аминь, (л. 319 об.)[1158] глаголю вам, восприимут мзду свою, которую мзду, тое же человецы ублажат. Божественныя же мзды лишени таковый. А иже чюждая похищающии, которую мзду приимут, развее воздаяние вечных мук.

Паки Господу глаголющу: Аще[1159] отпущаете человеком согрешения их, отпустит и вам Отец ваш небесный согрешения ваша.

Ныне же никто никому отпускает согрешения якова любо, но власть собою восхитили и не даная им вязати и решити на земли, и тех бедных вяжут, им же дадеся власть о благодати Святаго Духа, якоже и Господь заповеда: Его же, рече, аще[1160] свяжите на земли, будет связан (л. 320)[1161] на небеси. И прочая. Их же Господь да утвердит и не разрешит по словеси своему и на небеси. Аще и небеснаго жителства достойни бы были, ниже Отец небесный отпустит согрешения их.

Господу глаголющу: Не скрывайте себе сокровищ на земли, идеже червь и тля тлит, идеже татие подкопывают и крадут. Сокрывайте же себе сокровище на небеси, идеже ни червь, ни тля тлит, идеже татие не подкопают, ни крадут, идеже бо сокровище ваше, ту будет и сердце ваше.

Дата добавления: 2015-08-02