Разорение 23-му вопросу и ответу. 10 страница

Сия словеса и ина подобная тем глагола к царице Еутихии от блаженнаого Иоанна. Она же, слышавши словеса сия, написа к нему, сице имущи: Ожесточив, просиши, осудив мя словесы твоими, яко неправедну и беззаконие творящу. Не ведый царский устав и закон, ни дая ми чести ведомыя царем, но обидну мя имаши. К тому не стерплю тебе до конца, презрима тобою. А о винограде Феогнастове то веси (л. 457)[1670] римския законы, яже велят о таковем. Аще ли не веси, то разумей, како тии суть уставили исперва бывшии царие: Да иже годе ей есть, от обоих изберет себе от сих или в того место, идеже хощет, виноград также себе да возмет или цену его. Аз бо не хощу потваряти уставы древних царей, ни смышляю тако ничто же сотворити.

Таче яко прият от нея писание блаженный Иоанн и почет, востав, иде к ней в полату и седе у нея, начат паки тихыми словесы увещавати ю, множае перваго глагола к ней, таже потом рече ей: Возврати вспять (л. 457 об.)[1671] виноград вдовей. И не хощи слышати, яко неправду сотворши. Она же рече: Уже ти вписала есмь, что есть уставлено древними прежде нас бывшими цари о тацех местех. Дала же есмь ей избирати, якоже хощет, любо в того место виноград ин, а любо цену его. Иоанн же рече к ней: Глаголах ти и паки реку ти, воздаждь убозей вдове свое, ничто же бо чюждаго не просит. Царица же рече ему: Не тако сопротивися царем, не бо убо тебе будет на успех никии же сие. Отвещав же Иоанн, паки рече ей: Воздаждь виноград, а извета не твори ветхими уставы и (л. 458)[1672] законы, им же неверными цари то есть установлено. Да тем и лепо то есть было, вси бо цари законы суть уставили, да ничто ж ти возбраняет крив устав и неправеден разорити и право творити царице суще и жене цареве. Да не мози тако сотворити и вещати, да тя не прозову новую Езавель и приобрящеши си клятву равну той клятве.

Сице же ему глаголющу разгневавшись царица, повеле нуждею Иоанна изринути ис полаты, отрыгнувши яд, иже крыяше в сердцы своем на праведнаго, глаголющи: Аз имам сама себе отмстити, но и винограда не дам, ни ино что в него (л. 458 об.)[1673] место, ни ты можеши преодолети мене и принудити творити, еже аз не хощу, но и тебе накажу, да мене не преобидиши. Иоанн же изшед ис полаты и призва Евтихия архидиакона и заповеда ему, глаголя: Рцы дверником церковным, да егда приидет к церкви царица, то да затворят двери пред нею и не дадят ей внити и всем, иже с нею суть. Но да ей поведят, яко Иоанн есть, повелев сице сотворити, блюдите и не ослушайтеся.

Празднику же приспевшу Воздвижения Честаго Креста, собрася весь народ града в церковь. Царь же и вси боляри с ним и живущии (л. 459)[1674] окрест града и приходящии странницы не токмо праздника ради, но да и слышав сладкое учение Иоанново. Той же Иоанн, силою Святаго Духа просветився, начат беседовати к народу повестми многими и вси слышащии чюждахуся, яже от Бога данней ему премудрости. И тако им разрешаше, яже в Божественном Писании неудобь беяше разумное и закрытое. Тем же от сего паче чюдим беяше и похваляем от всех[1675], и радость немалая беяше во всем народе, яко всем глаголати: Поистинне достоин есть престола сего третии на десяте апостоле, Христос бо посла тебе (л. 459 об.)[1676] царствующему граду, да спасеши душа наша и напоиши от источник спасенных, яже ти есть дал Бог. Беяше же ту схоластик множество скоропишущих и любящих труды, их же он глаголаше, они писаху и дивляхуся, како ни едино сомнение имяше в словесех, ни дващи едино слово речаше, но яко изученую речь издавна глаголаше. И всем радующимся учения его ради, яко скончатися пророческому словеси о том, глаголющю, яко всем веселящимся жилище у тебе.

Прииде же царица к дверем церковным и с рабичищи и со всеми чинми хотящими внити. Вратницы же (л. 460)[1677] церковнии затвориша двери перед нею и не даша ей внити. Она же исполнишися гнева, вкупе же и срамом объята бывши, вопияше, глаголющи: Разумейте вси, како гнев держит человек сей на мя, яко вси входят во святую церковь, мне же точию единой возбраняет входа, еже аз не могу согнати его с престола своего ему. А иже с нею беяху пришли, толкаху во врата, глаголющи: Отверзите госпожи, а не безчинуйте. Они же отвещаша им, рекуще: Не о себе се сотворихом, но якоже нам повеле патриарх, и не смеем без позволения его ввести ея семо. Тогда ту един от сущих с царицею простер руку, (л. 460 об.)[1678] хотя ударити в церковныя двери, и ту абие усше рука ему и бысть яко мертва. Видевши же сие царица и вси иже с нею, убояшася зело и возвратишася в полату. А ему же усше рука, той вниде в церковь и ста посреде народа всем зрящим его. И возопи, глаголя: Помилуй мя, Господи Отче святый, исцели ми руку изсохшую, безумно дерзнувшу на святый храм, согреших, прости мя. Разумев же Духом Святым Иоанн вину, ея же ради сия прилучишася ему, рече ему: Иди и умый си руку в церковней опанице, в ней же воду свящают, и верую Господу Иисусу Христу, яко будет ти по вере твоей. Шед же человек, (л. 461)[1679] умыся и бысть цел. И пришед на среду, славя и благодаря Бога, и вси, иже и видевши внезапу исцелевша, хвалу воздаша Христу Богу, даровавшу угоднику своему Иоанну исцеления дары. Сия же и царя не утаися, но обаче не ведыися творяше о царицы, ведый ея нрава лютость и жестосердие. Любляше же зело царь преподобнаго Иоанна и в сладость его послушаше.

П ослание к Кириаку епископу.

Н е[1680] печалуй, брате Кириаке, ибо аз егда изгоним бех от царствующаго града, ничто же о сих вменях, но глаголах в себе, аще хощет царица изгнати мя, да изженет, Господня бо есть земля и концы ея. (л. 461 об.)[1681] Аще хощет претерти мя, да претрет, имам Исаию подобие. Аще хощет в пучину воврещи мя, воспоминаю Иону. Аще ли в ров ввержет, имам Даниила ко лвом ввержена в ров. Аще ли и камением побиет мя, имам Стефана первомученика тако пострадаша. Аще ли главу мою отсечет, имам Иоанна Крестителя. Аще хощет имения взяти, да возмет, наг изыдох от чрева матере моея, и наг паки отъиду. Мене утешает апостол, глаголя: Бог лица человечя не стыдится. Тем же аще человеком угождал бых, Христов раб не бых убо был. И Давид вооружает мя. Глаголах о свидениих твоих пред цареви и не (л. 462)[1682] стыдяхся. Многая на мя уготоваша, но вся зависти ради сотвориша.

В идел ли еси, совопросниче, мужество святых и приснопамятных великих отец наших, како не точию сами под суд царей не приходили, но и царей беззаконныя суды исправляли и обличали. Аще и множицею муками и смертию претими, но не возмогоша тем устрашити, изволиша правды ради умрети, нежели беззаконен суд прияти. И аще будет недоволно Божественных заповедей и святых апостол и святых отец правил и уставов к возбранению беззаконного вашего судища, то и от царских уставов (л. 462 об.)[1683] к сим еще приложим.

П ервый царь Саул, вознеистовився на священство, царства испаде. Поби священники Божия, сам убиен бысть своима рукама. И по нем царствова Давид над Израилем, и бе Давид творяй суд и правду над всеми людми его, а не над священники. Паки Давид Божественный по Христе и за Христа, такоже и на Христа борющих глаголаша: Вскую[1684] шаташася языцы и людие поучишася тщетным, предсташа царие земстии и князи собрашася вкупе на Господа и на Христа Его, расторгнем узы их и отвержем от нас иго их.

Послушай же, совопросниче, кто шатается и поучается тщетным. (л. 463)[1685] Не иже ли ныне со беззаконными архиереи предсташа цареви и князи собрашася вкупе на Господа и на Христа Его, то есть на святое и священное Евангелие, глаголющее: Аминь, глаголю вам, елика аще свяжете на земли, будут связано на небеси, и елика аще разрешите на земли, будут разрешено на небеси. И глаголаша: Расторгнем узы их и отвержем от нас иго их, то есть не послушаем запрещения патриарша и отвержем от нас повеление его. Таковым живый на небесех посмеется им и Господь поругается им. Тогда возглаголет к ним гневом своим и яростию своею смятет я.

Т ем же паки той же (л. 463 об.)[1686] Божественный Давид, аки советуя, глаголет: И ныне царие разумейте, накажитеся вси судящии земли. Работайте Господеви со страхом и радуйтеся Ему с трепетом.

А еже и ныне царие разумейте, то есть не преходите, рече, устав, но пребывайте в даном вам уставе и на восхищение не желайте, сиречь священническии[1687] власти и суда не отъемлите. Тем же и претит, глаголя: Накажитеся вся судящии земли. Како прежде вас, которые восхитили святительское действо, якоже Саул и прочии, и погибоша. И глаголаше: Работайте Господеви со страхом и радуйтеся Ему с трепетом. И паки засвидетелствует, (л. 464)[1688] глаголя: Приимите, рече, наказание, то есть закон заповедей Божиих. И паки устрашая, глаголет: Да некогда прогневается Господь и погибнете от пути праведнаго, егда возгорится вскоре ярость его.

Такожде же и Соломон подобно засвидетелствует, глаголя: Ты же избрал мя еси царя людем твоим и судиею сыном твоим и дщерем[1689], а не священником. И паки: Слышите бо, рече, царие и разумейте и научитеся судия концем земли. Внушите содержащии множества и гордящиися о народех язык, яко дана есть от Господа держава вам и сила от Вышняго. Иже[1690] истяжет дела ваша и помышления испы(л. 464 об.)тает[1691], яко слузи суще царства Его, не судисте право, ни сохранисте закона Его, ниже по воли Божии ходисте.

Да где есть закон или воля Божия, еже царем или велможам его судити архиереов и прочии священный чин и достояние их? К таковым премудрый Соломон претит, глаголя: Сокрушение скоро явится вам, яко суд жесточайшии на тех в находящих бывает. Мала бо подается милость, силнии же силне и стяжутся. Не лишает бо ся лица всех владыка, ниже усрамится велможи, яко мала и велика сей сотвори. Подобно же проразумевает о всех, державным же (л. 465)[1692] крепко свесть испытание. И паки тои ж рече: Разрушение[1693] ж законопреступных зла, се суть путие всех творящих беззаконие. Нечестием бо душу свою отъемлют. И паки: Сыне мой, глаголы закона не забывай. Глаголы же моя да соблюдет твое сердце, долготу бо жития и лета жизни и мира приложит ти.

Да где есть закон таков и заповедь, еже бы царем владети архиереи и прочим священным причтом. А иже аще кто без правды беззаконно восхитит на ся власть священства и суд архиерейский, како тому приложится долгота жития и лета жизни и мира?

И паки тои ж рече: Царь[1694] дерз впадет в злое. Царю послушающу словесе неправедна, вси под ним законопреступницы.

(л. 465 об.)[1695] И паки пишется в Паралипоменах: Возврати[1696] же ся Иосафат царь Иудин в дом свой мирно во Иерусалим. Его же срете Еву[1697] сын Анании видящаго, и рече к нему: Нечестиву ли даеши помощь или ненавидимаго от Господа дружбу складаеши. И рече ему Иуе: Сего ради не бысть на тя гнев Господень, яко и на блага дела обрете на суть в теле, зане отъял еси кумиры от земля Иудины и исправил сердце твое взыскати Господа Бога овец твоих и вселися убо Иосафат во Иерусалиме. Паки же изыде к людем от Вирсавии даже до горы Ефпемая и возврати их к Господу Богу овец своих. И постави же судии земли во всех градех Иудиных запасистых по коемуждо месту и повеле судиам видите, рече: Что творите, не бо человечески сотворите суд, но Господень. (л[1698]. 465 а) И что елика судите, в вас преизбудет и да будет страх Господень с вами присно и с люблением вся творите. Несть[1699] бо пред Господем Богом нашим беззаконие, ниже дивления лицу, ни прияти мзды. Во Иерусалиме ж постави Иосафат левиты и священницы и началницы обителем от Израиля, да суд и вещь ту судят жителем во Иерусалиме. Повеле же им, глаголющи: Тако делайте во страсе Господни и верне. И[1700] сердцем сокрушенным всякую вещь, иже приидет к вам братии ваших, иже обитают во градех их. Промежу кровию кровь, где коли же вопрошение будет от закона, от заповеди, от чинов, от оправдании покажите им, да не согрешают Господеви. И не приидет ярость на вас и на братию вашу. Тако бо делающе, не согрешите. А Мария же священник, архиерей ваш, сии же к Богу (л. 465 а об.)[1701] предстояти предстанет. И паки Завадия сын Измаель, иже есть вож в дому Иудине, иж к цареву чину предстоит и книжники левиты пред вами. Укрепитеся и делайте любящии, и будет Господь с вами во благих.

П рочее же царей Июдиных и царей Израилевых, яже к Богу беззаконноваша и священники обругаша и того ради погибоша. И о сем писано есть в книгах Царств.

Послушай же, како и язычестии царие, боящиися Бога, предпочитающе священство древле, якоже пишет в книге Ездры. Еже даде грамоту перскии царь Артаксеркс Ездре священнику писцу, научену во словесех и повелениих Господних в книзе закона и повелении его во Израили сице: А ртаксеркс[1702], царь царем, Ездре священнику, писцу закона Бога небеснаго (л. 466)[1703] совершити слово и ответ.

От[1704] мене повелено есть, да кождо, иже имать усердие благо от людии израилевых в царстве моем и от священников его и от левитов поити во Иерусалим с тобою, да идет, от лица бо царева и седми советников его послан еси. Да посетишь Июдею Иерусалима закона Бога твоего, иже есть в руку твоею, и да несеши сребро и злато, что царь и советницы его со усердием даша Богу Израилеву, иже во иерусалиме обитает. И все злато и сребро, кое аще найдеши во всей области Вавилонстей, с волею людскою и священник, иже волею принесоша дому Бога своего, иже есть во Иерусалиме, и вся, иже (л. 466 об.)[1705] до расходу заповедах в писании том, да дают телцы и овны, и агнцы и пожрения их и возлияния их. И принеси та на олтарь церкви Богу вашему, иже есть во Иерусалиме. Но аще что тебе и братии твоей восхощется и от прочаго сребра и злата, еже по воли Богу вашему творити, да сотворите, и сосуды, иже даны тебе в службу дому Бога твоего, дай пред Богом во Иерусалиме. Но и прочии потребы в дому Бога твоего, колико же потребно есть, да раздаси, даси же от сокровища и от сокровища царева и от мене. Аз, Артаксеркс царь, поставих и повелех всем стражем сокровища, иже (л. 467)[1706] есть за рекою, да что елико ж воспросит от вас Ездра священник, писец закону Бога небеснаго без стояния давайте 100 талант сребра, такожде и пшеницы до 100 мер, такожде и вина до 100 бочек, такожде и елея до 100 чванов и соли без меры, все, что ко обычаю Богу небесному достоит, да воздается. Вонмите, да никто зазлит дому Бога небеснаго, иже бы не был когда гнев на царство царево и сынов его. И вам же знаемо творим, всем священником и левитом, певцем и двеником, нафинеом, слугам дому Божия, се да есть ти ведомо, дани не берите, ниже имейте области наставляти на них что. (л. 467 об.)[1707] Ты же, Ездра, по премудрости Бога твоего, иже есть в руку твоею, постави книжники и судия и наместницы, да судят вся люди, иже есть за рекою, всем, иже знают закон Бога твоего, и неведающему ведати сотворите. И всяк, иже не сотворит закона Бога твоего и закона царева тощно, суд да будет сотворен от него, аще в смерть или в наказание или во оттщетение живота или в темницу.

В идели, совопросниче, древняго иноплеменническаго царя, боящагося Бога Израилева, какову честь и свободу священником сотвори. Не имать ли в День Судный востати на суд ииосудити, иже ныне кто прео(л. 468)бидит[1708] священническую честь и власть, якоже пишется: Царица Южская востанет на суд с родом сим и осудит. И прочее.

Н о аще восхощеши уведати и от христианских царей законов и заповедей навыкнути о сем, яко не подобает благочестивым царем судом священническим обладати, послушай.

П ервый христианский царь Константин при конце своей заповеди к Силивестру, Папе Римскому, пишет сице: Идеже[1709] святительская власть и христианскаго благочестия глава небесным царем уставлена бысть, недостойно есть тамо власть имети земному царю. Сия убо вся, яже священным (л. 468 об.)[1710] нашим сим писанием и иными Божественными суды повелена же и укреплена даже до скончания миру. Заповедаем православным царем и князем и всем людем, иже по всей вселенней, даже до скончания миру. Отнюду же пред живым Богом, иже повелевшим нам царьствовати, и Страшнаго Его Суда предсвидетелствуем священным и Божественным повелением. Аще ли же кто силою или неверием или гордостию преобидник будет о сих, вечными да объят будет осуждении и онех да подпадет томлением и обрящет тогда себе сопротивных (л. 469)[1711] святых Божиих и началных апостолов Петра и Павла и в настоящем убо житии и в будущем веце и да в преисподнем аде мучим будет, и да исчезнет со диаволом и со всеми нечестивыми.

В идели благочестивыя души царския, предание и утвержение страшное? Пространнее сего разсмотри напреди, в полной его заповеди.

Н о и на первом святем вселенствем соборе[1712] вражебнии нецыи мужие на некои епископы подписана давше царю оклеветания. Он же сия прием и свив, и перстнем запечатлев, повеле хранити. Таже к смирению тех и единомыслию учинив и сия принес, (л. 469)[1713] пред всеми сожже, отнюдь никако ж прочте писанных. Не бо речех по есть согрешением священническим явленом быти, мнозим вину отсюду приемше, без страха согрешают. Аще возхощеши и от царских законов покажем ти.

От свитка новых заповедей заповедеь, ей же начало.

Т ой[1714] же царь Иустиниан Иоанну епарху воеводскому, дващи епарху бывши и патрикию, многи законныя написавше книги о боголюбивых же епископех и потом о всем священничестве и о благоговейных мнисех и малом преж сего то сотворше, в них же (л. 470)[1715] восхотехом благоговейным мнихом токмо от градских епископ, под ними же суть монастырие их, позываемом быти на суд. Убеждени быхом от Мины боголюбиваго епископа пребогатаго сего града и вселенскаго патриарха и благоговейным причетником таковое дати свобождение, яко аще кто имать некакову разпрю с неким, первое боголюбивому епископу, под ним же есть, возвестити о том и без писания разсуждение прияти. И аще будет се, не стужати им, ни повлачити ж на градское судище, но без писания и без пагубы приимати образ равен писанному, аще оба тако (л. 470 об.)[1716] восхощета соперника и пременитася от зависти. Аще же некоего ради неудобия не будет епископу возможно разрешити вины, тогда свободно будет и пред градския властели ити и еже вземлют от церкве всему храниму сущу. Елика же благоговейным причетником Божественныя заповеди дают, и да потщатся конец положити суду. И аще убо о градских винах повлачатся, ту убо суть и подобни судити боляре. Аще же от инех области своим властели да будут судии и да не преступает суд дву месяцу ожиданием, отнели же начало бысть, якоже (л. 471)[1717] вборзе положити вещи конец, оному яве сущу, иже повинен быти от обою мнится. Того области владый судия и казни достойне, осудит его. Первее убо обнажену быти тому священническаго сана от боголюбиваго епископа, и тако под законней руце предану быти на казнь. Аще же будет церковный грех, требуя целомудрия и запрещении церковных, епископ таковое да судит, не хощем бо да уведят таковыя вины градстии боляре.

Г лава 54.

А ще кто на некоего причетника или на монаха или на диаконису, или на постницу имать некую вину, (л. 471 об.)[1718] да скажет первие преподобному епископу, под ним же есть кождо их, он же вещь между има да разсудит.

Т ого же 56.

А ще же о церковных вещех будет вина, ни единаго же общения градским властелем, но епископ по священным правилом да судит.

Т ого же 57.

А ще нецыи преподобнии епископи того же собора, рекше от единыя области, распрю некую имеют друг ко другу, или о церковных местех, или о иных неких вещех, первое митрополит их со другими епсикопы от своего собора таковую вещь да судит. И аще не пребу(л. 472)дета[1719] оба суперника в сужденных, тогда преблаженный патриарх того правления между ими да разсудит, и тако да повелит, якоже церковным правилом и законом подобно, ни единому же сопернику противу сего глаголати могущу.

Т ого же 58.

А ще же причетник или ин некто вину имать на епископа, первое преподобный мирополит области тоя по священным правилом и по нашим законом таковую вещь да разсудит. И аще кто поречет сужденная к преблаженному епископу и патриарху вещь возвестити, и той подобный тому вдаст конец. (л. 472 об.)[1720] Аще же на митрополита имать что епископ или причетник или ин кто, патриарх того правления подобным образом вещь да судит. По всяких же винах или от своих митрополит или от патриарх или от инех киих любо судей епископи судятся.

Н овых заповедей Иустиниана царя глава 32.

В торая[1721] заповедь первыя грани новых заповедей. Причетники, глаголет, презвитеры и диаконы, и иподиаконы, четцы и певцы. Шестая же заповедь третия грани первых книг свитка и заклинатели и дверники поминает. Вси же сии управляеми и (л. 473)[1722] судими своим их епископом да суть.

Т ого же Иустиниана царя новых заповедей 9-я грани глава 30.

Я коже[1723] имый нечто на некоего от мних или от священных девиц и жен сущих в монастырех ко епископу места того да приступит и возвестит ему. Он же с честию мниха или черноризицу послав игумена да приведет, иди посолника, или иного от смиренных и кротких и, разсмотрив, судит. Властель же[1724] мирскии покушаяся привести пред ся, таковыи лишен будет власти и даст в людское сокровище 10 литр перепер купно с своим чином. Посланнии же, (л. 473 об.)[1725] иже приведоша я, заключени будут в преграде и подобную казнь да приимут, и епископом возбранени будут, к тому таковых на мирских властелех судища не приводити.

У став святаго князя Владимира, крестившаго Русскую землю, о церковных судех и о десятинах.

В о имя Отца и Сына и Святаго Духа.

Се аз, князь Владимир, нареченный во святом крещении Василии, сын Святославль, внук Игорев, и Божественныя княгини Олги, принял есмь крещение от греческаго царя и от Фотия, Патриарха Цареградскаго, и приях от него перваго митрополита Михаила Киеву, (л. 474)[1726] иже крести всю Русскую землю святым крещением. Потом развергше греческии Номоканон, обретох в нем о самой истины святых апостол и святых отец предание и перваго правовернаго царя Константина и всех прежних царей христианских на всех вселенских соборех исправления о судех церковных и о всем священническом чину и о десятинах,, яже не подобает сих судов и тяж князю судити, ни бояром его, ни тиуном.

И аз с своими детми и со всеми князи и с своими боляры дал есмь те суды церквам Божиим, преосвященному митрополиту и всем епископиям по Руской земли. А по сем (л. 474 об.)[1727] не надобно вступатися ни детем моим, ни внучатом, ни всему роду моему до века, ни в люди церковныя, ни во все суды их. То все дал есмь церкви Божии по всем градом и по погостом и по слободам, где суть христиане, и своим тиуном приказываю судов церковных не судити и наших судов без владычня судии не судити десятин деля.

А се людие церковныя преданы епископом по правилом: епископ, игумен, поп и дети их, диакон, причетник, кто в клиросе стоит, чернецы, черница, попадья, просвирница, паломник, лечец, баба, вдовица, задушный человек, (л. 475)[1728] стороник, слепец, хромец, монастыри, болницы, гостинницы, странноприемницы, богаделны, то люди церковныя, епископ ведает меж ими суд или обида или которая вражда или задница.

О церковных судех.

А се церковныя судове, даныи законом Божиим по правилом святых апостол и святых отец и по уставом православных царей и князей во всех христианских людех: роспуты, смилное застатие, пошибание, умычки, промеж мужем и женою о животе их, в племяни или в сватовстве поймутся, ведовстов, потворы, чародеяние, волхование, зелейни(л. 475 об.)чество[1729], урекания три, бляднею и зелием и еретичеством, зубоежа, или сын отца и матерь биет или дщи матерь биет, или сноха свекровь, или дети тяжутся о задницу, церковная татба, мертвецы сволочат, крест посекут или на стенах третки емлют и с креста, скот или псы или потки без великия нужды введет в церковь, или что неподобно в церкви деет, или два друга имета ся бити, единаго жена другаго имет за лоно и раздавит, или кого застанут с четвероножиною, или кто под овином молится, или во ржи, или под рощением, или у воды, (л. 476)[1730] или девица дитя повержет, те суды все церквам даны суть.

Основания иного никто же может положити, паче лежащаго, да вси сограждают на сем основании. И иже аще кто разсыплет храм Божии, разсыплет того Бог, церкви бо Божия свята есть. Аще кто изменит святый сей устав, якоже есмы уставили по святых отец правилом и первых царей управлению, или сынове мои князи, или внуцы мои, или правнуцы мои, или от рода моего кто, или от князей, или от боляр, или в котором городе наместник, или судия, или тиун, а порушат ряд мой и вступятся в суды (л. 476 об.)[1731] церковныя, или отъимати, да будут прокляти в сий век и в будущии от седми собор вселенских.

О тех же судех великаго князя Ярослава, сына великаго князя Владимира, крестившаго Рускую землю.

С е аз, князь великии Ярослав, сын Владимирь, по данию отца своего, згадал есмь с митрополитом Иларионом, сложил есмь греческии Номоканон, аже не подобает сих тяж судити князю и бояром, дал митрополиту и епископом те суды, которыя по правилом святых апостол и святых отец отдал отец, великии князь Владимир, по всем градом и по всей области, где (л. 477)[1732] христианство.

А ще восхощеши, еще ти приложим и от прежде бывших ординских царей законов, то есть ярлыков, иже даша в лето 6821-е преосвященному Петру митрополиту Киевскому и всея Росии чюдотворцу и прочим митрополитом, яко да и тии в День Судный востанут, якоже царица Южеская с родом сим и осудят и, аще не покаются.

В нем же есть тако писано.

В ышняго и безсмертнаго Бога силою и волею и величеством и милостию Его многою Азбяково слово всем нашим князем великим и средним и нижним и силным воеводам, (л. 477 об.)[1733] велможам и князем нашим уделным, и дорогам славным, и полским князем, высоким и нижним, и книжником, и уставодержалником, и учителным людским поветсником, избирателем и баскаком, и послом нашим и гонцом, и данщиком, и писцом, и мимоездящим послом, и ловцом нашим, и соколником, и пардусником, и всем людем, высоким и нижним, малым и великим нашего царства, по всем нашим странам, по всем нашим улусом, где наша Бога безсмертнаго сила власть держит и слово наше владеет. (л. 478)[1734] Да никто же обидит на Руси соборную церковь митрополита Петра и его людей и церковных его, да никто же взимает, ни стяжании, ни имении, ни людей. А знает Петр митрополит в правду и право судит и управляет люди своя в правду в чем ни будь, и в розбое, и в поличном, и в татбе, и во всяких делех ведает сам Петр митрополит един или кому прикажет. Да вси покаряются и повинуются митрополиту вся его церковныя причты, первым изначала законом их и первым грамотам нашим первых царей великих грамотам (л. 478 об.)[1735] и дефтерем, да не вступаются в церковное и в митрополиче никто ж, занеже то Божие все суть. А кто вступится, а наш ярлык и наше слово преслушает, тот есть Богу повинен и гнев на себя от него приимет, а от нас казнь ему будет смертная. А митрополит правым путем ходит да правым путем пребывает и тешитца, да правым сердцем и правою мыслию вся своя церковная[1736] управляет и судит, и ведает или кому повелит таковыя ведати и управляти. А нам в то не вступатца ни во что, ни детем нашим, ни всем нашим (л. 479)[1737] князем нашего царства и всех наших стран и всех наших улусов да не вступаются никто же ничем в церковныя и в митрополичи, ни в городы их, ни в волости их, ни в села их, ни во всякия ловли их, ни в борти их, ни в земли их, ни в улусы их, ни в лесы их, ни во ограды их, ни в волостныя места их, ни в винограды их, ни в мелницы их, ни в зимовища их, ни в стада их конныя, ни во всякия скотския стада, но вся стяжания и имения их церковныя и люди их и вся причты их и вся законы их уложеныя старыя от начала их, то все ведает митро(л. 479 об.)полит[1738] или кому прикажет, да не будет ничто же перечинено или порушено или кем изобижено[1739]. Да пребывает митрополит в тихом и кротком житии без всякия голки, да правым сердцем и правою мыслию молит Бога за нас и за наши жены и за наши дети и за наше племя. И мы то такожде управляем и жалуем, якоже и прежние цари ярлыки им давали и жаловали их, а мы по тому же пути теми же ярлыки жалуем их, да Бог нас пожалует, заступит. А мы Божия брежем, а даннаго Богу не взимаем, а кто взимает Божия, и тот будет Богу повинен, а гнев Божии (л. 480)[1740] на него ж будет, а от нас будет казнен смертною казнью, да то видя, и иныя в боязни будут. А поедут наши баскаки и таможники, данщики, поборщики, писцы по сим нашим грамотам, как наше слово молвило и уставило, да все будут целы соборныя церкви митрополичи, никем ни от кого не изобижены вся его люди и вся стяжания его, как ярлык имеет. И архимандриты и игумены и попы и вся причты церковныя ничем никто да не будет изобижен. Дань ли на нас емлют или иное что ни буди, тамга ли, поплужное ли, ям ли, мыт ли, (л. 480 об.)[1741] мостовшина ли, воина ли, ловитва коя ни буди наша, или егда на службу нашю с наших улусов повелим рать збирати, где восхотим воевати, а от соборныя церкви и от Петра митрополита никто же да не взимает и от них людей и от всего его причта. Те бо за нас Бога молят и нас блюдут и наше воинство укрепляют, кто бо того и прежде нас не ведает, что Бога безсмертнаго силою и волею живут все и воюют, то все ведают. И мы, Богу моляся, по первым царей грамотам грамоты им давали жаловалныя, а не изыначивали ни в чем. Как то (л. 481)[1742] было прежде нас, так молвя и наше слово уставило, по первому пути которая дань наша будет, или запросы наши накинем, или поплужное, или послы наши будут, или кормы наши, или коней наших или подводы, или корм послов наших, или наших цариц, или наших детей и кто ни есть и кто ни буди, да не взимают, да не просят ничто же. А что возмут, и они отдадут назад третицею, аще будет взяли за нужу великую, а от нас им будет некротко, а наше око тихо на них не смотрит. А что будут церковнии люди, ремесленицы кои или писцы, или (л. 481 об.)[1743] или каменныя здатели, или древяныя, или иныя мастеры каковы ни буди, или ловцы какова лова ни буди, или соколницы, а в то наши никто не вступаются и на наше дело да не емлют их, и пардусницы наши и ловцы наши и соколницы наши и побережницы наши да не вступаются в них и да не взимают у них их делных орудий и да не отнимают ничего ж. А кто закон их и в законе их церкви и монастыри и часовни их ничем да не вредят, ни хулят, а кто учнет веру хулити или осуждати, тот человек не извинится ничим же и умрет (л. 482)[1744] злою смертию. А что попы и диаконы их един хлеб ядят и во едином дому живут, у кого брат или сын, и тем по тому ж пути наше жалование, оже кто будет от них не выступил, а митрополиту не служит, а живет себе, тот именем поповским да не отъимается, но дает дань. А попы и диаконы и причты церковныя пожалованы от нас, по первой нашей грамоте и стоят молящеся за нас Богу правым сердцем и правою мыслию. А кто учнет неправым сердцем молитися о нас Богу, тот грех на нем будет. А кто будет поп (л. 482 об.)[1745] или диакон или причетник церковный или люди кто ни буди, откуду ни есть, митрополиту похотят служити и о нас Бога молити, что будет у них, у митрополита в мысли, то ведает митрополит. Так слово наше учинило, и дали есмя Петру митрополиту грамоту сию крепости ему для. Да сию грамоту видяще и слышаще вси людие и все церкви и все монастыри и все причты церковныя да не преслушают ни в чем его, но послушни будут ему по их закону и по старине, как у них изстари идет. Да пребывает митрополит правым сердцем (л. 483)[1746] без всякие скорби и без печали, Бога моля о нас и о нашем царстве.

Дата добавления: 2015-08-02